நாட்டு நடப்பு

ஈரோடு சங்கமம்-2011 அமைப்பாளர்களுக்கு நன்றி! நன்றி! நன்றி!

2011-12-31T09:06:00.000+05:30

ஈரோடு பதிவர் சங்கமம் குறித்து அனேகர் எழுதிவிட்ட பின்னர் எழுத இன்னும் என்ன இருக்கிறது என்று தோன்றினாலும்,15 பதிவரை அழைத்து கெளரவப்படுத்தியவர்களை,விருந்தோம்பலுக்கு உதாரணமாக இருந்தவர்களை,பாசத்தோடு அழைத்தவர்களை பாராட்டி எழுதுவது சகப்பதிவர்களின் கடமை என்ற வகையில் எழுதிகிறேன்.

சென்ற வருடம் வருகிறேன் என்று உறுதியாக சொன்ன பின்பும் சில தவிர்க்க முடியாத காரணத்தினால் செல்லமுடியவில்லை.இந்த வருடம் அழைப்பு வந்தவுடன் நிச்சயம் செல்லவேண்டும் என்று முடிவெடுத்தேன்.பெருவாரியான சென்னை பதிவர்களின் வருகையும் இதற்கு ஒரு காரணமாக அமைந்தது.

சென்னையில் பணி,குடும்பம் பெங்களுரில் ஆகவே வாரயிறுதி எப்பவும் பெங்களுர்.16-தேதி வெள்ளியிரவு பணி முடிந்ததும் பெங்களுர் பயணம்.சனிக்கிழமை காலை மகள் பள்ளியில் விளையாட்டு போட்டியை காணச் சென்றேன்.அதிகம் எதிர்ப்பார்த்த என் மகள் கலந்து கொண்ட 100 மீட்டர் ஒட்டப்பந்தயத்தின் முடிவு வேறு மாதிரியாக வந்தது.

மதியம் சற்று ஒய்வு எடுத்தபின் இரவு ஈரோடு பயணம்.பேருந்தில் ஏறிய உடன் ஜீவ்ஸிடமிருந்து அழைப்பு “எங்க இருக்கிங்க அரவிந்தன்.?” ஜீவ்ஸ் நான் எலெக்ட்ரானிக் சிட்டி தாண்டிட்டேன்” என்றேன்.சரிங்க காலை 4 மணிக்கு ஈரோட்டில் சந்திப்போம்” என்றார் ஜீவ்ஸ்.

மூன்று மணிக்கே ஈரோடு சென்றுவிட்டேன்.4 மணிக்குத்தான் வருவதாய் ஜாபரிடம் சொல்லியிருந்தேன் ஆகவே இப்ப தொந்தரவு செய்யவேண்டாம் என்று பேருந்து நிலையத்தில் காத்திருக்க முடிவு செய்தேன்.அப்பொழுது” 24 மணி நேரம் டீ,காபி,தோடை,இட்லி கிடைக்கும்” என்ற கெளரிசங்கர் உணவு விடுதி கண்ணில் பட்டது.சூடான நெய் தோசை,காபி சாப்பிட்டேன்.இங்கு ஒன்றை குறிப்பிட்டு சொல்லியாக வேண்டும்.பொதுவாக பேருந்து நிலையத்தில் இருக்கும் உணவு விடுதிகளில் சுத்தம் மற்றும் சுவை பெரிய அளவில் இருக்காது.கெளரி சங்கரில் இரண்டும் போதுமான அளவில் இருந்தது.உணவு பரிமாறியவர் அந்த இரவு நேரத்திலும் சட்டையை பேண்ட்டுக்குள் இன் செய்து பெல்ட்கட்டி நேர்த்தியாக இருந்தார்.

சாப்பிட்டு காலாற நடக்கத் துவங்கினேன்.நேரம் அதிகாலை 3:30 சாலையில் மனித நடமாட்டமோ வாகன ஓட்டமோ ஏதும் இல்லை.

பாதி தூரம் சென்றவுடன் ஜாபரை தொலைப்பேசியில் அழைத்தி விடுதி முகவரியை உறுதிபடுத்திகொண்டேன்.ஜாபர் ”ஏன் பேருந்துநிலையத்தில் இருந்தே கூப்பிட்டிருக்கலாமே ஏன் நடந்து வந்திங்க” என்று கேட்டார்.பரவாயில்லைங்க் காலையில் நல்ல நடைப்பயிற்சி என்றேன்,

வாசலில் நின்று சிரித்த முகமோடு வரவேற்றார்.2 மணிக்கு படுத்து 3:30 எழுந்துவிட்டிருந்தார் ஜாபர்.அறிமுகங்களுக்குபிறகு வழக்கம்போல அரசியல் பேச ஆரம்பித்தோம்.தமிழ் தேசியம் குறித்து வீவாதங்கள் 4:30 மணி வரை நீண்டது.அப்போது ஜீவ்ஸ் ஈரோடு வந்துவிட்டதாக ஜாபரிடம் தொலைப்பேசியில் தெரிவித்தார்.ஜீவ்ஸை அழைத்து வர ஜாபர் கிளம்ப, நான் சற்று கண்ணயர்ந்தேன். சிறிது நேரத்தில் ஜீவ்ஸ் வந்தார்.பல வருடங்களுக்கு பிறகு ஜீவ்ஸ் பார்க்கிறேன்.வந்தவுடன் கேமாராவை கையில் எடுத்தார்.ஜாபரை பல கோணங்களில் படமெடுத்தார்.ஜாபருக்கு ஆச்சர்யம் ”புகைப்படத்தில் நான் எப்படி இவ்வளவு அழகாக இருக்கிறேன்” என்று.

ஜாபர் நீங்கள் நேரிலும் மிக அழகாக இருக்கிறீர்கள்!

உடனே ஜாபருக்கு அடுத்த வேலை இணைய இரட்டையர்களான தம்பி லக்கி மற்றும் அதிஷாவை அழைத்து வரும் பணி.

லக்கியும் அதிஷாவும் சிரித்த முகத்துடன் பயண களைப்பு எதுமின்றி அறைக்கு வந்து சேர்ந்தனர்.மீண்டும் அரட்டை கச்சேரி தொடர்ந்தது. ஒரு 7 மணி இருக்கும். அப்பொழுது தாடி,ஓங்குதாங்கான உருவத்துடன் எங்கள் ஒருவர் அறைக்கு வந்தார்.கொஞ்சமும் அடையாளம் தெரியவில்லை.அரவிந்த் அண்ணே என்று அழைத்தவுடன் அடையாளம் தெரிந்தது.நம்ம பாசக்கார பாலபாரதி.

நாங்கள் விழாவிற்க்கு செல்ல தயாராகி கொண்டிருந்த நேரத்தில் ஜாபரும் வீட்டிற்கு சென்று தயாராகி வந்தார்.

தாமோதர் அவர்களின் மகிழுந்து எங்களை அழைத்துச்செல்ல காத்திருந்தது.வண்டியில் இடமிருந்த்தும் அதிஷா ஏற மறுத்துவிட்டார்.அதிஷாவுக்கு காரில் செல்ல பயமாம்.காரில் பயணமே செய்ததில்லையாம்.பிறகு ஜாபரின் வண்டியில் வந்தார்.நன்றி ஜாபர்!

மொழிவாரி மாநிலங்கள் பிரிக்கப்பட்டபோது தமிழகம் எப்படியெல்லாம் வஞ்சிக்கப்பட்டது என்பது குறித்து விவாதித்துகொண்டே விழா அரங்கை அடைந்தோம்.

வாசலில் விழா அழைப்பாளர்கள் அன்போடும் வாய் நிறைய புன்னைகையோடும் வரவேற்றார்கள்.உடனே சாப்பிடும் இடத்திற்கு சென்றோம்..நான் பட்டு வேட்டி கட்டியிருந்தேன்,தோளில் லாப்டாப் பை.அதைப்பார்த்தவுடன் தவில் இங்க இருக்கு நாதஸ் எங்க இருக்கு மணிஜி என்னை கலாய்க்க ஆரம்பித்தார் :)

சாப்பிட்டு கொண்டிருந்த ஈரோடு கதிர் சாப்பிடுவதை நிறுத்திவிட்டு”வாங்க அரவிந்தன் எப்படி இருக்கிங்க” என்று அன்போடு விசாரித்தார்.நன்றி கதிர்!

அபி அப்பாவை முதன்முறையாக பார்த்தேன்.மகிழ்ச்சியான அரட்டை தொடர்ந்தது,விரா,மணிஜி,தம்பி கேஆர்பி.ஜாக்கி,லக்கி,அதிஷா,அகநாழிகை வாசு என்று எல்லாம தெரிந்த பதிவர்கள்.

அரங்கம் நிறைந்தது.விழா ஆரம்பித்தது.தகுதியுள்ள 15 பதிவர்கள் அழைத்து கெளரவிக்கப்பட்டனர்.லக்கி ,ஜாக்கி மற்றும் செந்தில் அழைக்கப்பட்டவுடன் எனோ என்னையே அழைத்த மாதிரி ஒரு மகிழ்வான உணர்வு தோன்றியது.

நிகழ்ச்சி தொகுப்பாளர்களின் உரை மிக நேர்த்தியாக இருந்தது.நிச்சயம் பல முறை ஒத்திகை பார்த்திருப்பார்கள்.Its simply flawless!

விழா நடக்கும் நேரத்தில் உடன் இருந்து அன்போடு கவனித்தார் பதிவர் சங்கவி.களையான சிரித்த முகம்.நன்றி சங்கவி!

மதிய உணவு சொன்னால் நம்ம மாட்டீர்கள் சைவ உணவு சாப்பிட காத்திருக்க வேண்டியிருந்தது.ஆருரான் அவர்கள் அனைவரையும் தனிப்பட்ட முறையில் பாசத்துடன் கவனித்தார்.நன்றி ஆருரான்.(உங்களிடம் தமிழ் தேசியம் குறித்து வேறொரு சந்தர்ப்பத்தில் விரிவாக பேச வேண்டும்).

சாப்பிட்ட உடன் எல்லோருடன் புகைப்படம் எடுத்துகொண்டேன்.தம்பி கேஆர்பி செந்தில் வாங்கண்ணே அறைக்கு போய் ஒய்வெடுப்போம் என்று அழைத்தார்.எல்லோரிடமும் சொல்லிவிட்டு புறப்பட்டோம்.

மோகன் குமார்,செந்தில்,ஆருர் முனா செந்தில்,பிலாசபிபிரபாகரன்,மெட்ராஸ் பவன் சிவா மற்றும் செந்திலின் தம்பி ஆகியோருடன் அறைக்கு வந்து சேர்ந்தேன்,

சின்ன தூக்கம்,டீ அரட்டை என்று மாலைப்பொழுது கழிந்தது. இரவு மீண்டும் சென்னை பயணம்.

விழா அழைப்பாளர்கள் அனைவருக்கும் நெஞ்சார்ந்த நன்றிகள்!!!

புனித பிலோமினாள் மருத்துவமனையில் பிறந்து ஸ்ரீரங்கபட்டனா காவிரி ஆற்றில் சாம்பலாய் கரைந்து போனான் அஷ்வின்

2011-09-26T17:42:00.002+05:30

பெங்களுர் புனித பிலோமினாள் மருத்துவமனையில் பிறந்து ஸ்ரீரங்கபட்டனா காவிரி ஆற்றில் சாம்பலாய் கரைந்து போனான் அஷ்வின்.

என் மனைவியின் தம்பியும் என் சின்ன மாமனாரின் மகனுமாகிய அஷ்வின் என்ற 16 வயது சிறுவன் சென்ற வெள்ளிக்கிழமை மாலை பள்ளி முடிந்துவிட்டு உடன் படிக்கும் மாணவனின் பிறந்த நாள் கொண்டாட்டத்தில் கலந்து கொள்ள உடன் படிக்கும் மாணவன் கௌரவ் உடன், கெளரவ் வண்டியோட்ட (ஹோண்டா டியோ) பின்னால் அமர்ந்து சென்றான் அஷ்வின்.

கோரமங்களா 80 அடிச்சாலையில் (கடவுச்சீட்டு அலுவலகம் எதிரில்) முன்னால் சென்ற வண்டியொன்றை முந்தி செல்ல முயன்ற போது வேகமாக பின்னால் வந்து அரசு பேருந்து இவர்கள் சென்ற வண்டியை இடித்துதள்ளியது..அஷ்வின் பின் தலையில் பேருந்து பலமாக மோதியது.பலமாக அடிப்பட்ட அஷ்வின் கிழே சாலையில் விழுந்தான் வண்டியோட்டிய கெளரவ் மீதும் பேருந்தின் இருச்சக்கரமும் ஏறியது.கெள்ரவ் போட்டிருந்த தலைக்கவசமும் நசுங்கியது.

சம்பவம் நடந்த இடத்திலேயே இரு சிறார்களும் மரணமடைந்தனர்.அஷ்வின் அலைப்பேசி மூலம் அவன் தந்தைக்கு சம்பவம் நடந்த இடத்திலிருந்த பொது மக்கள் தகவல் கொடுத்தனர்.

உரிய மருத்துவ பரிசோதனைக்களுக்குப்பிறது அஷ்வின் உடல் வெள்ளியிரவு 11:15 மணிக்கு பெற்றோரிடம் ஒப்படைக்கப்பட்டது.

சனிக்கிழமை மதியம் பசவன்குடி மயானத்தில் மின்சாரம் மூலம் அஷ்வின் உடல் எரியூட்டப்பட்டது.

அவன் படிக்கும் பள்ளியிலிருந்து பெரும்பாலன மாணவ மாணவிகள் ஒற்றை ரோசாப்பூவுடன் அஞ்சலி செலுத்தினர்.

அஷ்வினுக்கும் எனக்குமான உறவு:-

96 வருடம் என் மனைவியை பெண் பார்க்கச்சென்றபோது ஒரு வயது குழ்ந்தையாக இருந்த அஷ்வினை “இவரும் உங்க மச்சான் தான்” என்று அறிமுகப்படுத்தினார்கள்.

பார்த்த முதல்நாளிலிருந்தே அஷ்வின் எனக்கு மிகவும் பிடித்துப்போனான்

நான் பார்த்து அவன் வளர்ந்தான் பள்ளிக்குபோக ஆரம்பித்தான். எனக்கு பெண் குழந்த பிறந்த பின் அவனை மாப்பிள்ளை என்று செல்லமாக கூப்பிட ஆரம்பித்தேன்.

”மாமா என்னை அப்படி கூப்பிடாதிங்க” நானும் அமுதாவும் (என் மகள்) நல்ல பிரண்ட்ஸ் மாதிரி இருக்கோம் அப்படியே இருப்போம் என்பான்..நானும் பதிலுக்கு “உனக்கு யார்டா என் பொண்ண கொடுக்க்போறாங்க.எது எப்படியிருந்தாலும் நீ எனக்கு மாப்பிள்ளை தாண்டா என்று கலாய்ப்பேன்.

அவன் வளர வளர நாங்கள் நல்ல நண்பர்களானோம்.பல சமயங்களில் அவன் எனக்கு ஆசானாகவும் இருந்தான்.

களையான சிரித்த முகம்.தமிழ் மற்றும் ஆங்கிலத்தில் நல்ல புலமை.சன் தொலைக்காட்சி பார்த்தே தமிழ் எழுத படிக்க கற்றுகொண்டான்.

எண் முப்பதை நான் சிலசமயங்களில் நுப்பது என்று உச்சரிக்கும்போதெல்லாம் உடனடியாக் திருத்துவான்,

எனக்கு தமிழ் கிறுக்கன் என்று பெயரும் வைத்தான்

.போன வாரம் ஞாயிற்று கிழமை இரவு அவனும் நானும் பிட்சா சாப்பிட்டோம்.அடுத்த வீக் எண்ட் பார்க்கலாம் மாமா என்று கையசத்துவிட்டு சென்றான்.

மரணங்கள் எனக்கு புதிதல்ல.சின்ன வயதிலேயே தந்தையை இழந்தேன் திருமணமான சில மாதங்களின் என் தாயை இழந்தேன்.அதிகம் நேசித்த தேசியத்தலைவர் பிரபாகரன் அவர்களை இழந்தேன்.அப்போதெல்லாம் வந்த சோகத்தினை இந்த சோகம் மீளவே முடியாத சோகமாக இருக்கிறது.

யாரை நொந்துகொள்வது. :((

வேகமாக கவனமின்றி வண்டியோட்டிய பேருந்து ஓட்டுநரையா அல்லது 16 வயதில் வண்டி வாங்கி கொடுத்த பெற்றோர்களையா..

பெங்களுர் புனித பிலோமினாள் மருத்துவமனையில் பிறந்து ஸ்ரீரங்கபட்டனா காவிரி ஆற்றில் சாம்பலாய் கரைந்து போனான் அஷ்வின்.

இப்ப டெக்னாலஜி ரொம்ப அட்வான்ஸ்ட்!!!

2011-09-22T22:10:00.001+05:30

திங்கள் காலை பெங்களுரிலிருந்து சென்னைக்கு பேருந்தில் வந்து கொண்டிருந்தேன்.

திங்கள் காலை என்பதால் எதாவது முக்கிய அலுவலக மின்னஞ்சல்கள் வந்திருந்தால் உடனடியாக பதிலளிக்க வேண்டுமென்பதால் மடிக்கணியை திறந்த்து இணையத்தொடர்பினை கொடுத்தேன்.கொஞ்ச நேரத்தில் அலுவலக வேலையை முடித்துவிட்டு அப்படியே டிவிட்டர்,பஸ்,பேஸ்புக் போன்ற தளங்களில் மூழ்கியிருந்தேன்.

யாரோ பார்ப்பது போல் எனக்கு ஒரு உணர்வு தோன்றியது.கணினியிலிருந்து பார்வையை நகர்த்தி திருப்பி பார்த்தேன்.பக்கலிருந்தவர் உடனடியாக மெல்லிய புன்னைகையுடன் ஒரு கேள்வி கேட்டார்..

”கொஞ்ச நேரம் உங்க லாப்டாப்பை கொடுங்கறிங்களா.?மெயில் செக் பண்ணிட்டு தந்துடரேன்” .

முன்பெல்லாம் பேருந்து பயணத்தில் அருகில் உட்கார்ந்திருப்பவர் நாம் வைத்திருக்கும் செய்திதாள் அல்லது வார இதழ்களை கேட்பார்கள்..

இப்ப டெக்னாலஜி அட்வான்ஸ்ட்

இந்து+ஹிந்தி=இந்தியா

2011-09-18T15:33:00.001+05:30

பெங்களுரில் எங்கள் வீடு அருகில் உள்ள உயர் மத்தியதர வகுப்பினர் வசிக்கும் குடியிருப்பு பகுதியில் விநாயகர் சிலை அமைத்து விநாயகர் சதுர்த்தியை விமரிசையாக கொண்டாடினர்.

கொண்டாட்டத்தின் இறுதி நாளன்று,விநாயகர் சிலையை ஊர்வலமாக எடுத்துச்சென்று அருகிலுள்ள ஏரியில் கரைக்க முடிவுசெய்தனர்.உயர் மத்திய வர்க்கமல்லவா நடந்தெல்லாம் ஊர்வலமாக செல்லமுடியாதே.அதனால் விட்டுக்கு ஒரு கார் பிள்ளையாரின் பின் ஊர்வலமாக அணிவகுத்து செல்ல முடிவெடுத்தனர்.

ஏறத்தாழ 30 கார்களில் ஊர்வலத்தில் சென்றவர்களுக்கு நடனமாடி பாட்டெல்லாம் பாட விருப்பமில்லை போலிருக்கு..வண்டியுனுள் அமர்ந்து செல்வதால் ஆடி பாட வாய்ப்பில்லை.பிள்ளையார் குறித்து பாடவும் தெரியவில்லை.தீடீரென முதல் வண்டியில் சென்றவர் பாரத் மாதாகீ ஜெ என்று குரல் கொடுக்க ஆரம்பித்தார்.உடனே மற்றொருவர் வந்தே மாதரம் என்றார்.அடுத்தவர் மகாதமா காந்திக்கு ஜே என்றார்.தொடர்ந்து கோஷங்கள் தேசபக்தி குறித்து எழுப்பட்டன.

ஆவலுடன் நான் எதிர்பார்த்த அன்னா அசாரேக்கு ஜே என்ற கோஷம் எழுப்படவில்லை .

இந்து ஹிந்தியா=பாரதம் போலும்

சென்னையில் நடந்த முதல் பதிவர் சந்திப்பு-பதிமுன்று வருடங்களுக்கு முன்பு

2011-07-17T11:50:00.000+05:30

எனக்கு தெரிந்த வரையில் 98-வருடம் சென்னையில் முதன்முதலாய தமிழியிணைய முன்னோடி பாலா பிள்ளை அவர்கள நடத்திவந்த (tamil.net)தமிழியிணையம் என்ற மின்மடற் குழுவில் எழுதிவந்தவர்கள் சந்திப்பு ஒரு கார்த்திகை மாதம் நடைப்பெற்றது.அமெரிக்காவில் வசிந்து வந்த மணி மணிவண்ணன் அவர்கள் இந்தியா வந்த போது அவர்களை சந்திந்து பேசும் நிகழ்வாக அது அமைந்தது.சென்னை காந்திநகர் கிளப்பில் சந்திப்பு நடந்தது.மொத்தமாய் ஒரு 14 பேர் கலந்து கொண்டனர்.

கலந்து கொண்டவர்கள்-

அரவிந்தன்

மணி மணிவண்ணன் (தற்போது இந்தியாவில் இருக்கிறார்.தமிழ்கணினியில் ஒரு முன்னோடி)

இராம்கி அய்யா (இன்றும் பல புதிய தமிழ்ச்சொற்களை நமக்கு அறிமுகப்படுத்துகிறார்)

நாக இளங்கோவன் (ஒருங்குறி விடயத்தில் தமிழ் எப்படி வஞ்சிக்கப்பட்டது என்று தொடர்ந்து அம்பலபடுத்திவருபவர்)

முகுந்த் (எ-கலப்பை என்ற மென்பொருளுக்கு சொந்தக்காரர்-பல தமிழ் மென்பொருள்களை உருவாக்கி வருபவர்)

சுரேஷ் சுப்பையன் (சென்னை கவிகள் என்ற தமிழ் மென்பொருள் நிறுவனத்தின் பங்குதாரர்)

சங்கர்-மென்பொருள் வல்லுனர்- சந்திப்பினை எற்பாடு செய்தவர்.

மனோஜ் (சென்னை கவிகள் நிறுவனத்தின் உரிமையாளர்.முதன் முதலாய் தமிழில் ஒரு தமிழ் சொற் செயலியை 96 வருடம் உருவாக்கியவர்)

மற்றும் சிலர். பெயர் நினைவுக்கு வரவில்லை

சந்திப்பில் விவாதிக்கப்பட்ட விடயங்கள்:-

மணி வண்ணன் தலையில் உருவான தகுதரம் என்ற பொதுவான எழுத்து தரத்தினை எல்லோரும் பயன்படுத்துவது.சென்னையில் உள்ள ஊடகங்களை பொதுவான தகுதரத்திற்கு மாற்ற முயற்சிப்பது எதிர்வரும் தமிழியிணைய மாநாட்டில் நம் பங்கு மற்றும் அபோதயை குழுமத்தில் இயங்கிவந்த அனானிகளின் அட்டகாசங்கள்.

நல்ல இரவு உணவுடன் சந்திப்பு இனிதே நிறைவுற்றது.அப்போது நான் சந்தித்த பலருடன் இன்று வரை நட்பு பாராட்டி வருகிறேன்.

தமிழீழ விடுதலைப்போரில் மாண்ட தமிழர்களுக்கு சென்னை மெரினாவில் நினைவஞ்சலி

2011-06-27T00:11:00.019+05:30

முதன்முறையாக ஈழ் ஆதரவு நிகழ்வொன்றில் இத்துனை பெண்கள்.

பதிவர் நாரயண் மற்றும் நான்

சிறுவன் சட்டையில் புலித்தலைவரின் படம்

மணலில் அணைந்து போன மெழுகுவர்த்தியை ஏற்ற முயற்ச்சிக்கும் குழந்தைகள்

நண்பரின் தோளில் உடகார்ந்து புகைப்படம் எடுக்கும் பத்திரிக்கையாளர்

கூட்டத்தின் ஒரு பகுதி

இனம் புரியாத சோகத்துடன்...

நிகழ்வில் சந்தித்த பதிவர்கள்.

கே.ஆர்.பி செந்தில்,மருத்துவர் புரூணோ,மா.சிவகுமார்,இகாரஸ்பிரகாஷ்,மதன்கார்க்கி,வாய்ஸ் ஆப் விங்கஸ்,ஈரோடு செளந்தர்,வேடதாங்கல் கரு,வந்தேமாதரம்,பிலாசிபி பிரபாகரன்.பைத்தியகாரன்

ஒலங்காவும் – சச்சினும்”, ” முகமது அலியும் – முரளீதரனும் ” - ப‌.ந‌ற்ற‌மிழ‌ன்

2011-04-01T23:58:00.000+05:30

ஒலங்காவும் – சச்சினும்”, ” முகமது அலியும் – முரளீதரனும் ” - ப‌.ந‌ற்ற‌மிழ‌ன்

சூடு, சொர‌ணை உள்ள‌ இந்திய‌ ம‌ட்டைப்ப‌ந்து இர‌சிக‌ர்க‌ள் மேற்கொண்டு இக்கட்டுரையை ப‌டிக்க‌ வேண்டாம் (please) ….

“நாங்கள் தொழில்ரீதியான மட்டைப்பந்து(Cricket) ஆட்டக்காரர்களாக இருந்தபோதிலும், எங்களது தேசத்தில் நடக்கும் கண்மூடித்தனமான மனித உரிமைமீறல்களை, படுகொலைகளைப் பார்த்துக்கொண்டு மனசாட்சியை மீறீ அமைதியாக இருக்க இயலாது. எங்களது மவுனம் , எங்களது தேசத்தில் நடப்பவைகளைப் பற்றிய அக்கறையின்மையாக வெளிப்படுமோ என்றெண்னி, இந்த சந்தர்ப்பத்தில் எங்களது அரசாங்கத்திற்கான எதிர்ப்பை, உலகக்கோப்பைப்போட்டிகளில் கருப்புப் பட்டையை அணிந்து பதிவு செய்கின்றோம்.

— ஹென்றி ஒலாங்கா (முன்னாள் சிம்பாவே ம‌ட்டைப்ப‌ந்து வீர‌ர்)

“என்னை நீக்ரோ என்றழைக்காத வியட்காங்கையர்களை (வியட்நாமிய கம்யூனிஸ்டுகள்) நான் ஏன் கொல்லப்போகவேண்டும்” .”என்னுடைய சொந்த மக்களே இங்கு அடிமைகளாகவும் அடிப்படை உரிமைகள் மறுக்கப்பட்டவர்களாகவும் கிடக்கும்பொழுது,, பத்தாயிரம் மைல்கள் கடந்து சென்று வெள்ளைக்காரர்களுக்கு அடிமையாக்க நான் ஏன் பழுப்பு நிறமக்களை சீருடை அணிந்து கொல்லவேண்டும்”.வியட்நாம் போருக்கான ராணுவத்தில் கட்டாயமாக சேர்க்கப்பட, ராணுவ உயரதிகாரிகளால் தன் பெயர் அழைக்கப்பட்டபொழுது நான்காவது முறையும் முன்னுக்கு வராமல் நின்றதால் தண்டனைக்குள்ளாக்கப்பட்டார்.

—– முக‌ம‌து அலி (உலகப்புகழ் பெற்ற குத்துச்சண்டை வீரர்)

ஈழத்தமிழர்களையும், காசுமீரிகளையும், இந்திய ஒன்றியத்தின் வடமேற்கு மாநில மக்களையும், பழங்குடிகளையும், தமிழக மீனவர்களையும் அன்றாடம் இந்த தேசங்கள் படுகொலை செய்து வருகின்றன‌, அந்த பகுதிகளில் மனித உரிமைகள் என்பது ஒரு சிறிய மாத்திரை அளவுக்கு கூட இல்லை என்பதும் உண்மை. இதை எல்லாம் கண்டனம் செய்யத்தவறியவர்கள் தான் இந்திய, இலங்கை மட்டைப்பந்து வீரர்கள்.

“அடிப்படை மனிதத்தன்மையே இல்லாத இவர்களை சிலர் தங்களது விருப்ப‌ தெய்வங்களாக பூசிப்பது சரியா?

அவர்கள் விளையாடும் விளையாட்டை பார்ப்பது முறையா? என்ற கேள்வியை உங்களின் ஆறாம் அறிவுக்கு விட்டுவிடுகின்றேன்…..

“ஓல‌ங்காவின், முகமது அலியின் மாந்த‌நேய‌த்தை வெறும் ப‌ண‌த்திற்காகவும், புகழிற்காகவும் விளையாடும் இந்திய‌, இல‌ங்கை வீர‌ர்க‌ளிட‌ம் எதிர்பார்ப்ப‌து கூட ஒரு ம‌ட‌த்த‌ன‌மே”

பின் குறிப்பு: ம‌ட்டைப்ப‌ந்து வ‌ர‌லாற்றில் ச‌ச்சினும், முரளீதரனும் எவ்வ‌ள‌வு தான் சாத‌னைக‌ளை செய்திருப்பினும் ஹென்றி ஒலாங்காவின் ம‌னித‌த் த‌ன்மைக்கு முன்னால், அவரது கால் தூசுக்கு கூட‌ ஒப்பிட‌ முடியாத‌வர்களே என்ப‌து என் தாழ்மையான‌ க‌ருத்து…

http://natramizhan.wordpress.com/2011/04/01/%e0%ae%92%e0%ae%b2%e0%ae%99%e0%af%8d%e0%ae%95%e0%ae%be%e0%ae%b5%e0%af%81%e0%ae%ae%e0%af%8d-%e0%ae%9a%e0%ae%9a%e0%af%8d%e0%ae%9a%e0%ae%bf%e0%ae%a9%e0%af%81%e0%ae%ae%e0%af%8d-%e0%ae%ae/

தமிழில் ஏன் பெயர் வைக்க வேண்டும்?

2011-02-12T02:46:00.002+05:30

சில நாட்களுக்கு முன் எனக்கு மின்னஞ்சலில் வந்த கட்டுரை.

முழுக்கப் படியுங்கள்...- தமிழில் ஏன் பெயர் வைக்க வேண்டும்?

மொழி தான் ஒருவருடைய அடையாளமாகும். தத்தம் மொழியில் பெயரை வைத்துக்கொள்வது என்பது அடையாளப்படுத்துவதற்கு உதவும்.

இன்னொரு மொழியில் பெயர் வைப்பதில் என்ன தவறு?

இன்னொரு மொழியில் பெயர் வைப்பது என்பது, ‘ஒருவர் தம்முடைய மொழியை விட இன்னொரு மொழியை உயர்வாகக் கருதும்போது’ மட்டுமே நிகழும்.

இன்னொரு மொழி நம்முடைய மொழியை விட உயர்வானது என்று கருதக் கூடாதா?

இன்னொரு மொழியைச் சிறப்பாகக் கருதலாமே தவிர நம்முடைய மொழியை விட உயர்வானது எனக் கருதுவது கூடாது. ஏன்? ஒவ்வொரு மொழிக்கும் சில தனிச் சிறப்புகள் உள்ளன. எ.கா. தமிழில் ல,ள,ழ, என்றும் ர,ற என்றும் ன,ண,ந என்றும் அமைந்திருப்பதை உலக மொழிகள் வேறு எவற்றிலும் காண முடியாது. அதே போலப் பிற்கால ஒலிகளாகிய ‘எப்’ (‘F’) போன்ற ஒலியைத் தமிழ் முதலிய செம்மொழிகளில் காண முடியாது. ஆகவே ஒவ்வொரு மொழிக்கும் ஒவ்வொரு சிறப்பு உண்டு.

நம்முடைய மொழியை விட இன்னொரு மொழியை உயர்வாக எண்ணும் ஒருவர், இயல்பாகவே தம்முடைய மொழியையும் அதன் வழியே தம்முடைய இனத்தையும் தாழ்வாகக் கருதுபவராக அமைந்துவிடுவார். இப்படி உருவாகும் தாழ்வு மனப்பான்மை அவருடைய வளர்ச்சிக்கு இடையூறாக அமைந்துவிடும்.

அது சரி, அப்படியானால் உயர்வான மொழி என்று எதைக் கருதலாம்?

அவரவர்க்கு அவரவர் தாய்மொழியே உயர்வானது. நரிக்குறவர் இனத்திற்கு அவருடைய தாய்மொழியான வக்கிரபோலி உயர்வான மொழியே தவிர, தமிழோ ஆங்கிலமோ இல்லை. ஒவ்வொருவரும் தத்தம் தாய்மொழியின் வாயிலாகவே தங்கள் உலகத்தைப் பார்க்கிறார்கள்.

சான்று: நீங்கள் தமிழராகப் பிறந்து தமிழராக வாழ்வதால் தான் ‘ஒருவனுக்கு ஒருத்தி’ என்னும் பண்பாடு உங்களுடையது என்று உணர்கிறீர்கள் இல்லையா? தமிழ்நாட்டிலேயே பிறந்து வளரும் ஓர் ஆங்கிலேயரை எடுத்துக்கொள்ளுங்கள். அவர் ‘ஒருவனுக்கு ஒருத்தி’ என்னும் பண்பாட்டை அறிந்திருப்பாரேயன்றி அது தம்முடையது என்று உணரவோ அதைப் பின்பற்றவோ மாட்டார். அதே நேரம் வெளிநாட்டிலேயே பிறந்து வளரும் ஒரு தமிழர் இப்பண்பாட்டைத் தம்முடையது என்றும் அதன் படி வாழ வேண்டும் என்றும் எண்ணுவார்.

இன்னொரு மொழியில் பெயர் வைப்பதில் என்ன சிக்கல்?

இன்னொரு மொழியில் பெயர் வைக்கும் போது பல நேரங்களில் அப்பெயர்களின் பொருளே தெரியாமல் வைத்து விடுவோம்.

அபர்ணா என்பது பர்ணம் என்பதன் எதிர்மறை. பர்ணம் என்பது இலைதழைகளாலான ஆடையைக் குறிக்கும். எனவே அபர்ணா என்ற பெயர் ஆடையற்றவள் என்ற பொருள் தருதல் காண்க. சியாமளா என்பதன் பொருள் கறுப்பாயி என்பதாகும். கறுப்பாயி எனத் தமிழில் பெயர் வைக்கத் தயங்கும் ஒருவர் இன்னொரு மொழியில் ‘சியாமளா’ என்று பெயர் வைப்பதை விரும்புவது நகைப்புக்குரியது அல்லவா? ‘கனவு’ எனப் பெயர் வைக்கத் தயங்கும் நாம் ‘சுவப்னா’ என்று அதே பொருள் தரும் பெயரை வேறு மொழியில் வைப்பது அடிமை மனப்பான்மையே அன்றி வேறென்ன?

சில நேரங்களில் நம்முடைய குடும்பப் பெரியவர்களே அப்பெயர்களைச் சொல்லத் தடுமாறுவார்கள். நம்முடைய குழந்தைகளின் பெயரை நம் இல்லப் பெரியவர்களே சொல்லத் தடுமாறுவது நன்றாக இருக்குமா?

அதற்காக, ‘ஞான பிரகாசு’ என்னும் பெயரைத் தமிழாக்கி ‘அறிவு வெளிச்சம்’ என்று வைக்கச்சொல்கிறீர்களா?

நீங்கள் ‘ஞான பிரகாசு’ என்று இன்னொரு மொழியில் பெயர் வைப்பதற்குக் காரணமே அப்பெயர் ஒயிலாக இருப்பதாக எண்ணும் சிந்தனைதான்! ‘ஞான பிரகாசு’ என்று உங்களுக்கு ஒயிலாகத் தெரியும் இந்தப் பெயரை ஓர் அமெரிக்கரிடமோ செருமானியரிடமோ சொல்லிப் பாருங்கள். அவர்களுக்கு இந்தப் பெயர் பெருமைப்படும் பெயராகவோ ஒயிலாகவோ தெரியாதது மட்டுமில்லை, வாயில் கூட நுழையாது. உங்களுடைய அதே சிந்தனை ஏன் ஓர் அமெரிக்கருக்கோ செருமானியருக்கோ வரவில்லை? ஏனென்றால் நீங்கள் உங்களுடைய மொழியை விட, ‘ஞானப் பிரகாசு’ என்னும் பெயரைக் கொண்டுள்ள மொழியை உயர்வாகக் கருதும் மனப்பான்மையில் இருக்கிறீர்கள். இது தாழ்வு மனப்பான்மை தானே!

‘ஞான பிரகாசு’ என்னும் பெயரை ‘அறிவொளி’ என்று அழகு தமிழில் வைக்கலாம் அல்லவா.

அதற்காகக் கோப்பெருந்தேவி, பிசிராந்தையார், ஒளவையார் எனப் பழைய பெயர்களையா வைக்கச் சொல்கிறீர்கள்?

உங்களைத் தமிழில் பெயர் வைக்கச் சொன்னோமேயன்றிப் பழந்தமிழ்ப் பெயர்களைத் தாம் வைக்க வேண்டும் என்று சொல்லவில்லை. பழந்தமிழ்ப் பெயர்களை வைப்பது, புத்தாக்கச் சொற்களை வைப்பது, பெரிய பெயரை வைப்பது, சிறிய பெயராக வைப்பது என்பதெல்லாம் உங்களுடைய விருப்பத்தைச் சேர்ந்ததாகும்.

பழந்தமிழ்ப்பெயர்களை விடுங்கள். ‘புலிக்கட்டை’ என்று பெயர் வைப்பீர்களா? சிரிப்பு வருகிறது அல்லவா? அமெரிக்காவைச் சேர்ந்த புகழ் பெற்ற விளையாட்டு வீரர் ஒருவரின் பெயர் தான் அது! அவருடைய பெயர் ‘Tiger Woods’. அதைத் தமிழில் சொன்னால் ‘புலிக்கட்டை’ தானே! பெயர் பழையது, புதியது என்பதெல்லாம் நாம் எப்படிச் சிந்திக்கிறோம் என்பதைப் பொறுத்துத்தான்! எப்படிச் சிந்தித்தாலும் தாய்மொழியில் இருப்பது தான் முறையாகும்.

‘மோகன்’ என்று பெயர் வைக்கிறோம். அப்பெயரைத் தமிழில் ‘கவின்’ என்றோ ‘எழில்’ என்றோ வைக்கலாம் அல்லவா? ‘கண்ணன்’ எனப் பொருள் தரும் ‘கிருட்டினன்’ என்று பெயர் வைப்பதற்குக் ‘கண்ணன்’ என்றே வைக்கலாம் அல்லவா? ‘விசய்’ என்று பெயர் வைப்பதற்கு ‘வெற்றி’ என்று பெயர் வைக்கலாம் அல்லவா? ‘குமார்’ என்பதற்குக் ‘குமரன்’ என்று வைக்கலாம் அல்லவா? ‘உசா’ என்று பெயர் வைப்பதற்குக் ‘கதிர்’ என்று கூப்பிடலாம் அல்லவா!

சரி! என்னுடைய குழந்தைக்குத் தமிழில் பெயர் வைக்க ஆசைதான்! ஆனால் எங்கு தேடுவது?

ஏன் கவலைப்படுகிறீர்கள்? முனைவர் பா. வளன் அரசு(நெல்லை), முனைவர் மு. தெய்வநாயகம்(சென்னை), புலவர் இரா. இளங்குமரன்(திருச்சிராப்பள்ளி), முனைவர் தமிழண்ணல்(மதுரை), முனைவர் ந. அரணமுறுவல்(சென்னை) எனத் தமிழறிஞர்கள் பலர் இருக்கிறார்கள். அவர்களை அணுகலாம். இன்னும் பல இயக்கங்கள் இருக்கின்றன. பல இணையத் தளங்கள் இருக்கின்றன. http://www.tamilkalanjiyam.com
http://www.peyar.in
http://wapedia.mobi/ta
http://thamizppeyarkal.blogspot.com,
http://tamilsaral.com/news%3Fid%3D3857.do
http://www.sillampum.com
http://pagalavan.in/archives/328

எனப் பல தமிழ்த்தளங்களில் நீங்கள் தமிழ்ப்பெயரைத் தேர்ந்துகொள்ளலாம்.

குழந்தைகளுக்குப் பெயர் வைப்பதில் மட்டும் தானே இதைச் சொல்கிறீர்கள்?

இல்லை. குழந்தைகளுக்குப் பெயர் வைப்பது, வணிக நிறுவனங்களுக்குப் பெயர் வைப்பது, திரைப்படங்களுக்குப் பெயர் வைப்பது என எல்லாவற்றிற்கும் சேர்த்துத் தான் சொல்கிறோம்.

வணிக நிறுவனங்களுக்குமா?

ஆம். வெளி மாநிலத்திற்கு வந்து பிழைக்கும் தெலுங்கரான ‘உம்மிடி பங்காரு’ம் கன்னடரான ‘உடுப்பி’ உணவகத்துக்காரரும் தத்தம் மொழியிலேயே பெயர் வைக்கும்போது நாம் நம்முடைய மாநிலத்தில் இருந்துகொண்டே வணிக நிறுவனங்களுக்கு வேற்று மொழியில் பெயர் வைப்பது சரியா?

வேற்று மாநிலத்திலோ நாட்டிலோ இருக்கும்போது வணிக நிறுவனங்களுக்கு எப்படித் தமிழில் பெயர் வைப்பது?

ஒன்றும் கவலையில்லை. தமிழ்நாட்டின் தலைநகரிலேயே ‘உம்மிடி பங்காரு’ என்று தெலுங்கில் பெயர் வைத்துக் கடை நடத்தவில்லையா? ‘உடுப்பி’ என்ற பெயரில் தமிழ்நாட்டில் உணவகங்கள் இல்லையா? ‘அகர்வால்’ இனிப்பகங்கள் இல்லையா? ‘நாயர்’ கடைகள் இல்லையா?

திரைப்படங்களுக்குமா சொல்கிறீர்கள்? இது கருத்துரிமையில் தலையிடுவது ஆகாதா?

தமிழில் படம் எடுக்கிறார்கள். கதை தமிழர்கள் பற்றிய கதையாக இருக்கிறது. படத்தைத் தமிழகத்தில் தமிழர்களுக்குத் தான் வெளியிடுகிறார்கள். ஆக, எம்மொழியில் படம் இருக்கிறதோ, யாருக்காக எடுக்கப்படுகிறதோ அம்மொழியில் பெயர் வைப்பது தானே பொருத்தமாக இருக்கும். நாம் ஒன்றும் சப்பான் நாட்டிற்குச் சென்று தமிழில் பெயர் வையுங்கள் என்று கேட்கவில்லை.

தமிழில் பெயரை வைப்பதால் நட்டம் ஏற்படும் சூழல் வரும்போது என்ன செய்வது?

அப்படிப்பட்ட சூழல் இதுவரை வந்ததேயில்லை. எத்தனையோ ஆங்கிலப் படங்களைத் தமிழில் மொழிபெயர்த்து வெளியிடுகிறார்கள். அப்படங்களுக்குத் தமிழில் தான் பெயர் வைக்கிறார்கள். ‘300’ என்று ஓர் ஆங்கிலப் படம் வந்தது. அப்படத்திற்கு ‘300 பருத்தி வீரர்கள்’ என்று பெயர் வைத்தார்கள். பெயர் தமிழில் இருந்ததால் அப்படம் ஓடவில்லையா என்ன?

அப்படியானால் தமிழில் பெயர் வைக்க வேண்டுமா? தாய்மொழியில் பெயர் வைக்க வேண்டுமா?

அவரவர் தத்தம் தாய்மொழியிலேயே பெயர் வைக்க வேண்டும். நாம் தமிழர் அல்லவா! எனவே தமிழிலேயே பெயர் வைக்க வேண்டும்.

தமிழில் பெயரிடுவோம்.

அவர் (Hire) சைக்கிள் கடை அனுபவங்கள்!!!

2010-12-04T12:32:00.003+05:30

என் மகளின் சைக்கிள் டயருக்கு பஞ்சர் போட வேண்டும் ஒரு வாரமாக என் மனைவி சொல்லிகொண்டேயிருந்தார். இன்று சனிக்கிழமையாயிற்றே..டிவிட்டரிலும்,பதிவுகளிலும் பெருசா படிக்க எதுமில்லாத காரணத்தால் சரி..சற்றே வீட்டு வேலைகளை பார்ப்போம் என்று சைக்கிளை தள்ளிக்கொண்டே கடையை நோக்கிச்சென்றேன்..நினைவுகள் சற்று பின்னோக்கி சென்றன.....

90-கள் வரை வாடகை சைக்கிள் கடைகள் இல்லாத ஊரே இல்லை என்ற நிலைமை இருந்தது.நம்மில் எல்லோரும் (தற்போது 30 வயதை கடந்தவர்கள்)எதாவது ஒரு சூழ்நிலையில் வாடகைக்கு சைக்கிள் எடுத்திருப்போம். தெரியாத ஊரில் அவ்வளவு சுலபத்தில் சைக்கிள் கிடைக்காது.”தெரிஞ்சா ஆள் பேர் சொல்லு..ஸ்கூல் பையை வைத்துவிட்டுப்போ” என்று பல கண்டிஷன் போடுவார்கள்.

இப்ப எல்லாம் ஆட்டோ எடுத்துப்போய்ட்டு வேலையை முடிச்சிட்டு வா என்று சொல்வதுபோல் அப்பவெல்லாம் அவர் சைக்கிள் எடுத்துட்டுப்போய் வேலையை முடிச்சிட்டு வா” என்று சொல்வார்கள்.

மணிக்கணக்கில்(Hourly basis) வாடகைக்கு கொடுக்கப்படுவதால் அவர் சைக்கிள் கடை என்று சொல்கிறார்கள் என்றே நான் பல வருடங்களாக நினைத்திருந்தேன்.பின்னர் தான் தெரிந்தது ஹையர் (Hire) என்பது மருவி அவர் என்றாகிவிட்டது வாடகை சைக்கிள் கடை என்ற நம்மில் பலருக்கு உடனையாக நினைவுக்கு வருவது வைதேகி காத்திருந்தாள் கவுண்ட மணி காமெடிதான்..”இரங்கநாதன் என்ற பெயருக்கெல்லாம் சைக்கிள் தரதில்ல”

சிறுவர்கள் வாடகைக்கு சைக்கிள் எடுத்துவிட்டு செய்யும் அலும்பு சொல்லி மாளாது.வாடகை சைக்கிள் கடைகளில் பெரிய கடிகாரம் மாட்டப்பட்டு இருக்கும்.இருந்தாலும் அதில் மணி பார்க்கமாட்டார்கள்.”அண்ணே முள்ளு இரண்டுல வந்தாச்சாண்ணே,ஆறுல வந்தா சொல்லுங்கண்ணே என்று இரவுண்டுக்கொருமுறை கேட்டு சைக்கிள் கடைக்காரரை டார்ச்சர் செய்வார்கள்.

பெரும்பாலும் பெற்றோர்கள் முதலில் காசு கொடுத்துவிட்டு (Prepaid) குழந்தைகளுக்கு வண்டி எடுத்து கொடுத்திருப்பார்கள்.ஆனால் நம்ம மக்களோ எக்ஸ்ட்ரா கொஞ்ச நேரம் ஓட்டிவிட்டு வண்டியை திருப்பி தருவார்கள்.

வண்டியை திருப்பிதரும்போது,பெல்-ல காணோம் சீட் கவர் மிஸ்ஸிங் என்று கடைக்காரர் சொல்ல அதெல்லாம் தெரியாது எடுக்கும்போதே இப்படித்தான் இருந்தது என்று விவாதம் நடப்பது சர்வசாதாரணம்.

இப்பொழுதெல்லாம் பெரியவர்கள் யாரும் வாடகைக்கு சைக்கிள் எடுப்பதாக தெரியவில்லை.மத்திய வர்க்க குடும்பத்தில் உள்ள குழந்தைகளுக்கு சிறிய வயதிலேயே சொந்தமாக சைக்கிள் கிடைத்து விடுகிறது.

சைக்கிள் கடையை சென்றடைந்தேன்.இப்பொழுதும் சிறியவர்கள் அங்கே வாடகைக்கு சைக்கிள் எடுத்து செல்கிறார்கள்.. பெரியவர்களுக்கான ஒரு சைக்கிளும் அங்கே வாடகைக்கு இல்லை.முற்றிலும் குழந்தைகள் சந்தையை நம்பியே வாடகை சைக்கிள் கடைகள் இயங்குகின்றன்.

சைக்கிள் கடை அமைப்பில் பெரிய மாறுதல் இருப்பதாக தெரியவில்லை.பஞ்சர் கண்டுபிடிக்க-அதே அகல் பேசினில் தண்ணிர் ப்ஞ்சர் ஒட்டும் முறையிலும் பெரிய மாற்றமில்லை.எழு எட்டு ஓட்டை சைக்கிள்,பழைய புதிய டயர்கள்,ஸ்பனர் செட் என்று அதே அடையாளங்கள் தொடர்கின்றன.

ஆனால் வாடகை சைக்கிள் கடைகளுக்கென்றே ஒரு சந்தை தொடர்ந்து இருந்து கொண்டே வருகிறது.

சைக்கிள் வாடகை தவிர மற்ற வழிகளில் தொடர்ந்து வருமானம் வருவதாக கடைக்காரர் சொல்கிறார்.(காற்றப்படிப்பது,பஞ்சர் போடுவது ,ரிப்பேர் செய்வது போன்ற வகையில்).

தற்போதைய கட்டணங்கள்
பஞ்சர் ஒட்ட -ரூ7
காற்றடிக்க -ரூ 2
வாடகை கட்டண்ம்(சிறுவர் சைக்கிள்)-ரூ 5

போர்க்குற்றவா‏ளியுமான மஹிந்தவை பிரிட்டனில் கைது செய்வதற்கு நீங்கள் செய்யவேண்டியவை

2010-12-01T12:27:00.000+05:30

போர்க்குற்றவா‏ளியுமான மஹிந்தவை பிரிட்டனில் கைது செய்வதற்கு நீங்கள் செய்யவேண்டியவை

இலங்கையில் பல்லாயிரக் கணக்கில் தமிழ்மக்களை படுகொலை செய்தும், போர்க்கைதிகளை சர்வதேச விதிகளுக்கு முரணாக சித்திரவதை செய்து படுகொலை செய்தும், தமிழின வரலாற்றுச் சான்றுகளை அழித்து தமிழர்கள் நிலத்தை அடையாளமின்றி அழிக்கும் நடவடிக்கையில் இறங்கியுள்ளதுமான சிங்கள பேரினவாத அரசாங்கத்தை தலைமையேற்று கொடுங்கோல் ஆட்சி நடாத்திவரும் இலங்கையின் ஜனாதிபதியான மஹிந்த ராஜபக்ச...
பிரித்தானியா வருகை தந்துள்ளதும், அவர் எதிர்வரும் 02-12-2010 அன்று ஆக்ஸ்போர்ட் பல்கலைக் கழகத்தில் உரையாற்ற உள்ளதுமானது தடுக்கப்படவேண்டிய விடயமாகவும், அதே சமயம் இச்சந்தர்ப்பத்தை பயன்படுத்தி பிரித்தானிய சட்டங்களுக்கு அமைவாக அவரை கைது செய்யும் நடவடிக்கையையும் உலகெங்கும் வாழும் தமிழர்கள் முன்னெடுக்க வேண்டும்.

கடந்த ஆண்டு ஆரம்பத்தில் இருந்து இன்றுவரை இலங்கையின் தமிழர் தாயகப் பகுதிகளில் தொடர்ந்துவரும் இனப்படுகொலைகள், பாலியல் பலாத்காரங்கள், என்பவற்றால் பலாயிரக்கணக்கில் மக்கள் படுகொலை செய்யப்பட்டுள்ளனர்.

இதனை தடுக்கக் கோரியும், இலங்கை அரசை தண்டிக்க கோரியும் உலகெங்கும் தமிழ்மக்கள் வீதிகளிலும், அரச செயலகங்களின் முன்பாகவும் பல ஆர்ப்பாட்டங்களை லட்சக்கணக்கில் திரண்டு நடாத்தியிருந்தாலும் அவை எல்லாவற்றிற்கும் பலன் கிடைக்கக் கூடியதாக இச்சந்தர்ப்பம் அமைவதாலும், கடந்த இரண்டுவாரங்களின் முன் பிரித்தானிய வெளிவிவகார அமைச்சர் வில்லியம் ஹேக் அவர்கள் வழக்கு தாக்கல் செய்யப்பட்டால் மகிந்த கைதுசெய்யப்படுவதை தம்மால் தடுக்கமுடியாது என்றும் தெரிவித்திருந்ததை நினைவில் கொண்டு உடனடியாக இந்த நடவடிக்கையில் உலகத் தமிழர்கள் இறங்க வேண்டும்.

எனவே உடனடியாக செய்யவேண்டிய வேலையாக கீழுள்ள லிங்கை அழுத்தி அதனூடாக உங்கள் முறைப்பாட்டை 300 சொற்களுக்கு அதிகமாக இல்லாமல் இலகுவாக பிரித்தானிய வெளிவிவகார அமைச்சிற்கு அனுப்புங்கள்.

முறைப்பாட்டை அனுப்ப இங்கு அழுத்தவும்: http://www.fco.gov.uk/en/feedback

இவை எல்லாவற்றையும் மீறி 2 ஆம் திகதி அவர் ஒக்ஸ்பேட் பல்கலைக்கழ்கத்தில் உரை நடாத்தும் பட்சத்தில் அதை எங்கும் பல்லாயிரக்கணக்கில் பிரித்தானிய தமிழர்கள் கூடவேண்டியதும் அவசியமாகிறது என்பதையும் கவனத்தில் கொள்ளல் வேண்டும்.

மின்னஞ்சல் அனுப்ப முடிந்தவர்கள் கீழ்காணும் மின்னஞ்சலூடாகவும் உங்கள் கோரிக்கைகளையும், உங்களிற்கு மஹிந்த ஆட்சியால் ஏற்பட்ட பாதிப்புக்களையும் எழுதி அனுப்புங்கள். Proctors.office@admin.oxac.uk

பிரித்தானிய வெளிவிவகார அமைச்சின் இணையத்தள முகவரி: http://www.fco.gov.uk/en/

ROCEDURE

1.Go to http://www.fco.gov.uk/en/feedback

2.Enter name ,email id, select subject as OTHER
3.Then write your letter

SAMPLE LETTER

Please arrest Mr.Mahinda Rajapakse.The Sri Lankan president and the sri lankan state did the genocide of Eelam Tamils.He with his state forces did aerial bombing and used artilleries on 10s of 1000s of Tamil civilians who were in the region called NO-...FIRE ZONE declared by the Sri lankan Sinhala dominant state.Sri Lankan army is exclusively Sinhalese.They did executions 1000sof Tamil civilians,raped 100s of Tamil woman.Sri Lankan state forces used phosphorous bombs on hospitals in Tamil areas.Sei Lanka's defense secretary Mr.Gotabaya Rajapaksa ,the president's brother said that anything beyonf the no fire zone was a legitimate target. Sri Lankan state has no tolerance for Press.The president's friend Lasantha Wikramathunga,the editor of English Newspaper was journalist from Sinhala ethnicity was killed by the government sponsored murders since he wrote an article criticizing the president and the state's war on Tamil people in the guise of eliminating the LTTE.Thissaiyanayam was a scribe in English print media and he was from Tamil ethnicity.He was imprisoned and sentenced to 20 years of imprisonment for criticizing the president and the state's war on Tamils.He won 2 international awards for his journalism.he was later released due to international pressure.

Sri Lankan state has no respect for democracy,equality,human rights,press freedom etc.Mr.Mahinda Rajapaksa who is the supreme authority on the state's armed forces is a racist,dictator ,tyrant , mass murder and war criminal

கொடுங்கோலன் இராஜபக்சே அரசின் மனித உரிமை மீறல் குறித்து ஆதாரங்கள் கேட்கிறது-ஐ.நா

2010-10-28T11:46:00.011+05:30

கொடுங்கோலன் இராஜபக்சேவின் இலங்கை இராணுவம் அப்பாவி ஈழத்தமிழர்கள் மீது நடத்திய மனித உரிமை மீறல்களை ஆராய்ந்து சொல்ல மூன்று நபர் குழு ஒன்றினை ஐக்கிய நாடுகள் சபையின் செயலர் பான்கி மூன் நியமித்துள்ளார்

இந்த குழு இறுதிப்போரின் சமயத்தில் நடந்த மனித உரிமை மீறல்களை விசாரித்து செயலருக்கு அறிக்கை அளிக்கும் என்று தெரிகிறது.போரின் இறுதிக்கட்டத்தில் மனித உரிமை மீறல்கள் குறித்த தகவல்களை இந்த குழுவிடன் மின்னஞ்சல் வழியாக கொடுக்கலாம்.

தனிநபரோ அல்லது அமைப்போ தங்கள் தரப்பு ஆதாரங்களை (பத்து பக்கங்களுக்கு மிகாமல்) ஐ.நாவின் குழுவிடம் மின்னஞ்சல் வழியே வழங்கலாம்.தகவல் கொடுப்பவரின் தொடர்பு விவரங்கள் கண்டிப்பாக தெரிவிக்கப்படவேண்டும்.அனைத்து தகவல்களும்,தனிநபர் விவரங்களும் இரகசியாமாக காக்கப்படும் என்று ஐ.நா சபை தெரிவித்துள்ளது.

விவரங்கள் அனுப்ப இறுதி நாள் 15-12-2010
அனுப்ப வேண்டிய மின்னஞ்சல் panelofexpertsregistry@un.org

மேலதிக விவரங்களுக்கு panelofexpertsregistry@un.org என்ற முகவரியை தொடர்புகொள்ளுங்கள்.

கிடைத்திருக்கும் இந்த வாய்ப்பினை பயன் படுத்தில் ஆதாரங்களை தாராளமாக அனுப்பி வையுங்கள்.

இவர்களும் இந்த தலைமுறை குழந்தைகளே

2010-08-25T16:48:00.004+05:30

திங்களன்று பிற்பகல் என் மாமனாரை ஒரு மருத்துவ பரிசோதனைக்காக இருசக்கர வாகனத்தில் அழைத்து சென்றபோது வண்டி திடீரென பெட்ரோல் தீர்ந்ததால் நின்றுவிட்டது(அதற்கு முந்தைய நாள் பராமரிப்புக்காக கொடுத்து இருந்தேன்.அவர்கள் கட்டணத்துடன் பெட்ரோலையும் எடுத்துக்கொண்டனர்).

பெட்ரோல் நிலையம் 1 கிமீ தூரத்தில் உள்ளது.என்னடா உடல்நிலை சரியில்லாத மாமனாரை நடக்க வைத்துவிட்டோமே என்ற வருத்ததுடன் வண்டியை தள்ளிகொண்டே வந்தேன்.ஒரு சிறுவன் 10 அல்லது 11 வயது இருக்கும் சைக்கிள் ஒட்டிக்கொண்டு வந்தவன் அருகில் வந்து “என்ன அங்கிள் பெட்ரோல் இல்லையா” என்றான் கன்னடத்தில். ஆமாப்பா என்றேன்

மேலும் சில கேள்விகளை கன்னடத்தில் கேட்டான் நம்ம கன்னடம் மிகவும் மந்தம் என்பதால் அமைதியாக வண்டி தள்ளிக்கொண்டே வந்தேன்.

தீடிரென அந்த சிறுவன் ”அங்கிள் டு யு நோ இங்கிலிஷ்” என்றான்.தெரியுமென்றேன்.

உடனே அவன் “I can help you for buying petrol" you take my cycle and buy the petrol,I will be here and keep an eye on your scooter”.

அந்த சாலை ஆள் அரவமற்ற சாலை பகலிலே திருட்டு நடக்கும் இடம் ஆகவே சற்று தயங்கினேன்.அந்த சிறுவனும் சலிக்காமல் “If its so,I will go and buy the petrol for you என்றான் சரி என்று ஒரு நம்பிக்கையுடன் ரூ 30 கொடுத்து பாட்டிலும்கொடுத்தேன்.

அடுத்த நிமிடம் வண்டியில் சிட்டாக பறந்தான் அந்த சிறுவன். வருவானா மாட்டானா என்று சாலையை வெறித்து பார்த்துகொண்டே இருந்தேன்.பத்தாவது நிமிடத்தில் பெட்ரோல் பாட்டிலுடன் வந்தான். இந்த சிறுவனையா சந்தேகத்துடன் பார்த்தோம் என்று வெட்கப்பட்டேன். சாக்லேட் வாங்கிகொள்ளப்பா என்று ரூ5 கொடுத்தேன்.தாங்கஸ் அங்கிள் என்று சொல்லி சிட்டாக பறந்தான்.

அந்த சிறுவனது பெயரை கூட கேட்க மறந்துவிட்டேன் :(

செம்மொழி மாநாடு ஒரு புகைப்பட பார்வை.

2010-06-26T17:42:00.008+05:30

பதிவர் அரவிந்தன் நிகழ்வுகளை உடனுக்குடன் பதிவிடும் காட்சி

அரங்கில் நம் தளபதி தல பாலா பாரதி!!!

வி.ஜ.பிக்களின் வாகனங்களை நிறுத்துவதற்கான ஏராள தராளமான இடம்

இங்கேயுமா..? ஒரு வேளை பக்தி இலக்கியம் விக்குராங்களோ..?!

துணை முதல்வர் ஸ்டாலின் ஆர்வமுடன் நமது வலைப்பூக்கள் பயில்ரங்கை பார்வையிடுகிறார்

இளைஞர் ஒருவருக்கு பதிவு ஆரம்பிப்பது எப்படி என்று பதிவர் அரவிந்தன் பால பாடம் நடத்துகிறார்.

தமிழ் வலைப்பூக்கள் பயிலரங்கம் எனது பார்வையில் சில துக்கடாக்கள்!!!-2

2010-06-26T15:13:00.004+05:30

C-DAC எனும் மத்திய அரசு அரங்கில் மென்பொருள் சிடி இலவசமாய் வழுங்குகின்றனர்.சிடி கொடுங்க என்றால் பெயர்,ஊர்,தொலைப்பேசி எண் கேட்கிறார்கள்.excuse me May I have a Tamil CD please என்றவுடன் கேள்வி கேட்காமல் சிடி கொடுத்தனர் எ.கொ.ச!

கரை வேட்டி கட்டி கொண்டுருந்தால் பல அரங்குகளுக்கு உடனடியாக செல்ல அனுமதி கிடைக்கிறது.

வந்திருந்த பொதுமக்களில் ஒருவர் “உங்களை நீயா நானாவில் பார்த்திருக்கேன் என்று சொன்னபோது மகிழ்ச்சியாக இருந்தது.

கூகிளில் தமிழில் தேடும் வசதி இருப்பது பலருக்கு தெரியவில்லை.விளக்கிச்சொன்னபின் மிகவும் மகிழ்ச்சியடைகின்றனர்.

தமிழ்பாடல் வரிகள் இணையத்தில் தேடுவது குறித்து ஆவலாய் கேட்கிறார்கள்.

செம்மொழி மாநாட்டின் மைய அரங்கில் ஏராளமான காக்கைகள், அந்த பக்கம் செல்லவே பயமாய் இருக்கிறது.

ஒன்று மட்டும் நிச்சயம் இத்தனை காவலர்கள் மட்டும் இல்லாதிருந்தால் இந்த மக்கள் கூட்டத்தினை நிச்சயம் சமாளித்திருக்க முடியாது.

வலைப்பூக்கள் பயிலரங்கிற்கு வந்த மொத்த பதிவர்கள் எண்ணிக்கை ------- 2 (லக்கி மற்றும் பாலபாரதி)# சும்மா ஒரு தகவலுக்காக

உங்களுக்கான “வெப்சைட்” உருவாக்கலாம் வாங்க என்ற கருப்பொருளில் வலைப்பயிற்சி கொடுத்து வருகிறோம்

செம்மொழி மாநாடு தமிழியியிணைய கண்காட்சி அரங்கிலிருந்து அரவிந்தன்

2010-06-26T09:30:00.006+05:30

தமிழ் வலைப்பூக்கள் பயிலரங்கம் எனது பார்வையில் சில துக்கடாக்கள்!!!

வலைப்பக்கத்தில் என்னவெல்லாம் எழுதலாம் என்று ஒரு பெண்மணி கேட்டார்”நீங்க கடைக்கு சென்று காய்கறி வாங்குவதை பற்றியும் எழுதலாம் என்றேன்".

"என்னங்க கிண்டல் செய்யறிங்களா" என்றார்.உடனே துளசி டீச்சர் எழுதிய காய்கறி வாங்கிய அனுபவ பதிவினை காட்டினேன் ஆச்சர்யமடைந்தார்.

வலைப்பதிவுக்கு நல்ல பெயர் தேர்வு செய்ய நம்மையே பலர் ஆலோசனை கேட்டனர்.காவலர் ஒருவரிடம் சிரிப்பு போலிஸ் என்ற பெயரில் ஒரு வலைப்பக்கம் இருக்கிறது என்றவுடன் விழுந்து விழுந்து சிரித்தார்.அப்பறம் கேட்டார் பாருங்க ஒரு கேள்வி “எங்கள வச்சு காமெடி கீமிடி பன்னலையே”.

செம்மொழி மாநாட்டின் தமிழியிணைய கண்காட்சி அரங்கிலிருந்து...

2010-06-25T14:36:00.005+05:30

செம்மொழி மாநாடு தமிழியிணைய கண்காட்சி அரங்கிலிருந்து....ஒரு நேரடி பார்வை..

செம்மொழி மாநாட்டின் தமிழியிணைய கண்காட்சியில் தமிழ் விக்கிபிடியா அரங்கிலிருந்து..

அரங்கமெங்கும் பொது மக்கள் ஆர்வமாக தமிழ் மென்பொருள் குறித்து கேள்வி கேட்கிறார்கள்

அரங்கமெங்கும் பொது மக்கள் ஆர்வமாக தமிழ் மென்பொருள் குறித்து கேள்வி கேட்கிறார்கள்

வலைப்பதிவு தொடங்குவது குறித்து மக்கள் ஆர்வமாக கேள்வி கேட்கின்றார்கள்

இன்னமும் தமிழ் கீ போர்ட் தனியா கிடைக்குமா என்று கேட்கிறார்கள்

கண்காட்சியில் அனைவரும் கேட்பது எங்கே இலவச சி.டி?

அமைச்சர் வந்ததும் உடன் அல்லக்கைகள் எங்கிருந்தோ ஒடி வந்து ஒட்டிக்கொள்கின்றன.

மாநாட்டில் திமுக கொடிகள் இல்லாவிட்டாலும் ஏராளமான கரை வேட்டிகளை காண முடிகிறது
தமிழ் தட்டச்சு தெரிந்தால் அரசாங்க வேலையில் முன்னுரிமை கிடைக்குமா? -பொது மக்களில் ஒருவர் கேட்ட கேள்வி

இலவச மென்பொருள் கேட்டு வருவோரை கிழக்கின் அரங்கிற்க்கு அனுப்பி வருகிறேன்

தமிழில் சோதிட மென்பொருள் குறித்து மக்கள் ஆர்வமாய் விசாரிக்கிறார்கள்

இரவு 8 மணிக்கு அடுத்த பதிவில் சந்திப்போம்.

.

என்னுடைய டீவிட்களின் தொகுப்பு!!!

2010-06-10T13:22:00.002+05:30

வெவ்வேறு நாட்களில், பல்வேறான மனநிலையில் என்னுடைய டீவிட்களை பதிவாக இங்கு இடுகிறேன்.

என்னோடCEO-க்கு மடல்அனுப்பும்போது போது “ஹாய்...” ஆனால் மகளின் வகுப்பு ஆசிரியருக்கு“Respected Madam" என்று விடுப்பு கடிதம்எழுதவேண்டியுள்ளது

20000 மக்களின் மரணத்துக்கு காரணமான யூனியன் கார்பைட் முன்னாள் தலைவர் ஹவாய் தீவில் ஹாய்யாக வாழ்கிறான்.பிடிக்க துப்பில்ல

பெங்களுரில் பெரிய அங்காடி வளாகங்களில் சைக்கிள் நிறுத்த அனுமதியில்லை.

எத்துனை ஓட்டுக்கள் வேண்டுமானலும் ஒரே அலைப்பேசியிலிருந்து சூப்பர் சிங்கர் ஜூனியர் போட்டிக்கு போடலாமாம்.கள்ள ஓட்டினை காசுக்காக அனுமத்திக்கும் ஊடகங்கள் :(

அலுவலகத் தோழர் “ஃபோரம் மால் சென்று டைம் பாஸ் செய்யலாம் என்று அழைத்தார்.வார நாட்களில் அலுவலகம் தவிர வேறங்கும் டைம் பாஸ் செய்வதில்லை என்றேன்.

கேரள நிருபர் ஆங்கிலத்தில் கேட்ட கேள்வி பிரமருக்கு புரியவில்லை.பின்னர் அதே கேள்வியை ஆங்கிலத்தில் வேறொருவர் சொல்ல பிரமருக்கு புரிந்தது .

அடிப்படை உரிமைகள் பறிக்கப்பட்டு முள்வேலிக்குள் வாழ்க்கை..காந்திய வழியில்போராட வேண்டும் என்ற மகாத்மாக்கள் இப்ப என்ன சொல்வார்கள்.?

மின்சாரமில்லை வீட்டில்.மொட்டை மாடியில் லாப்ட்டாப்பிலிருந்து டீவிட்..வாழ்க்கை சுகமாக இருக்கிறது.

கனிமொழி குஷ்புவுக்கு திமுகவின் கொள்கைகளை எடுத்துரைத்தபின் திமுகவில் சேர குஷ்பு முடிவெடுத்தார்

நளினி நான்கு வருடமாக செல் பேசி பயன்படுத்தினாராம். ஒரு வேளை பிரியங்கா பிரியமா கொடுத்திருப்பாரோ

முகம் தெரியாத வாடிக்கையாளரை நலமா என்று விசாரிக்கிறார்கள் பக்கத்து இருக்கையில் இருப்பவனை பார்த்து வணக்கம் சொல்ல யோசிக்கிறார்கள்

வானம் இருண்டு வருகிறது..குளிர் காற்று வீசுகிறது..எங்காவது மயில் தோகை விரித்து ஆடலாம்

ஜோ வென் மழை பெய்கிறது...ஜன்னல் வழியே இரசித்து பாக்கிறேன்.கையில் காபி கோப்பை பக்கத்தில் மனைவி குழந்தை தோழியின் வீட்டில்

பதிவர் சந்தன முல்லை அவர்களுக்கு சில கேள்விகள்.?

2010-06-05T13:15:00.002+05:30

சந்தன முல்லை,

http://sandanamullai.blogspot.com/2010/06/blog-post_04.html இந்த கட்டுரையிலும் மங்களுர் சிவாவின் கேள்விக்கு யாரும் பதில் சொல்லவில்லை.

வினவின் கட்டுரை தங்கள் பார்வைக்கு வந்த பிறகே பதிவேற்றம் செய்யப்பட்டதாக தெரிகிறது.

அப்படியிருக்கையில் மங்களுர் சிவா,லதானந்த மற்றும் அபி அப்பா போன்றவர்கள் குறித்தான அவதூறுகள் குறித்து எதுவும் தங்களுக்கு தவறாக தோன்றவில்லையா.? அல்லது என்னைப்பற்றி நரசிம் தவறாக எழுதியதைப்போல் நாமும் வேறு சிலரைப்போல் போகிற போக்கில் எதாவது சொல்லிவிட்டு போகலாம் என்ற அலட்சியமா.?

மங்களுர் சிவா வின் கேள்விகளுக்கு பதில் சொல்லாமல் தாங்களும் தங்கள் ஆதரவாளர்களும் தொடர்ந்து கள்ள மெளனம் சாதிப்பதேன்.?

நரசிம் எழுதிய புனைவும் கார்க்கியின் பின்னுட்டமும் அனைவருக்கும் மிகுந்த கோபத்தினை ஏறபடுத்தியது.நேரில் பார்க்கும்போது ஒரு அறை விடலாம் என்றுகூட தோன்றியது.

அதே நேரத்தில் திட்டமிட்டே தெரிந்தே சிலரைப்பற்றி அவதூறுகளை அள்ளிதெளித்த வினவின் கட்டுரைக்கு நீங்களும் ஒரு காரணம் என்பதை நீங்கள் ஏற்று கொண்டே ஆகவேண்டும்.

ஆக,உங்களுக்கும் மற்றதோழர்களும் இதற்கு பதில் சொல்ல வேண்டிய அவசியம் உள்ளது.

நரசிம்மின் புனைவால் உங்களுக்கு ஏற்ப்பட்ட கோபத்தினை நாங்கள் முழுவதும் புரிந்துகொள்வதுபோல் நீங்களும் பாதிக்கப்பட்ட மற்ற பதிவர்களின் ஆதங்கத்தையும் துயரங்களையும் புரிந்து கொள்ள வேண்டும் என்று நாங்கள் எதிர்பார்ப்பதில் நியாயம் இருப்பபதாகவே எனக்கு தோன்றுகிறது.

அரவிந்தன்
பெங்களுர்

நித்தியானந்தன் கைது!!!!

2010-04-21T14:22:00.002+05:30

நித்தியானந்தன் கைது!!!!

இமாச்சல பிரதேச காவல்துறையின் உதவியுடன் கர்நாடக காவல்துறையினர் நித்தியானந்தனை கைது செய்தனர்.

சோலன் என்ற இடத்தில் அவர் கைது செய்யப்பட்டார்.

ஒரு மாதமாக நடந்த நித்தியனந்தன் தேடுதல்வேட்டை முடிவுக்கு வந்தது.

நாளை பெங்களுர் அழைத்துவரப்படுவார் என்று தெரிகிறது.

இருபதாம் நூற்றாண்டின் ஆரம்பத்தில்-பெங்களுர்

2010-03-31T04:16:00.000+05:30

பெங்களூர் நகரம் 1946 எடுக்கப்பட்ட அரிய புகைப்படங்களின் தொகுப்பு

இந்த படத்திலுள்ள பதிவு எண்னை பாருங்க BAN 555 அப்ப பெங்களுரில் 1000 குறைவான வாகனங்களே இருந்திருக்கின்றன.

மேயொ ஹால் என்றழைக்கப்படும் நீதிமன்ற அலுவலகம்

ஓரியண்டல் பில்டிங்ஸ் என்ற ஆயுள் காப்பீட்டு நிறுவன கட்டிடம்

தமிழ் வலைப்பதிவர் குழுமம்-எனது புரிதல்கள்

2010-03-30T14:19:00.003+05:30

மின் மடலாற் குழுக்கள்,டிவிட்டர்,பதிவுதளங்கள்,சோசியல் நெட்வொர்க் தளங்கள் என எங்கு தமிழில் எழுதினாலும் அவர் தமிழ்பதிவர்

மருத்துவர்களுக்கும்,வழக்கறிஞர்களுக்கு எதற்க்கு சங்கம் தேவையோ அதேப்போல் பதிவருக்கும் சங்கம் தேவை

தொழில்நுட்ப நிறுவனங்களோடும்,அரசாங்கத்தோடவும் பல்வேறு காலக்கட்டங்களில் நாம் இணைந்து பணியாற்ற் வேண்டியுள்ளது அது அமைப்பு ரீதியாக இருந்தால் மட்டுமே சாத்தியப்படும்.

Technical know how பெரும் நிறுவனங்களிடமிருந்து பெறுவது எளிமையாகிவிடும்

நாளை கூகுள் நிறுவனம் புதிய வெளியீட்டின்போது நம் கருத்தினை கேட்க துவங்குவர்

நாளை அரசாங்கம் பதிவுலகம் குறித்து ஒரு தவறான சட்டம் கொண்டு வரும் பட்சத்தில் குழுமமாக இருந்தால் அதை எதிர்ப்பது எளிது

அனைவரும் ஒரு குடையின் கீழ் வரவேண்டிய அவசியமும் இல்லை.விருப்பம் இருப்பவர்கள் சேரலாம் இதென்ன தொழிற்சங்கமா அனைவரும் ஒன்றியினைய

உற்ப்பினர், உறுப்பினர் அல்லாதவர் யார் வேண்டுமானலும் தொடர்ந்து எழுதலாம். இதென்ன திரைப்பட யூனியனா கார்டு இருந்தால்தான் எழுதலாம் என்று சொல்ல

குழுமம் எந்த பதிவரின் கருத்துக்கும் தடையாக இருக்கப்போவதில்லை. சங்கம் யாரின் எழுத்துக்களை தணிக்கை செய்யும் சென்சார் போர்டல்ல

இது சினிமா யூனியன் அல்ல பிடிக்காதவர்களுக்கு ரெட் கார்டு போடுவதற்கு.

இணையத்தின் கட்டற்ற சுதந்திரம் தொடர்ந்து இருக்கும் என்றே நம்புகிறேன்

உங்கள் பிரச்சினை குழுமம் ஆரம்பிப்பதா அல்லது குறிப்பிட்ட சிலர் அதை ஆரம்பிப்பதா.?

அன்புடன்
அரவிந்தன்
பெங்களுர்

2009-தமிழ்ப்பதிவுலகின் முக்கிய நிகழ்வுகள்!!!

2009-12-30T15:32:00.004+05:30

தமிழ்ப்பதிவுலகில் 2009-ல் நடந்த சில முக்கிய நிகழ்வுகளை இங்கு தொகுத்துள்ளேன்.ஏதாவது விடுப்பட்டிருந்தால் பின்னூட்டத்தில் தெரிவிக்கலாம்.

1.மாவீரன் முத்துகுமாரின் இறுதி ஊர்வலத்தில் தமிழ்ப்பதிவர்கள் பங்கேற்பு மற்றும் முத்துமார் வீரவணக்க கூட்டம் நடத்தியது.

2.பதிவர்கள் பலரின் படைப்புகள் அச்சு வடிவத்தில் வெளிவந்தது.

3.ரோசாவசந்த் மற்றும் ஜெயோரம்சுந்தர் மோதல்

4.வருட இறுதியில் நடந்த சுமஜ்லா நற்க்குடி பர்தா விவகாரம்

5.சிறப்பாக நடந்த ஈரோடு பதிவர் சங்கமம்.

6.பல புதிய திரட்டிகள் துவக்கம்

7.கேபிள் சங்கர் தந்தையார் அவர்கள் மறைவின்போது நம் பதிவர்கள் இணைந்து உதவியது.

8.பதிவுலகமே இணைந்து சிங்கை நாதன் அவர்களுக்கு பெரிய அளவில் நிதியுதவி செய்தது.

9.பதிவர் சிந்தா நதி அவர்களின் மரணம்

10.பதிவர்கள் நடத்திய பட்டறை (சிறுகதை)

அன்புடன்
அரவிந்தன்
பெங்களுர்

iஇடைத்தேர்தல் முடிவுகள்--முன்னனி நிலவரம்

2009-12-23T09:00:00.003+05:30

முதல் சுற்றின் இறுதியில் திமுக வேட்பாளர்கள் வந்தவாசி மற்றும் திருச்செந்தூர் தொகுதியில் முன்னிலை

வந்தவாசி
கமலக்கண்ணன் திமுக 5483
முனுசாமி அ இ அதிமுக 3816

திருச்செந்தூர்

அனிதா இராதாகிருஷ்ணன் திமுக ---10649
அம்மன் நாராயணன் அ இ அதிமுக 4442

Tamil Radio Online Tamil Mp3 Songs | Chennai Tamil Radio Stations

2009-11-19T01:30:00.000+05:30

Tamil Radio Online Tamil Mp3 Songs | Chennai Tamil Radio Stations

தெற்காசியாவில் மனித உரிமை மீறல்கள்"கருத்தரங்க‌ம்-பெங்களூரில்

2009-10-22T22:54:00.001+05:30

"தெற்காசியாவில் மனித உரிமை மீறல்கள்"கருத்தரங்க‌ம்

தமிழின் பெயரால் இணைந்து பணியாற்றும் அன்பு உடன் பிறப்புக்கள் அனைவருக்கும் வணக்கம், உலகத் தமிழ் மக்கள் அரங்கின் - பெங்களுர் தகவல் தொழில் நுட்பப் பிரிவினரும், "SAVE TAMILS" சென்னை நண்பர்களும் இணைந்து " தெற்காசியாவின் மனித உரிமை மீறல்கள்" என்னும் தலைப்பில் ஒரு கருத்தரங்கை வருகிற அக்டோபர் மாதம் - 25ஆம் நாளில் நடத்துவதற்குத் திட்டமிட்டிருக்கிறோம். முள் வேலிகளுக்குள் அடைபட்டுக் கிடக்கிற நம் இனத்தின் வலியை செய்தியாளர்களுக்கு முடிந்த வரையில் கொண்டு சேர்க்கவும், தொடர்ந்து தொய்வின்றி நமது மக்களின் அடிப்படை உரிமைகளுக்கான குரலாய் நமது இளைஞர்கள் செயல்பட ஒரு உந்து விசையாகவும் இந்தக் கருத்தரங்கினை கொண்டு செல்வதற்கு உங்களிடம் இருந்து முழுமையான ஆதரவையும், ஆலோசனைகளையும் (நேர்மறையான) வேண்டுகிறோம். உலகெங்கும் ஊடகவியலாளர்களின் குறியீடாக இருக்கிற மனித உரிமை மீறல் காணொளிக் காட்சிகள் பெரும் தாக்கத்தை விளைவித்திருக்கும் இந்தத் தருணத்தை நாமும் சரியாகப் பயன்படுத்திக் கொள்ள ஒரு வாய்ப்பாக இது அமையும் என்று நம்புகிறோம்.

த‌லைப்புக‌ள் ‍மற்றும் பேச்சாள‌ர்க‌ள்
1) இலங்கையின் மனித உரிமை மீறல்கள்
அ) பத்திரிக்கைச் சுதந்திரம் மற்றும் இராணுவமயமாக்கல் .R.K.Mattu (Chief journalist - Indian express)
ஆ) இடப்பெயர்வு முகாம்களின் அவ‌ல‌ நிலை ‍.Father.Prakash louise (South asia Director - JFG REFUGEE SERIVCE) .
2) தமிழக‌ மீனவர்களின் வாழ்வாதாரப் பிரச்சனைகள் - Mr.Muruganandham (Seceretry - Tamil nadu fisherman associatioந்) .
3) இந்திய வட கிழக்கு மாநிலங்களில் மனித உரிமை மீறல்களும்
அ)வட கிழக்கு மாநிலங்களில் மனித உரிமை மீறல்கள் . Mr.Venhu (General Seceratry - Naga people movoment)
ஆ)குடிமை மீறல் சிறப்பு சட்டங்கள்.Mr.Vijay kumar (National Law school)
இ) காஷ்மீரின் வரலாறும், மனித உரிமை மீறல்களும்.Mr.Deena (Other media)
4) தெற்காசிய நாடுகளில் மனித உரிமை மீறல்கள் .Mr.Sethu(friends of Tibet)
5) புவி சார் அரசியலும் , பொருளாதார நலன்களும் .Mr.arivazhagan(Freelance journalist)
6) மனித உரிமை அமைப்பின் செயல்பாடுகள். Mr.paul Newman(Lecturer - bangalore university)

இடம்.யுனைட்டட் தியாலஜிக்கல் கல்லூரி , 63, மில்லர் சாலை, பென்சன் நகரம், பெங்களூரு‍ 46. கண்டோன்மென்ட் தொடர்வண்டி நிலையத்தின் பின்புறம் உள்ளது.

நாள்.25/10/2009 நேரம். மாலை 3.00 மணியிலிருந்து 7.00 மணிவரை

தொட‌ர்புக‌ளுக்கு,
+91 9886002570. ந‌ற்ற‌மிழ‌ன்.
+91‍9980799572. த‌மிழ‌ன்ப‌ன்.

லக்கி யுவகிருஷ்ணா வுக்கு நச் கேள்விகள்!!!

2009-09-06T19:13:00.007+05:30

பதிவர் லக்கி என்றழைக்கப்படும் யுவகிருஷ்ணா அவர்களின் உதிரத்துணி என்ற பதிவிற்க்கான எதிர் பதிவு

//இலங்கையில் போலிசார் என்றாலே சிங்களவர்கள் மட்டுமே என்றுதான் இன்றுவரை கூட நினைத்துக் கொண்டிருக்கிறேன்//

என்ன லக்கி உண்மையிலே தெரியாதா அல்லது தெரியாதமாதிரி நடிக்கின்றீர்க்ளா..
80-களின் இறுதி வரை யாழ் மாவட்டத்தில் காவல் துறை உட்பட அனைத்து அரசு துறைகளும் முழுமையாக தமிழர்களால் நிர்வாகம் செய்யப்பட்ட நிலையில் அந்த நேரத்தில் யாழ் நகரில் செயல்பட்ட அரசு காவல்துறை சிங்கள அரசு சார்பாகத்தானே செயல்பட்டிருக்கும்.

ஈழப்போரட்டத்தின் ஆரம்ப காலகட்டங்களின் வரலாறு தெரிந்துகொள்ளாமல் போனது யார் தவறு லக்கி.?

//முப்பது ஆண்டுகளாக உலகத் தமிழர்கள் உணர்ச்சிவசப்பட்டுக் கொண்டிருக்கிறார்கள்//

இதில் என்ன புரிதலில் தவறு கண்டீர்.?

வரலாறு புரியாமல் தமிழர்களின் உணர்வினை கொச்சைபடுத்தார்தீர்கள் லக்கி.

தமிழர்கள் என்ன கடந்த முப்பதாண்டுகளாக சிங்களவர்கள் மிகவும் கௌரவமாக நடத்தப்பட்டார்களா.

சிங்களன் மட்டும் தமிழனை கொல்லவில்லை,தமிழனும் தமிழனை கொன்றான் என்ற கருத்தியலை நிறுவப்பார்பதன் அவசியம் என்ன.?

30,000 தமிழர்கள் ஓர் இரவில கொல்லப்பட்டத்தை கண்டு மனமொடிந்து வருத்தப்பட்டவர்கள் எல்லாம் முட்டாள்களா.?

//விசாரணை நடத்திய போலிசார் தமிழர்கள் என்றும், விசாரணைக்கு அழைத்துச் செல்லப்பட்டவர்களை அவர்கள் கொடூரமாக சித்திரவதை செய்தார்கள் என்பதை எல்லாம் வாசிக்கும்போது ஏற்படும் அதிர்ச்சிக்கு அளவேயில்லை.//

நான் கூட நினைத்தேன் லக்கி ”தமிழனத் தலைவர்” தமிழர்களுக்கு எதாவது துன்பம் வந்தால் பதவியை துறந்தாவது தமிழர்களை காப்பாற்றுவார் என்று.

30,000 தமிழர்கள் கொல்லப்பட்ட அன்று பதவிக்காக டெல்லி நகரில் காவடி தூக்கிகொண்டு அலைந்தவரும் ஒரு தமிழர்தானே லக்கி.அன்று டெல்லியில் பதவிக்காக அலைந்தை பார்த்தபோது எனக்கு எற்ப்பட்ட அதிர்ச்சிக்கு அளவேயில்லை லக்கி.

இப்படியிருக்கையில் காவல்துறையில் இருந்த ஒரு தமிழன் கொடுமைபடுத்திய ஒரு சம்பவத்தினை வைத்துகொண்டு தமிழர்களின் உணர்வினை கேள்விகுறியாக்காதீர்கள் லக்கி

புலிகள் முழுமையாக அழிக்கப்பட்ட நிலையில் புலி எதிர்ப்பு புராணம் பாடி பிழைப்பு நடத்தும் சோபா சக்தியின் புலியெதிர்ப்பு அரசியலை வேறு வகையில் நிறுவப்பார்க்கும் ஒரு செயலாகவே உங்கள் பதிவினை பார்க்கின்றேன்.

அன்புடன்
அரவிந்தன்
பெங்களுர்

ஆங்கிலத்திருந்து தமிழ் மொழி மாற்றம் உதவி தேவை

2009-07-17T22:10:00.002+05:30

கல்வி தொடர்பான மென் பொருளை நண்பர் உருவாக்கி வருகிறார்.அதனுடைய தமிழ் பதிப்பிற்கு ஆங்கில வார்த்தைகளை தமிழில் மொழி மாற்றம் உங்கள் உதவி தேவை.

Add
Address1
Address2
Approval
Assign
Assigned To
Attended
Batch
Batch ID
Batch Name
Batchid
Calender of Event ID
Cancel
City
Collation
Comments
Communication Language
Confirm Password
Contact Name
Credits
Day
Debug Mode
Delete
Description
Detail
Details
DOB
Download
Edit
Email
Email1
Email2
Encoding
End Time
Error
Error Message
Event Date
Event Description
Event Type
Exam ID
Exam Name
Examination
Experience
Export
Faculty
First Name
Followup
Followup Date
Followup ID
Gender
Group Code
Group ID
Group Name
Groupid
In Charge
Institute Code
Institute id
Institute ID
Institute Language
Institute Name
Institute Style
Last Name
Layout
Logo
Marks ID
Marks Obtained
Marks Scored
Marks Type
Max Attendance
Max Marks
Menu Link
Menu Name
Middle Name
Min Attendance
Min Marks
Mobile
Mobile1
Mobile2
Multirow
Nationality
Next Followup
Optra ID
Order
Password
Period
Period Name
Phone
Pin Code
Print
Publish ID
Publish Status
Publish Type
Q String
Qualification
Record Status
Register Number
Relationship
Response
Role
Roll Number
Section
Semester
Send
SMS
SMS Provider
Staff ID
Start Time
State
Status
Stream
Student Menu ID
Student Name
Subject
Subject Code
Subject ID
Subject Name
Success
Test/Exam Name
Timetable
Title
Total
Transtatus
Update Date
Updated Date
Upload
User ID
User Name
User type
username
Venue
Website
Week Day
Year of Admission

test report
Credit Setup Screen
Credit added successfully
Available
Regular
Announcements
Shared Pool(unit)
End Date
submit

Field
Field Value
Message
Max 240 Chars
chars left
Signature
Publish to
Batch
Stream
Semester
Section
Cancel
Publish
Announcement Screen

Start Period
End Period
Back
Submit

Attendance Information Upload Stats
Total Records:
Success Records:
Error Records:
Loading Attendance Infomation...
Start Loading ...

Sorry Unable to upload file.. Please contact OPTRA Service Support

Batch Subject Assignment
Check All
Uncheck All
Change Password
Sorry, Unable to change your password try again later
Your Password has been Changed Successfully
New Password
Confirm Password
Publish Confirmation Page
Additional Information
Powered by INZ Axis
Max 50 Characters
chars left

Please read the below instruction carefully before publishing
Please Click Confirm Publish button to publish the information. Make sure you want to Publish the details
Please wait while you click Confirm Publish "Do not Close Window" till you get the dashboard confirming the publish status
Click on Cancel button to avoid publishing the information
One cannot stop publish once Confirm Publish button is clicked

Student list will be listed here
Calendar of Events
Marks Card Generation..
Event Details
Event:
Title:
Venue:
Details:
Optra features
Performance Analysis
Attendance Register
Time Table
Calendar of Events

Login Failed
Please check your username and password
Click here to Login
Logout
You have been logged out.
Marks Information Upload Stats
Total Records:
Success Records:
Error Records:
Home Page
SMS First Level Delivery Status
Sending Message..
Attendance Publish
Message
Designation:
Event Information
Month Summary
Test/Exam:

அன்புடன்
அரவிந்தன்
பெங்களுர்

கவிஞர் தாமரையின் சாபம்

2009-06-21T18:28:00.001+05:30

கண்ணகி மண்ணில் இருந்து ஒரு கருஞ்சாபம்!

ஏ இந்தியாவே...!எத்தனை கொடுமைகள்
செய்துவிட்டாய்
எங்கள் தமிழினத்திற்கு...
எத்தனை
வழிகளில்கெஞ்சியும் கூத்தாடியும்
காலில் விழுந்தும் கதறியும்
கொளுத்திக் கொண்டு செத்தும்
தீர்ந்தாயிற்று...

எதுவுமே காதில் விழாத உங்களுக்கு
இன்னும் தராத ஒன்றுமிச்சம் உண்டு என்னிடம்...
பட்டினியால் சுருண்டு மடிந்த
பிஞ்சிக் குழந்தைகளின் படத்தைப் பார்த்து
அழுது வீங்கிய கண்களோடும்
அரற்றிய துக்கத்தோடும்
களைந்த கூந்தலோடும்
வயிரெரிந்து இதோ விடுகிறேன்..

கண்ணகி மண்ணில் இருந்து
ஒரு கருஞ்சாபம்!

குறள் நெறியில் வளர்ந்து
அறநெறியில் வாழ்ந்தவள்
அறம் பாடுகிறேன்!

தாயே என்றழைத்த வாயால்
பேயே என்றழைக்க வைத்துவிட்டாய்
இனி நீ வேறு, நான் வேறு!

ஏ இந்தியாவே!
ஆயுதம் கொடுத்து வேவு விமானம் அனுப்பி
குண்டுகளைக் குறிபார்த்துத்
தலையில் போடவைத்த உன்தலை
சுக்குநூறாய் சிதறட்டும்!

ஒரு சொட்டு தண்ணீருக்காய் விக்கி மடிந்த
எங்கள் குழந்தைகளின் ஆத்மா சாந்தியடைய
இனி ஒரு நூற்றாண்டுக்கு
உன் ஆறுகள் எல்லாம் வற்றிப் போகட்டும்!

மழைமேகங்கள் மாற்றுப் பாதைகண்டு
மளமளவென்று கலையட்டும்!

ஒரு பிடி சோற்றுக்கு எங்களை ஓடவைத்தாய்
இனி உன் காடு கழனியெல்லாம் கருகிப்போகட்டும்!

தானியங்கள் எல்லாம் தவிட்டுக்குப்பைகளாய்
அறுவடையாகட்டும்!

மந்தைகளைப் போல் எம்மக்களை துரத்தினீர்கள்
உங்கள் மலைகள் எல்லாம்
எரிமலைக் குழம்புகளைக்
கக்கி சாம்பல் மேடாகட்டும்!

இரக்கமின்றி ரசாயனக் குண்டுவீசிய அரக்கர்களே...
உங்கள் ரத்தம் எல்லாம் சுண்டட்டும்!

உங்கள் சுவாசம் பட்டு சுற்றமெலலாம் கருகட்டும்!
எதிரிகள் சூழ்ந்து
உங்கள் தூக்கத்தைப் பறிக்கட்டும்!

தெருக்கள் எல்லாம் குண்டுவெடித்து
சிதறிய உடல்களோடு
சுடுகாடு மேடாகட்டும்!

போர் நிறுத்தம் கோரியிருக்கிறோம் என்று
கூசாமல் பொய் சொன்ன வாய்களில்
புற்றுவைக்கட்டும்!

வாய் திறந்தாலே ரத்தவாந்திக் கொட்டட்டும்!
எங்கள் எலும்புக் கூடுகள் மீது
ஏறியமர்ந்து அரசாட்சி செய்தீர்களே...

உங்கள் சிம்மாசனம் வெடித்துத்
தூள்தூளாகட்டும்!
உங்கள் வீட்டு ஆண்கள் ஆண்மையிழக்கட்டும்......

பெண்களின் கருப்பைகள் கிழியட்டும்!

நிர்வாணமாக எங்களை அலையவீட்டீர்களே...
உங்கள் தாய் தந்தையர் பைத்தியம் பிடித்து
ஆடையைக் கிழித்துத் தெருக்களில் அலையட்டும்!

எங்கள் இளைஞர்களை மின்சாரம் செலுத்தி
சித்திரவதையில் சாகடித்தீர்களே...
உங்கள் தலையில் பெருமின்னல் பேரிடி இறங்கட்டும்!

எங்கள் சகோதரிகளைக் கதறக்கதற சீரழித்த
சிங்களவன் மாளிகையில்விருந்து கும்மாளமிட்டவர்களே...
உங்கள் வீட்டு உணவெல்லாம் நஞ்சாகட்டும்!

உங்கள் பெண்களெல்லாம்
படுக்கையைப் பக்கத்து வீட்டில் போடட்டும்!

நரமாமிசம் புசித்தவர்களே...
உங்கள் நாடி நரம்பெல்லாம்
நசுங்கி வெளிவரட்டும்!

இன்னும் ஓர் ஆயிரம் ஆண்டுகளுக்கு
புல் பூண்டு முளைக்காமல் போகட்டும்...

ஆழிப்பேரலை
பொங்கியெழுந்து
அத்தனையும் கடல் கொண்டுபோகட்டும்!

நீ இருந்த இடமே இல்லாமல் போகட்டும்!

நாசமாகப் போகட்டும்! நாசமாகப் போகட்டும்!
நிர்மூலமாகப் போகட்டும்! நிரந்தரமாகப் போகட்டும்!
..........
பின்குறிப்பு:
உங்கள் குழந்தைகளை சபிக்கமாட்டேன்!
குழந்தைகள் எங்கிருந்தாலும்குழந்தைகளே...
அவர்கள் நீடுழி வாழட்டும்!

எம் குழந்தைகள் அழுதாலும்
உன் குழந்தைகள் சிரிக்கட்டும்!
உன் குழந்தைகள் சிரிக்கட்டும்!

நடுநிலைவாதிகளுக்கு சில கேள்விகள்

2009-05-20T18:32:00.004+05:30

புலிகள் ஒழிந்தால் தான் மக்களுக்கு நல்லது பிறக்கும் என்று முன்பு கதறிய அனைத்து அதி மேதாவிகளும் அறிவு ஜீவிகளும்................

தாங்கள் நம்பும் ஹிந்து மற்றும் தினமலர் பத்திரிக்கையின் வாயிலாகவும்,

சோ மற்றும் சுப்ரமணியசாமி வாயிலாகவும்,

ராஜிவ் காந்தியின் ஆன்மா மற்றும் அவரின் குடும்பத்தார் மூலமாகவும்

தமிழீழ மக்களுக்கு ஏதேனும் வகையில் நன்மை செய்தார்களானால் அவர்கள் மனிதர்கள் என்று நம்புவோம்.

ஏனெனில் விடுதலை புலிகளும் அதன் தலைமையும் தான் உங்களுக்கு உறுத்திய இரண்டு விஷயம்!!!!

இவை இரண்டுமே இல்லை என்று இன்று இந்திய இலங்கை கூட்டுஸ்தாபனம் அறிவித்து விட்டது.

எனவே அறிவானவர்களே........

புலி எதிர்ப்பாளர்களே.......

தமிழீழ காவலர்களே செய்வீர்களா?????

அரசியல் ரீதியான முன்னெடுப்பை இலங்கை அரசோடும்,இந்திய அரசோடும்,உலக வர்த்தக நாடுகளோடும் மற்றும் இலங்கையில் வர்த்தகம் புரிய வெறியுடன் இருக்கும் பண முதலைகளுடனும் யார் பேச முடியும்?????

இது வெறும் தமிழர்கள் மற்றும் சிங்களர்கள் பிரச்சனை அன்று அது எப்பொழுதோ முடிந்து விட்டது!!!!

இலங்கை எனும், வர்த்தக வசீகரமுள்ள, ஒரு குட்டி தீவை தமதாக்கி கொள்ள துடிக்கும் உலக நாடுகளுக்கும், தன்னுடைய வீடு வேண்டும் எனும் உரிமை குரலிட்ட ஒரு சிறு,ஒடுக்கப்பட்ட, குறு இனத்தின் சுதந்திர தாகத்திற்கும் இடையேயான போராட்டம். போர்,

இவை எல்லாம் அறிந்து தான் பிரபகாரன் எனும் ஒரு தலைவன் முன்னேப்போதுமில்லாமல் வீறு கொண்டு எழுந்து படை அமைத்து சமர் புரிந்தான்.

அவனுக்கு தெரியும் சிங்களனை கொரில்லாக்களாக இருந்து அல்ல, சிறு போராட்ட குழுவாக இருந்தே கூட அடித்து விரட்டலாம் என்று.

எப்பொழுது இது உலக வர்த்தகத்தின் பிரச்சனையாக மாறியதோ அப்பொழுதே அவனுக்கு தெரிந்து விட்டது இதை போர்ப்படை கொண்டு தான் அணுகவேண்டும் என்று.........

இதுவே முடியாது எனும்போது, அல்லது கசப்பான முடிவுக்கு வந்து விட்டது எனும்பொழுது, இனி உலக வர்த்தகர்கள் தூக்கி எரியும் நல உதவிகளும்,பிச்சை பணமும்,உணவு பொட்டலமும் தான் ஈழ தமிழனுக்கு மிச்சம்.

ஈழமா தரப்போகிறார்கள்.....?????

கதறி அழக்கூட திராணி இல்லாதவர்களா இனி இந்த கொடுங்கோலர்களிடம் கொடி எழுப்ப போகிறார்கள்??????

சரி சமமாக நின்று சமர் புரிந்தே கிடைக்காத ஈழம் இனி பிச்சை கேட்ட கிடைக்க போகிறது???????

அப்படி ஒரு எண்ணம் இருந்தால் இது கடல் கரை அருகில் கட்டிய மணல் கோட்டை தான் நண்பர்களே..........

ஈழ தமிழன் சோறு கிடைத்தால் போதும் என்பான்!!!!

புலம் பெயர்ந்தவன் இனி அந்த அந்த நாட்டு பிரஜையாக மாறி தன இன அடையாளத்தை தொலைத்து விடுவான்.

தமிழக தமிழன் பிளாஸ்மா டிவி கிடைக்குமா என்று பேரம் பேசி மகிழ்வான்.

போராட்டத்தின் வழிகள் மாறுவது என்பது பின்னடைவோ அல்லது தோல்வியோ அல்ல ஆனால் இலக்கு மாறினால் தான் மிக பெரிய தோல்வி......

தமிழரின் தாகம் தமிழீழ தாயகம்!!!!!!

அதை விடுத்து பிச்சை போடும் எச்சகாசுக்கும், புளித்து போன சம உரிமை நாடகங்களும்,சரியானதொரு இலக்கா???

என்பதை மிக நுண்ணியமாக சர்வதேசத்துடன் சேர்ந்தது இந்த புலி எதிர்ப்பாளர்களும் சிந்திக்க வேண்டும்!!!!

சிங்களவனுடன் இயைந்து இருக்க முடியுமா அல்லது தனி நாடா என்று ஓட்டெடுப்பு எடுக்க வேண்டும் என்று அன்று கழிவிரக்கம் கொண்ட அஹிம்சை வேடம் பூண்ட வேட தாரிகள் இன்று அதே வாக்களிப்பு யோசனையை சிங்கள பேரினவாத அரசிடம் எடுத்த சொல்ல முடியுமா????

இன்னும் ஓரிரு வருடத்திற்கு ஈழ தமிழர்களுக்கு மறு வாழ்வு அளிக்கிறோம் என்ற போர்வையில் அவர்களில் இருக்கும் ஒரு ஆண் மகனை கூட உயிரோடு விடாது எல்லோரையும் கொன்று தமிழீழ பெண்களை வன் புணர்ந்து அங்கு தமிழன் என்ற ஒரு இனம் இருந்ததையே செய்தி போல சொல்ல செய்வார்கள் என்பது மட்டும் நிச்சயம்.........

அப்பொழுது இந்த நடுநிலை வாதிகள் எந்த முகமூடி போட்டு கொண்டு வருவார்களோ என்பது தெரியவில்லை.

ஆகப்பெரிய உளவியல் ரீதியான உளைச்சலை கொண்டு பிறந்து இருக்கும் குழந்தைகளும் சிறார்களும் இனி எந்த விதமான வாழ்வியலில் இயங்க போகிறார்கள் என்பதை சற்றேனும் நாம் சிந்தித்து பார்க்கின்றோமா????

எனது குழந்தை இரவில் லைட்டை அணைத்தால் கூட என்னை இறுக அனைத்து கொண்டு அஞ்சி நடுங்கும் பொழுது எனது ஈழ குழந்தையின் வலியை பயத்திற்கு யாரை கட்டி அனைத்து கொள்ளும் மரித்த தனது தாயின் உடலையா???????

உலகத்தில் எந்த தேசத்திலும் புலம் பெயர்ந்த தமிழர்கள் ஓரளவிற்கேனும் நல்ல நிலையில் இருக்க,

அந்த தேசத்தின் குடி உரிமை பெற்றவர்களாக இருக்க,

நமது தமிழக புலம் பெயர்ந்தோர் மட்டும் இன்னும் அகதிகளாகவே இருப்பதின் மர்மம் என்ன???

என்பதை இந்த புலி எதிர்ப்பாளர்கள் ஒருமுறையேனும் யோசித்து இருப்பார்களா?????

உலகம் முழுக்க புலம் பெயர்ந்தவர்களின் போராட்டம் உச்சத்தை தொட்டு கொண்டு இருக்க,

தமிழக தமிழனின் ஆதிக்கத்தில், இருக்கும் இடம் கூட தெரியாமல்,

அழுவது, தனக்கு கூட கேட்டு விடாமல் இருந்த அகதி தமிழனை பற்றி இந்த நடுநிலையாளர்கள் ஏதேனும் தெரிந்திருக்குமா????

இலங்கைக்கு 500 கோடி அனுப்ப தெரியும் இந்திய அரசுக்கும் தமிழக அரசுக்கும், இங்கு இருக்கும் அகதி தமிழனுக்கு அதில் ஒரு கோடி யை கொடுத்தாலாவது போதுமே என்ற உண்மையையாவது உணர்த்தி இருந்து இருக்கலாமே இந்த மனிதாபிமான காவலர்கள்.??????

நன்றி தோழர் தயாள் :ஆர்குட் குழுமத்தில் எழுதியது

பெரியாரை கொச்சைப்படுத்திய ஈ.வி.கே.எஸ்

2009-05-07T20:36:00.000+05:30

பெரியாரை கொச்சைப்படுத்திய ஈ.வி.கே.எஸ். : மன்னிப்புகேட்க 48 மணி நேர கெடு!

ஈ.வி.கே.எஸ். இளங்கோவன் நேற்று ஈரோட்டில் தேர்தல் பிரச்சாரம் செய்துவந்தார். அப்போது, ‘’பெரியாரின் உண்மையான பேரன் என்று சீமான் தன்னை சொல்லிவருகிறார்.

உண்மையில் நான் தான் உண்மையான பேரன். சீமான் அவர் தான் உண்மையான பேரன் என்று அப்படி சொல்வதை பார்க்கும் போது பெரியார் சின்ன வயதில் செய்த தவறு போலிருக்கு என்றுதான் நினைக்கத்தோன்றுகிறது’’என்று பேசினார்.

இளங்கோவனின் இத்தகைய பேச்சால் இளந்தமிழர் இயக்கத்தினர் கொந்தளித்து போய்விட்டார்கள். இந்த இயக்கத்தின் அமைப்பாளர் செந்தமிழன், ‘’பெரியாரை கொச்சைப்படுத்திய இளங்கோவன் 48 மணி நேரத்தில் மன்னிப்பு கேட்க வேண்டும்.

அப்படி கேட்கவில்லை யென்றால் அவர் வீட்டை முற்றுகையிடுவோம்’’ என்று அறிவித்துள்ளார்.

இதனால் போலீசார் இளந்தமிழர் இயக்கத்தினரை வலைவீசி தேடி கைதுசெய்துவருகின்றனர். ‘’கைது செய்தாலும் மிச்சம் இருப்போர் முற்றுகையிடுவோம்’’என்று மீண்டும் அறிவித்துள்ளார் செந்தமிழன்

பயங்கரம் இன்று நடந்தே விட்டது!! 988 தமிழர்கள் படுகொலை

2009-04-20T18:15:00.000+05:30

சிறிலங்கா படையினரின் பாரிய படை நடவடிக்கையினால் பெரும் மனிதப் பேரவலம்: 988 தமிழர்கள் படுகொலை

முல்லைத்தீவு மாவட்டத்தில் உள்ள புதுக்குடியிருப்பு பகுதியில் சிறிலங்கா படையினர் இன்று மேற்கொண்டு வரும் பாரிய படை நடவடிக்கையின் போது பெரும் மனிதப் பேரவலம் நிகழ்ந்துள்ளது. இதில் 988-க்கும் அதிகமான தமிழர்கள் படுகொலை செய்யப்பட்டுள்ளதுடன் 1,215-க்கும் அதிகமானோர் படுகாயமடைந்துள்ளனர்.

மக்கள் பாதுகாப்பு வலய பகுதிகளான மாத்தளன், அம்பலவன்பொக்கணை பகுதியை நோக்கி சிறிலங்கா படையினர் இன்று திங்கட்கிழமை அதிகாலை தன்னிடம் உள்ள அனைத்து நாசகார ஆயுதங்களின் சூட்டாதரவுடன் பாரிய படை நடவடிக்கையினை மேற்கொண்டனர்.

அதேவேளையில் மக்கள் மீதும் மக்கள் வாழ்விடங்கள் மீதும் ஆட்லெறி எறிகணை, கொத்துக்குண்டு எறிகணை, பல்குழல் வெடிகணை, மோட்டார், பீரங்கி, கனரக துப்பாக்கி, தொலைதூர துப்பாக்கி மற்றும் வான் தாக்குதல்களை சிறிலங்கா படையினர் அகோரமாக நடத்தியுள்ளனர்.

இதில் 988-க்கும் அதிகமான தமிழர்கள் படுகொலை செய்யப்பட்டுள்ளதுடன் 1,215-க்கும் அதிகமானோர் படுகாயமடைந்துள்ளனர்.

ஏலவே பொக்கணைப் பகுதிக்குச் சென்ற மக்களை கேடயமாக பாவித்துக்கொண்டு பாரிய நடவடிக்கையினை சிறிலங்கா படையினர் மேற்கொண்டதுடன், அதற்கு ஒத்துழைக்காத மக்கள் மீதும் சரசமாரியான துப்பாக்கிச் சூட்டினை நடத்தியதாகவும் இதிலும் பெருமளவிலான மக்கள் கொல்லப்பட்டுள்ளனர் என்று புதினத்தின் வன்னிச் செய்தியாளர் தெரிவிக்கின்றார்.

பொதுமக்களின் இழப்புக்கள் மேலும் அதிகரிக்கலாம் எனவும் அஞ்சப்படுகின்றது.

இருபதாம் நூற்றாண்டின் ஆரம்பத்தில்-பெங்களுர்

2009-03-05T17:54:00.009+05:30

Flash News!!! தேர்தல் தேதி அறிவிப்பு

2009-03-02T16:04:00.002+05:30

தேர்தல்’09 ஏப்ரல் 16 முதல் மே 13 வரை ஐந்து கட்டமாக பாரளுமன்ற பொது தேர்தல் நடக்கவுள்ளது.

எப்ரல் மாதம் 16,23,30 & மே மாதம் 7, 13 - ஆகிய நாட்களில் தேர்தல் பாரளுமன்ற பொது தேர்தல் நடக்கவுள்ளது.

தமிழக மக்களே மக்கள் விரோத திமுக.காங்கிரஸ் கூட்டணிக்கு சாவு மணி அடிக்க தயாரகுங்கள்

அன்புடன்
அரவிந்தன்

இன்று சென்னையில் மேலும் ஒரு தமிழர் தீ குளித்தார்..

2009-02-21T19:32:00.002+05:30

இன்று சென்னையில் மேலும் ஒரு தமிழர் தீ குளித்தார்..

சென்னையில் இன்று தி.மு.க நடத்திய இளைஞர்கள்சங்கிலியில் சைதை பகுதியை சேர்ந்த திரு. சிவப்பிரகாசம்(60 வயது) " மனித சங்கிலி, அறப்போராட்டம் எல்லாம் பயன் தராது" என்று கூறியபடியே தீ குளித்து உடனடியாக இறந்து போனார்.
இளைஞர் சங்கிலி நிறுத்தப்பட்டது...

செஞ்சிலுவை சங்கத்தினருக்கு ஒரு வேண்டுகோள்

2009-02-14T15:10:00.003+05:30

செஞ்சிலுவை சங்கத்தினருக்கு ஒரு வேண்டுகோள். வன்னியிலிருந்த தயவுசெய்து வெளியேறாதீர்கள்

வன்னி பிரதேசத்திருந்து செஞ்சிலுவை சங்கத்தினரை உடனடியாக வெளியேறுமாறு ஸ்ரீலங்கா அரசாங்க உத்தரவிட்டுள்ளதாக தெரிகிறது.அழிவின் விளிம்பில் இருக்கும் ஈழத்தமிழனுக்கு உரிய மருத்துவ உதவிகளை வழங்கிவரும் சர்வேத அமைப்பான செஞ்சிலுவை அமைப்பினரும் வெளியேற்றப்பட்டால் எறிகணை தாக்குதலில் பாதிக்கப்படும் தமிழ் மக்களை யார் காப்பாற்றமுடியும்

நாம் உடனடியாக செய்யவேண்டியது என்னவெண்றால் கொழும்புவில் உள்ள செஞ்சிலுவை சங்கத்தினருக்கு வன்னியை விட்டு வெளியேற வேண்டாம் என்று மின்னஞ்சல் மூலமாக வேண்டுகோள் வைப்பதே.

மின்னஞ்சல்களை colombo.col@icrc.org and review.gva@icrc.org என்ற முகவரிக்கு உடனடியாக அனுப்புங்கள்

To,
ICRC ( Intl Red Cross )
Colombo.

Kind attn. Ms. Romanens Sophie.

We all aware that you are doing wonderful job in helping innocent tamilians getting injured / killed by Srilankan army.

We heard that Sri Lanka government is asking you to leave from Vunni. Please don't leave from Vunni area.

Try to help the innocent tamilians. Stay there only.

Its our humble request.

Regards,

Aravindan
India

பெங்களூரில் ஈழத்தமிழர் இனப்படுகொலை எதிர்த்து அறப்போராட்டம்-

2009-02-09T21:02:00.003+05:30

உலகத் தமிழ் மக்கள் அரங்கின் இளைஞர் மற்றும் தகவல் தொழில் நுட்பப் பணியாளர் பிரிவின் சார்பாக, இலங்கையில் நடைபெறும் இனப் படுகொலை மற்றும் இந்தியாவின் ஆயுத உதவியைக் கண்டிக்கும் வண்ணம் வருகிற 15 ஆம் நாள் (15th Feb 2009) ஞாயிற்றுக் கிழமை பெங்களுர் மகாத்மா காந்தி சாலையில் உள்ள காந்தி சிலை முன்பாக ஒரு கவன ஈர்ப்பு அறப்போர் நடத்துவது என்று முடிவு செய்திருக்கிறோம்.

காலை 10 மணி முதல் நண்பகல் 1 மணிவரை நடைபெறும் இந்த அறப்போரில் உணர்வுள்ள தமிழர்கள் அனைவரும் கலந்து கொள்ள வேண்டும் என்று உலகத் தமிழ் மக்கள் அரங்கின் சார்பாக வேண்டுகிறோம்.

உங்களையும் உங்கள் குழுவினரையும் இந்த கவன ஈர்ப்பு நிகழ்விற்கு வருமாறு அழைப்பதுடன் உலகத் தமிழர்களின் உணர்வுகளை உங்கள் ஊடகம் வாயிலாக உலகிற்கு அறியத் தருவீர்கள் என்று நம்புகிறோம்.

தங்கள் வருகையையும் மேலான ஆதரவையும் ஆவலுடன் எதிர்நோக்குகிறோம்.

நாம் விரும்பும் மாற்றங்கள் நம்மிடம் இருந்தே துவங்கட்டும்

ஈழத்தில் நடக்கும் இனப்படுகொலையை கண்டு உள்ளம் கொதிக்கும் உலக தமிழ் உறவுகளே. நம்மிடம் தேவை ஒரு சொட்டு கண்ணீர் மாத்திரம் அல்ல. நாம் இருக்கும் தளங்களில் இருந்து நம்முடைய உணர்வுகளை வெளிப்படுத்த வேண்டும். பெங்களூர் தமிழன் ஒவ்வொருவனும் தவறாமல் கலந்து கொள்ளவேண்டும் என்பதே எங்கள் விருப்பம். நம் உணர்வுகளை வெளிப்படுத்த இதுவே சரியான தருணம்.

தோழர் முத்துகுமார் ஈழத்தின் போர்நிறுத்தத்திற்காக தான் உயிரையே கொடுத்து இருக்கிறான் நம்மால் அரைநாளை கொடுக்க முடியாதா?

இதை வாசிக்கும் தோழர்கள் அனைவரும் இந்த செய்தியை பரப்பிட வேண்டுமாய் கேட்டுக்கொள்கிறேன். மின்னஞ்சல் மூலமாகவும் தொலைபேசிமூலமாகவும் இந்த போராட்ட நிகழ்வினை பெங்களூர்வாழ் தமிழனுக்கு தெரியப்படுத்தி போராட்டத்திற்கு வலு சேருங்கள்.

தொடர்பு கொள்ள வேண்டிய அலைபேசி எண்கள்

கை.அறிவழகன் - 9945232920
வெங்கடேசன் - 9731037427
வேல்முருகன் - 9886841710
தமிழன்பன் - 9980799572

காந்தி செய்தது தியாகமென்றால் முத்துகுமரன் செய்தததும் தியாகமே

2009-01-30T21:32:00.002+05:30

காந்தி செய்தது தியாகமென்றால் முத்துகுமரன் செய்தததும் தியாகமே

முத்துகுமாரன் செய்தது முட்டாள் தனம் என்றால் சாகும்வரை உண்ணாவிரதம் என்று மகாத்மா காந்தி இருந்தாரே

காந்தி அவர்கள் கவனயீர்ப்பு செய்யவேண்டும் என்று நினைத்திருந்தால் ஒரு நாள் அடையாள உண்ணாவிரதம் இருக்காலமே ஏனிந்த சாகும் வரை என்ற பில்டப்

தீக்குளிப்பும் ,சாகும் வரை உண்ணாவிரதமும் ஒன்றே என்பதே என் வாதம்

காந்தி செய்தால் (அதுகூட முழுமையாக அல்ல) தியாகம்.முத்துகுமாரன் செய்தால் முட்டாள்தனம் என்று சொல்லும் இந்த முட்டாள்களை என்ன சொல்வது

என் வாதமெல்லாம் “தீக்குளித்தல் முட்டாள்தன்மென்றால் சாகும் வரை உண்ணாவிரதமும் முட்டாள் தனம்தான்

கிளிநொச்சியில் தமிழாசிரியர் பணி

2009-01-27T23:07:00.002+05:30

காதைப் பிளக்கும் குண்டு ஓசைகளுக்கு நடுவில் ஈழத்தில் துணிச்சலாகத் தங்கியிருந்து, பிரபாகரனின் மனைவி மதிவதனி உள்பட பலருக்கு சிறப்புத்தமிழ் கற்றுத் தந்து திரும்பியிருக்கிறார் நெல்லைப் பேராசிரியர் ஒருவர். அங்கே தங்கியிருந்த காலகட்டத்தில் புலிகள் இயக்கத் தலைவர் பிரபாகரனையும் அவர் இரண்டு முறை சந்தித்துப் பேசியிருக்கிறார். அவரது அந்த அனுபவங்களைக் கேட்டு அசந்து போனோம் நாம்.

அந்த `தில்'லான பேராசிரியரின் பெயர் மு.செ.குமாரசாமி. தற்போது 70 வயது. நெல்லை மாவட்டம் ராயகிரியைப் பிறப்பிடமாய்க் கொண்ட வித்வான் அருணாசலம் பிள்ளை இவருக்கு பெரியப்பா முறை. முன்னாள் அமைச்சர் நெடுஞ்செழியன், பேராசிரியர் அன்பழகன், பழ.நெடுமாறன், வீரமணி போன்றவர்கள் எல்லாம் அருணாசலம் பிள்ளையின் மாணவர்கள்தான். அருணாசலம் பிள்ளை அண்ணாமலைப் பல்கலைக்கழகத்தில் பணியாற்றியதால், குமாரசாமியும் அங்கேயே தனது படிப்பை முடித்திருக்கிறார். அதன்பின் திராவிட இயக்கங்களின்பால் ஈர்க்கப்பட்டு குமாரசாமி என்ற தனது பெயரை `அறிவரசு' என மாற்றிக் கொண்டிருக்கிறார்.

கல்லூரிப் படிப்பு முடிந்து ஆழ்வார்குறிச்சி பரமகல்யாணி கல்லூரியில் தமிழ்ப் பேராசிரியராகப் பணியில் சேர்ந்த அறிவரசு, பாரதியாரின் மனைவி செல்லம்மாளின் ஊரான கடையத்தில் தங்கி வாழ ஆரம்பித்திருக்கிறார். பழ.நெடுமாறனுடன் இவருக்கு நெருக்கம் அதிகம் என்பதால், 1983-ம் ஆண்டுகளில் தமிழ்நாட்டில் ஈழ ஆதரவு அலை தீவிரமாக வீசியபோது நெடுமாறன், திராவிடர் கழகத் தலைவர் வீரமணி ஆகியோருடன் பேராசிரியர் அறிவரசு பல்வேறு இடங்களுக்குச் சென்று புலிகளுக்கு ஆதரவாகப் பிரசாரம் செய்திருக்கிறார். இதனால் புலிகளின் கவனம் இவர்மேல் திரும்ப, அதன்பின் நடந்ததுதான் அவரது ஈழப்பயணம்.

அதுபற்றி மேலதிகத் தகவல்களைத் தெரிந்து கொள்ள நாம் கடையம் சென்று பேராசிரியர் அறிவரசுவை அவரது வீட்டில் சந்தித்தோம். மிகவும் எச்சரிக்கையுடன் நம்மிடம் உரையாடினார் அவர்.

``1994-ம் ஆண்டு நான் ஓய்வு பெற்ற பிறகு, விடுதலை மற்றும் தென்செய்தி போன்ற இதழ்களில் எழுத ஆரம்பித்தேன். எனது எழுத்தைப் படித்துப் பார்த்த கொழும்பு நண்பர் ஒருவர் (பெயர் வேண்டாம்) என்னைச் சந்தித்து, `உங்களுக்கு இலங்கையில் ஒரு வேலை இருக்கிறது. வர முடியுமா?' என்று கேட்டார். நான் சம்மதித்தேன். கடந்த 2006 மார்ச் மாதம்பக்கா பாஸ்போர்ட், விசாவுடன் கொழும்புக்கு விமானமேறினேன். அங்கு போன பின்னர்தான் அந்த நண்பர், `கிளிநொச்சியில் தமிழாசிரியர் பணி' என்றார். அப்போது ஈழத்தில் சண்டை எதுவுமின்றி அமைதி நிலவிய நேரம். எனவே நானும் ஒப்புக் கொண்டேன்.
புலிகளின் அரசியல் தலைநகராக இருந்த கிளிநொச்சிக்கு நான் அழைத்துச் செல்லப்பட்டேன். அங்குள்ள நிதி மேலாண்மை கல்லூரிக்கு என்னை அழைத்துச் சென்றார்கள். அந்தக் கல்லூரியைப் பார்த்து நான் அதிர்ந்து போனேன். உடைந்த ஓட்டுக் கூரை மற்றும் மணல் தரையுடன் ஏதோ 50 ஆண்டுகளுக்கு முந்தைய தமிழ்நாட்டுப் பள்ளிக்கூடம் போல இருந்தது அது.

அங்கே நாற்பது மாணவ, மாணவியர் நிதி மேலாண்மையும், முப்பது பேர் தமிழும் படித்து வந்தார்கள். கல்லூரிப் பொறுப்பாளர் (அவரும் புலிதான்) என்னிடம், `அய்யா....இங்கு அட்வான்ஸ் லெவல் (ப்ளஸ் டூ) முடித்த முப்பது பேரையும் தமிழில் வல்லுனர்களாக்கி தமிழ் ஆசிரியர்களாக மாற்ற வேண்டியது உங்கள் பொறுப்பு' என்றார். `இங்கு பேராசிரியர்கள் வேறு யாருமில்லையா?' என்று கேட்டபோது, `யாழ்ப்பாணத்திலிருந்து அவர்களை வரவழைப்பது சிரமம்' என்றார்.

இந்த இடத்தில் ஒன்றைச் சொல்லியாக வேண்டும். ஈழத்திலுள்ள அனைத்துப் பள்ளிகளும் சிங்கள அரசால் நடத்தப்படுபவைதான். ஆனால், தமிழாசிரியர்கள் ஓய்வு பெற்று விட்டால் புது ஆசிரியர்களை சிங்கள அரசு நியமிப்பதில்லை. எனவே, எந்தப் பள்ளியிலும் தமிழாசிரியர்கள் கிடையாது. மொழியை அழித்தால் இனத்தை அழித்து விடலாம் என்பதற்காக சிங்கள அரசு செய்யும் கபடவேலை அது. அதைப் புரிந்து கொண்ட புலிகள், தமிழைக் காப்பாற்றுவதில் உறுதியாயிருக்கிறார்கள். அதற்காக `தனித் தமிழ் இயக்கம்' ஒன்றையும் நடத்தி வருகிறார்கள். அதன் ஒரு பகுதியாகவே என்னைத் தமிழ் கற்பிக்க அவர்கள் அழைத்திருந்தார்கள்.

மாணவர்கள் முப்பது பேருக்கான பாடத்திட்டத்தை நீங்களே வடிவமைத்துக் கொள்ளுங்கள்' என்று பொறுப்பாளர் கூறிவிட்டதால் நானும் இரண்டு ஆண்டுகளுக்கான சிலபஸை வகுத்து பாடங்களை நடத்தத் தொடங்கினேன். அப்போது போர் நிறுத்தம் அமலில் இருந்ததால், முதலாண்டு எந்தப் பிரச்னையுமில்லாமல் போனது. நான் தமிழ் சொல்லிக்கொடுத்த விதம் அனைவருக்கும் பிடித்துப் போனதால் ஊர்மக்களும் கூட சிறுசிறு குழுக்களாய்ப் பிரிந்து என்னிடம் பிழையின்றி தமிழ் எழுத கற்றுக் கொள்ளத் தொடங்கினார்கள். நான் ஈழம் போய்ச் சேர்ந்த மூன்றாவது மாதத்தில் ஒருநாள் தலைவரைப் (பிரபாகரனை) பார்க்கும் வாய்ப்புக் கிடைத்தது. ஆனால் அப்போது அவரிடம் விரிவாய் பேச முடியவில்லை.

நான் தலைவரைப் பார்த்து விட்டு வந்த சில நாட்களிலேயே கிளிநொச்சியிலுள்ள செஞ்சோலைப் பொறுப்பாளர் செல்வி என்னைச் சந்தித்து `நாளை முதல் ஒரு முக்கிய பிரமுகர் உங்களிடம் தமிழ் கற்க வருகிறார்!' என்று சொன்னார். மறுநாள் நான் செஞ்சோலைக்குப் போனேன். அங்கே பதினைந்து பேர் கொண்ட மகளிர் குழு ஒன்று எனக்காக காத்துக் கொண்டிருந்தது. அந்தப் பதினைந்து பேரில் பிரபாகரனின் மனைவி மதிவதனியும் ஒருவர். பெண்களோடு பெண்களாய் சாதாரணமாய் அமர்ந்திருந்த மதிவதனி, யாழ் பல்கலைக் கழகத்தில் படித்தவர்தான். ஆனால், தமிழைப் பிழையின்றி எழுத வேண்டுமென்பதற்காகவே என்னிடம் பாடம் படிக்க வந்திருந்தார். நான் பாடம் நடத்தும்போது மதிவதனி மிகக் கவனமாகப் பாடம் கேட்பார். இலக்கியத்திலிருந்து எதையாவது எழுதச் சொன்னால் வேகவேகமாய் எழுதி முதல் ஆளாய் என்னிடம் காட்ட வருவார். ஒரு சின்னக் குழந்தையின் ஆர்வம் அவரிடம் இருந்தது. மூன்று மாத காலம் அவர் என்னிடம் படித்தார்'' என்ற பேராசிரியர் அறிவரசு, சற்று நிறுத்திவிட்டுத் தொடர்ந்தார்.

``2007 ஜூலை மாதத்திற்குப் பின், ஈழத்தில் நிலைமை மாறத் தொடங்கியது. ராஜபக்ஷே அதிபரானதும் தன்னிச்சையாய் போர் நிறுத்தத்தை வாபஸ் பெற்றார். அதன்பின் இலங்கை விமானங்களின் குண்டுவீச்சுகள் தொடங்கின. பள்ளியில் நான் வகுப்பு நடத்திக் கொண்டிருக்கும்போது திடீரென, `அய்யா....வண்டு சுத்துது!' (ஆளில்லா வேவு விமானம்) என்று மாணவ, மாணவிகள் கத்துவார்கள். அந்த வேவு விமானம் வந்துபோன பத்து நிமிட நேரத்தில் போர் விமானங்கள் வந்து குண்டு வீசும். அவ்வளவுதான். அனைவரும் பதுங்கு குழிக்குள் ஓடி பதுங்கிக் கொள்ள வேண்டியதுதான். இதற்காகவே பள்ளிகளில் பதுங்கு குழிகள் வெட்டி வைத்திருக்கிறார்கள். சில நேரம் பள்ளிகளும் குண்டு வீச்சுக்கு இரையாகும். இதனால் தமிழர்கள் புலம்பெயர்வது போல் பள்ளிகளும் புலம் பெயரும் அவலம் அங்கே தொடங்கியது.

நான் பணியாற்றிய கல்லூரி வளாகத்தில் திடீரென ஓர் ஓரமாய் 1500 பேர் இருந்து படிப்பார்கள். கேட்டால் `பக்கத்து ஊர்ப் பள்ளியில் குண்டு போட்டு விட்டார்கள். அதனால்தான் பள்ளி இடம் பெயர்ந்துள்ளது' என்பார்கள். எனக்குக் கண்ணீர் வரும். என் தமிழ்ச்சாதிக்கு நிம்மதியான கல்வி கூட கிடைக்கவில்லையே என்று ஆத்திரம் ஆத்திரமாய் வரும். ஒருமுறை விமானக் குண்டுவீச்சில் மதிவதனியின் தோழியான செல்வி பலியானது எனது நெஞ்சைப் பதற வைத்த சம்பவம். நான் ஈழத்திலிருந்த போதுதான் தமிழ்ச்செல்வன் குண்டு வீசி கொல்லப்பட்டார்.

27.11.07-ம் தேதி மாவீரர் வாரம் தொடங்கியது. மக்கள் அனைவரும் சாரைசாரையாக மாவீரர் துயிலும் இல்லத்திற்குச் சென்று கொண்டிருந்தார்கள். பிரபாகரன் மாவீரர் நாள் உரையாற்றினார். அவர் வானொலி நிலையத்திலிருந்துதான் உரையாற்றுகிறார் என்று எண்ணிய சிங்கள விமானப்படை, வானொலி நிலையத்தின்மீது குண்டு வீசியது. அதில் நிலைய பொறுப்பாளர் இசைவெளி செம்பியன் பலியானார். வானொலி நிலையம் முற்றிலும் சேதமடைந்தது.

அங்கே போர் தீவிரம் அடைந்தநிலையில் புலிகள் என்னிடம், `அண்ணா இங்கு நிலைமை சரியில்லை. உங்கள் உயிர் முக்கியம். நீங்கள் தமிழகம் செல்லுங்கள். தமிழ் ஈழம் கிடைக்கும் போது மறுபடியும் உங்களை அழைக்கிறோம்' என்று சொல்லி என்னை அனுப்ப ஆயத்தமானார்கள். நான் மறுபடியும் தலைவரைப் பார்க்க வேண்டுமென்று சொன்னேன். `சரி' என்ற பொறுப்பாளர், கடந்த மார்ச் மாதம் முதல் வாரத்தில் திடீரென என்னை தலைவரிடம் அழைத்துச் சென்றார். பலத்த சோதனைக்குப் பின்னர் ஓர் அறையினுள் நான் அனுமதிக்கப்பட்டேன்.

என்ன ஆச்சரியம்? தலைவர் கூப்பிய கரங்களுடன் வாசல் வரை வந்து, எனக்கு வணக்கம் சொல்லி வரவேற்று உள்ளே அழைத்துச் சென்றார். ஏறத்தாழ ஒரு மணி நேரம், அவருடன் சிற்றுண்டி சாப்பிட்டுக் கொண்டே பேசும் பாக்கியம் எனக்குக் கிடைத்தது. `நீங்கள் ஈழம் வந்து எவ்வளவு நாளாகிறது?' என்று கேட்டார். `இரண்டு ஆண்டுகள்' என்றதும் அவரே ஆச்சரியப்பட்டுப் போனார். நான் தமிழ்ப்பேராசிரியர் என்பதால் போர் பற்றி எதுவும் பேசாமல் தமிழ் வளர்ச்சி பற்றி மட்டுமே பேசினார். சுதந்திர ஈழத்தில் தமிழ் வளர்க்கவும், காக்கவும் பல்வேறு திட்டங்களை வைத்திருப்பதாய்ச் சொன்னார். `தமிழ் ஈழம் எப்போது மலரும்?' என்று நான் கேட்டதற்கு, `அது உலகச் சூழலைப் பொறுத்தது!' என்று மட்டும் ஒரே வரியில் பதிலளித்தார்.

இந்தத் தலைவன் இருக்கும் காலத்திலேயே தனி ஈழம் மலர்ந்தால்தான் உண்டு என்கிற எண்ணமே அவரைச் சந்தித்து விட்டு வரும்போது எனக்கு ஏற்பட்டது. இப்போது கிளிநொச்சி வீழ்ந்ததைக் கேட்டு என் உள்ளம் துடித்துப் போனது. என்னிடம் படித்த மாணவியர் பலர் ஆசிரியைகளாய் நியமிக்கப்பட்ட செய்தியை எனக்குக் கடிதம் மூலம் அவர்கள் தெரியப்படுத்தியிருக்கிறார்��
�ள். (கடிதங்களைக் காட்டுகிறார்) இப்போது அவர்களெல்லாரும் உயிரோடு இருக்கிறார்களா என்றே தெரியவில்லை. மூன்று லட்சம் மக்களோடு முப்பதாயிரம் மாணவ, மாணவியரும் காட்டுக்குள் போய் விட்டார்கள். இதன் மூலம் ஒரு படிப்பறிவற்ற சமுதாயம் உருவாகும் அவலம் இருக்கிறது. அதுதான் சிங்கள ஆட்சியாளர்களின் எண்ணமாய் இருக்கலாம். மொத்தத்தில் தமிழினம் அழிகிறது. அதை தாய்த் தமிழன் வேடிக்கை பார்க்கிறான். சரித்திரம் நம்மை மன்னிக்காது'' என்றபோது, பேராசிரியர் அறிவரசுவின் கண்களில் கண்ணீர்.
பேராசிரியர் அறிவரசு கிளிநொச்சியில் இரண்டு ஆண்டு காலம் தங்கியிருந்த போது சம்பளம் எதுவும் வாங்கவில்லையாம். ``தங்குமிடம், சாப்பாடு, போக்குவரத்து என மற்ற வசதிகள் அனைத்தையும் அவர்கள் செய்து தந்திருந்தார்கள். மற்றபடி நானும் சம்பளம் கேட்கவில்லை. அவர்களும் சம்பளம் தரவில்லை'' என்ற அறிவரசு, ``எனது தமிழ்ச் சேவையைப் பாராட்டி `கேடில் விழுச்செல்வம் கல்வி' என்ற குறள் பதித்த நினைவுப்பரிசை பிரபாகரன் எனக்குக் கொடுத்தார். ஆனால் அதைக் கொண்டு சென்றால் கொழும்பு விமான நிலையத்தில் பிரச்னை வரும் என்ற புலிகள், `காலாகாலத்தில் அது கண்டிப்பாக உங்களை வந்து சேரும்' என்று கூறினர்'' என முடித்தார். அப்போது அவரது முகத்தில் பெருமை பூத்திருந்தது.

தமிழ் காக்கும் புலிகள்!

ஈழத்தில் 2006-ம் ஆண்டு மார்ச் மாதம் முதல் 2008-ம் ஆண்டு மார்ச் வரையிலான இரண்டு ஆண்டுகள் தங்கியிருந்த பேராசிரியர் அறிவரசு, அங்கே புலிகள் தமிழ் வளர்க்கும் விதம் பற்றி சில வித்தியாசமான தகவல்களையும் நம்முடன் பகிர்ந்து கொண்டார்.
``புலிகள் தயாரித்து வைத்திருக்கும் ஒரு கையேட்டில் சுமார் பத்தாயிரம் சுத்த தமிழ்ப் பெயர்கள் இருக்கும். அந்தக் கையேடு, எல்லா மகப்பேறு மருத்துவமனைகளிலும் வைக்கப்பட்டிருக்கும். குழந்தை பிறந்தவுடன் பெற்றோர்கள் அந்தக் கையேட்டில் தங்களுக்குப் பிடித்தமான பெயரைத் தேர்வு செய்து குழந்தைக்குச் சூட்டி பிறப்புச் சான்றிதழ் பெற்றுக் கொள்ளலாம்.

அந்த பிறப்புச் சான்றிதழை அப்படியே `தமிழீழ வைப்பகத்தில்' (வங்கியில்) கொண்டு போய்க் காட்டினால் அக்குழந்தையின் பெயரில் ஆயிரம் ரூபாய் வைப்பு (முதலீடு) செய்யப்படுகிறது. அந்தக் குழந்தை வளர்ந்து பதினெட்டு வயதானதும் வட்டியோடு அந்தத் தொகையைப் பெற்றுக் கொள்ளலாம். இதற்குத் `தமிழ் அமுதம் திட்டம்' என்று பெயர். தவிர, இளைஞன் ஒருவன் போராளிகள் இயக்கத்தில் சேரும்போது அவனது பெயர் மாற்றப்படுகிறது. உதாரணத்திற்கு ரவியை அன்புச்செல்வன் என்றும், ஆலானை தமிழன்பன் என்றும் மாற்றியிருக்கிறார்கள். போராளிக்கு சாதி, மதமிருக்கக் கூடாது என்பதற்காகவே இந்த ஏற்பாடு.
ஈழத்தில் வணிக நிறுவனங்களுக்கு தமிழ்ப் பெயர் இருந்தால் மட்டும்தான் அனுமதி கொடுக்கப்படுகிறது. தமிழ்நாட்டைப் போல அங்கே ஷுவல்லர்ஸ், சலூன் எல்லாம் கிடையாது. `நகையகம்', `அழககம்'தான். உலகில் அழிந்து வரும் மொழிகளில் தமிழும் ஒன்று என்று யுனெஸ்கோ ஆய்வு தெரிவிக்கிறது. யுனெஸ்கோவினர் ஈழத்தைப் போய்ப் பார்த்தால்அப்படிச் சொல்லியிருக்க மாட்டார்கள். தமிழ்நாட்டில் தமிழ் அழிந்தாலும் ஈழத்தில் தமிழ் வாழும் என்று ஒரே குரலில் சொல்கிறார்கள் ஈழத்தமிழர்கள்'' என்றார் அறிவரசு

நன்றி: ஓர்க்குட்

வலையுலக் நண்பர்கள் மற்றும் அவர்களது குடும்பத்தினர் அனைவருக்கும் என் இனிய மனமார்ந்த புத்தாண்டு நல்வாழ்த்துகள்!!!

2008-12-31T19:28:00.002+05:30

வலையுலக் நண்பர்கள் மற்றும் அவர்களது குடும்பத்தினர் அனைவருக்கும் என் இனிய மனமார்ந்த புத்தாண்டு நல்வாழ்த்துகள்!!!

2008 வருடம் அதிகப்படியான மகிழ்ச்சியுடனும்,நல்ல பொருள் வளத்துடனும் இருந்தது.எதிர்வரும் வருடமும் இதேப்போல் இன்பம் பொங்கி வழியும் என்றும் நம்பிக்கையுடன்
இருக்கிறேன்.

நம் வலையுலக நண்பர்கள் அனைவரும் 2009 வருடத்தில் எல்லா வளங்களையும் பெற்று மென்மேலும் மகிழ்ச்சியுடன் வாழ வாழ்த்துகிறேன்.

36-மைல் தொலைவில் உள்ள தமிழீழத்தில் 2009 வருடத்தில் தமிழ்மக்கள் சுதந்திர காற்றினை சுவாசிப்பார்கள் என்ற நம்பிக்கையுடன் 2009 வருடத்தை ஆவலோடு எதிர்பார்க்கிறின்றேன்

அன்புடன்
அரவிந்தன்
பெங்களூர்

இன்றாவது விரும்பிய தொலைக்காட்சி நிகழ்ச்சியினை பார்க்க அனுமதிப்பீர்களா.??

2008-11-29T16:32:00.004+05:30

புதன் இரவு 12.30 மணியிலிருந்து தொடர்ந்து சனிக்கிழமை காலை 11.30 வரை எறத்தாழ 44 மணி நேரம் தொடர்ந்து தொலைகாட்சியில் மூழ்கிவிட்டேன்.

மகள் பார்க்க ஆசைப்பட்ட தொலைக்காட்சி நிகழ்ச்சியினைகூட பார்க்க அனுமதிக்காகமல் செய்தி தொலைகாட்சிகளை பார்த்து கொண்டிருந்தேன். இன்றாவது விரும்பிய தொலைக்காட்சி நிகழ்ச்சியினை பார்க்க அனுமதிப்பீர்களா என்று மகள் கேட்ட போது மும்பையில் எல்லாமே முடிந்துவிட்டிருந்து. :(-

இப்படி தொடர்ந்து தொலைக்காட்சியை பார்த்ததால் என் மகள் தெரிந்து கொண்ட (தேவையே இல்லாத) விஷயங்கள்

ஏ.கே 47,வெடிக்குண்டு,5 நட்சத்திர விடுதி அமைப்புகள்,அறை வாடகை,பாகிஸ்தான் தீவிரவாதம்,முஸ்லீம் தீவிரவாதம்,நெரிசல் மிகுந்த மும்பை வாழ்க்கை,கருப்பு பூனைப்படை,காமாண்டோ படை

என்னுடை செயலால் தேவையில்லாத விஷயங்களை என் மகள் மீது திணித்து விட்டேனோ என்று மனசாட்சி உறுத்துகிறது

மரத்துப்போன மனசு..என்ன செய்வதென்று தெரியாமல் அலுவலகம் நோக்கி காலார நடந்து வந்துவிட்டேன் :(-

இந்தியாவிலுள்ள ஏதிலிகள் முகாம் ஒரு பார்வை

2008-11-03T22:54:00.002+05:30

இந்தியாவில் திபெத்திய ஏதிலிகள் மற்றும் ஈழத்தமிழ் ஏதிலிகள் பலர் வாழ்ந்துவருகிறார்கள். அவர்களுக்கு இந்திய அரசு செய்யும் உதவி(?)களை இங்கு பட்டியலிட்டுள்ளோம்.

கர்நாடகாவிலுள்ள திபெத்திய ஏதிலிகள் முகாம்:

திபெத்திய ஏதிலிகள்

ஏதிலிகள் எண்ணிக்கை
ஒரு முகாம் (22 பகுதிகளாக பிரிக்கப்பட்டுள்ளது.
5,232 ஏதிலிகள் உள்ளனர்.

வாழ்விடம்

தாங்கள் விரும்பியது போல் வீடுகளைக் கட்டிக் கொள்ளுவதற்கு அனுமதி (அனைத்தும் மாடி வீடுகள் மற்றும் அவர்களின் கலாச்சாரப்படி கட்டப்பட்ட ஓட்டு வீடுகள்).

சுகாதார வசதி

தனியாக ஒவ்வொரு பகுதிக்கும் திபெத்தியர்களுக்கு தரமான, நவீன வசதிகளுடன் தனி மருத்துவமனை (5 மருத்துவர்கள், 15 செவியர்களுடன் இயக்கப்படுகிறது)
அவர்கள் தாங்களே வடிவமைத்துக் கொண்ட கழிப்பறை, குளியலறை

கலாச்சாரம்

ஆனால் திபெத்திய ஏதிலிகளுக்கோ தங்கள் புத்தமத கலாச்சாரத்தின்படி தங்கள் வாழ்க்கை முறையை அமைத்துக் கொள்ளவும், உடைகள் அணியவும், வீடுகளைக் கட்டிக் கொள்ளவும், தங்கள் மொழியை பாதுகாத்துக் கொள்ளவும், அவர்களுக்கு முழு சுதந்திரம் இருக்கின்றது. (நாங்கள் அங்கு சென்று பார்த்த போது அது குட்டி திபெத் போல் தெரிந்தது)

மத சுதந்திரம்

தனியாக நவீனமுறையில் வடிவமைக்கப்பட்ட புத்த கோயில் மற்றும் தலாய்லாமா கோயில்கள் (சுமார் பரப்பளவு 1 ஏக்கர் நிலத்தில்)
தனியாக சுமார் ஐம்பது மாணவர் படிக்கக்கூடிய மதப்பள்ளி ஒன்றும்,
அதே போல் மதக் கல்லூரி ஒன்றும்,
தனித்தனியான மாணவர் விடுதிகள் உள்பட

கல்வி

சகல வசதிகளுடன் CBSC பாடத் திட்டத்தில் - தில்லி அரசாங்கத்தின் அனுமதி பெற்ற. திபெத்திய ஏதிலிக் குழந்தைகளுக்கு மட்டுமான பள்ளி கட்டிக் கொடுக்கப்பட்டுள்ளது. இது பத்தாம் வகுப்பு வரை மட்டும்.
பின் 11, 12 படிக்க அரசே உதவி செய்து சிம்லா அனுப்பி வைக்கிறது. (அனைத்து செலவுகளையும் ஏற்று)
மருத்துவம் மற்றும் பொறியியல் படிப்புகள் படிக்க முறையே 3, 5 இடங்கள் ஒதுக்கப்படுகிறது. (அரசு செலவுடன்)
திபெத்தியர்கள் தங்கள் உயர்கல்வியை தொடர கர்நாடகத்தில் எங்கு வேண்டுமானாலும் படிக்கலாம் அகதிகள் என்ற முத்திரையுடன்.

விவசாய நிலம்

மொத்தமாக இருக்கக்கூடிய மக்கள் தொகையில் 5232 பேர்களுக்கு பண்படுத்தப்பட்ட, நீர் வசதியுடன் விவசாயம் செய்யத்தக்க 3,500 ஏக்கர் நிலம் ஒதுக்கப்பட்டுள்ளது.

தகவல் தொடர்பு

தனியாக இணையவசதி இலவசமாக வழங்கப் படுகிறது.
22 பகுதிகளுக்கும் தனித்தனியாக செல்போன் டவர்கள் உள்ள தொலைபேசி வசதிகள்.

வங்கி

மொத்தம் நான்கு வகையான வங்கிகள்
சிண்டிகேட் வங்கி
ஸ்டேட் பேங்க் ஆப் மைசூர்
கூட்டுறவு வங்கி
வெளிநாட்டு பணம் பெற்றுக் கொள்ள Western Union Money Transfer

தொழில் மற்றும் வேலைவாய்ப்புகள்

சுயமாக பால்பண்ணை வைக்க, பொருட்கள் உற்பத்தி பண்ணை, கடை வைத்துக் கொள்ள அரசே வட்டி மற்றும் நிபந்தனை இல்லாமல் கடன் வழங்குகிறது.
அவர்கள் உற்பத்தி செய்த பொருட்களை வெளியில் சென்று விற்கவும், கடையில் சென்று விற்கவும் அனுமதிக்கப்படுகிறது.
இளைஞர்களுக்கு வேலை வாய்ப்பை ஏற்படுத்தும் முகமாக (பணிமனை) ஒன்று ஏற்படுத்தப்பட்டுள்ளது.

பண உதவி மற்றும் பொருளுதவி

குடும்பத்திற்கு மாதம் 5000 ரூபாய்க்கும் மேல் வழங்கப்படுகிறது.

ஆய்வு

திபெத்திய ஏதிலிகளுக்கு தனி அலுவலகம் அமைக்கப்பட்டு அதற்காக அமைக்கப்பட்ட அதிகாரி மாதமொருமுறை மைய அரசுக்கு அறிக்கை அனுப்புகிறார். மற்றபடி முழு சுதந்திரமாக உள்ளனர்.

திபெத்திய ஏதிலிகளுக்கு உள்ள மற்ற சிறப்பியல்புகள்

இளைஞர்களுக்கு தனியாக அமைக்கப்பட்ட Youth Congress
மக்கள் ஒன்றாக கூடுவதற்கு Multipurpose Hall.
அவர்கள் நாட்டில் இருந்து வருபவர்களை தங்கவைக்க அரசு ஓய்வு விடுதி
அவர்கள் விரும்பும் இடத்தில் மதவழிபாட்டுத் தலங்கள்.
வெளியில் சென்று தொழில் தொடங்க வசதி.
கர்நாடக மக்களுடன் இயல்பாக கலந்து கொள்ள அனுமதி. (ஆனால் ஈழ அகதிகள் அனுமதிக்கப்படுவதில்லை) ஆகியவை ஏற்படுத்தித் தரப்பட்டுள்ளது.

ஈழத்தமிழ் ஏதிலிகள்
ஈழத்தமிழ் ஏதிலிகள்

ஏதிலிகள் எண்ணிக்கை
மொத்தம் 103 முகாம்கள் உள்ளன.
ஏழத்தாழ 75,000க்கும் மேல உள்ளனர்.
(தினந்தோறும் தங்கள் உடைமைகளை இழந்து உயிரை மட்டும் கொண்டு நூற்றுக்கணக்கான பேர் வந்து கொண்டு இருக்கின்றனர்).

வாழ்விடம்

அரசாங்கங்கள் கட்டிக் கொடுக்கும் குடிசைகள் மற்றும் ஈழ அகதிகள் தாங்களாக கட்டிக் கொள்ளும் குடிசைகள்.
90% வீடுகளில் மின்சாரமே இல்லை.
பெரும்பாலும் மேற்கூரை சரியாக இல்லாத வீடுகள் அதிகமாக உள்ளன.

சுகாதார வசதி

அருகில் உள்ள பொது மருத்துவமனைகளில் உடல் நலம் பாதிக்கப்படும் பொழுது, முகாம் பாதுகாவலர் அனுமதி பெற்று பார்த்துக் கொள்ளலாம்.
பாதி முகாம்களில் கழிப்பிட வசதி இல்லை. ஒரு சில முகாம்களில் இடிந்து போய் பராமரிப்பு அற்று நாய்களும், பன்றிகளும் (மனிதன் போக தகுதியற்ற) மலம் கழிக்கக்கூடிய கழிப்பறை, எதற்கும் மேற்கூரை கிடையாது. திறந்த வெளி கழிப்பிடம்.
பெண்கள் குளிப்பதற்கு நான்கு பக்கமும் ஓலைகளால் வேயப்பட்ட குளியலறை.

கலாச்சாரம்

அனைத்து உரிமைகளும் ஈழத்தமிழர்களுக்கு மறுக்கப்படுகிறது. பொதுவாக ஈழத்தில் உள்ள பெண்கள் குட்டைப் பாவாடை அணிவது வழக்கம். அதனை இங்குள்ள காவல் துறையினர் மற்றும் ஊழியர்கள் நீங்கள் ஆபாசத்தை தூண்டுகின்றீர்கள் என்ற பாலியல் ரீதியாக தொந்தரவு செய்கின்றனர்.

மத சுதந்திரம்

மனித உரிமையே இல்லாத இடத்தில் மத சுதந்திரம் எதிர்பார்த்தது எங்கள் அறியாமையே.

கல்வி

அந்தந்த பகுதிகளில் உள்ள அரசுப் பள்ளிகளில் ஈழக் குழந்தைகள் 1 முதல் +2 வகுப்பு வரை சேர்த்துக் கொள்ளப்படுகிறார்கள். (ஆனால் மண்டபம் பள்ளியில் நேரடியாக +1 மற்றும் +2 வகுப்புகளில் மாணவர்கள் சேர்த்துக் கொள்ளப்படுவது இல்லை. அதற்கு பள்ளி நிர்வாகம் சொல்லும் காரணம் என்னவெனில் +2 வகுப்பு தேர்வு முடிவுகள் பாதிக்கப்படும் என அச்சம் கொள்வதாக சொல்கிறது. மண்டபம் பள்ளியின் தற்போதைய நிலை என்னவெனில் மொத்தம் இராமநாதபுரம் மாவட்டத்தில் உள்ள 129 மேல்நிலைப் பள்ளிகளில் தர நிலையில் 128வது இடத்தில் உள்ளது.

ஒருசில ஈழ முகாம்களில் 1 முதல் 5 வரையான வகுப்புகள் உள்ள பள்ளிகள் உள்ளன. அங்கு ஆசிரியர்களாக ஏதிலிகளால் நியமிக்கப்பட்ட ஏதிலிகள் முகாம்களில் உள்ள படித்த அதிகபட்சமாக இரண்டு ஆசிரியர்கள் உள்ளனர்.
பள்ளிக் கட்டிடம் பெரும்பாலும் பாழடைந்து ஓட்டை உடைசலாகத் தான் உள்ளது.
உயர்கல்வியில் 2003 வரை இருந்த இட ஒதுக்கீடு நீக்கப்பட்டதால். உயர்கல்வி முழுமையாக மறுக்கப்பட்டுள்ளது (வசதி உள்ளவர்கள் தனியார் கல்லூரிகளில் படிக்க அனுமதியுண்டாம். நம் நாட்டின் தனியார் கல்லூரிகளின் கல்விக் கட்டணம் எவ்வளவு என்று நமக்கே தெரியும்)

விவசாய நிலம்

குடியிருக்க இடம் கொடுக்காத நாட்டில் விவசாய நிலம் கேட்பது நம் முட்டாள்தனம் தான்.

தகவல் தொடர்பு

நாட்டுப் பிரச்சனைகள் பேசினால் தீவிரவாதி என்று முத்திரை குத்தி சிறப்பு முகாம்களுக்கு அனுப்பப்படும் சூழ்நிலையில் மற்ற முகாம்களில் இருக்கும் உறவினர்களுடன் தொடர்பு கொள்ள STD Booth-களையும், 1 ரூபாய் நாணயப் பெட்டியையும் பயன்படுத்துகின்றனர். அனால் இதற்கு முகாம் காப்பாளரின் அனுமதி வேண்டும்.

தொழில் மற்றும் வேலை வாய்ப்புகள்

மண்டபம் முகாமில் மூன்று நாள் மட்டும் வெளியே சென்று கூலி வேலை பார்க்க அனுமதி.
மற்ற முகாம்களில் அருகிலுள்ள ஊர்களில் சென்று வண்ணமடித்தல், கல்லுடைத்தல், விவசாயத்தில் கூலி வேலை செய்ய அனுமதிக்கப்படுகின்றனர்.
கடுமையான நிபந்தனையுடன்.
பண உதவி மற்றும் பொருளுதவி

குடும்பத் தலைவருக்கு ரூ. 72, பெண்ணுக்கு ரூ.50 மற்ற உறுப்பினருக்கு ரூ.45 சிறு குழந்தைகளுக்கு ரூ.12.50. 15 நாளுக்கு ஒருமுறை வழக்கப்படுகின்றது.

ஆய்வு

மண்டபம் முகாம்களில் அறிவிக்கப்படாத தினம்தோறும் ஆய்வும் மற்ற முகாம்களில் மூன்று நாட்களுக்கு ஒருமுறை ஆய்வு நடைபெறுகிறது.
ஆய்வின் போது தங்கள் சொந்த மண்ணைப் பற்றி (ஈழம்) பேசினால் தீவிரவாதி என்ற முத்திரை குத்தப்பட்டு செங்கல்பட்டு சிறப்பு முகாமுக்கு அனுப்பி வைக்கப்படுகின்றனர்.தன் நாட்டை விட்டு இங்கு வரும் ஏதிலிகளிடம் மூன்று நாட்கள் மண்டபம் முகாமில் உள்ள தனி சிறையில் அடைக்கப்பட்டு அவர்கள் ஆயுதப் பயிற்சி பெற்றுக் கொள்கிறார்களா என்ற சந்தேகத்துடன் அவ்வாறு சோதனை செய்யும் போது சற்று வாட்டசாட்டமான இளைஞர்கள் கோபப்பட்டால் அவர்களை உடனேயே செங்கல்பட்டு சிறப்பு முகாமிற்கு அனுப்பி வைக்கின்றனர்.செங்கல்பட்டு சிறப்பு முகாம் என்பது அறிவிக்கப்படாத ஒரு சிறை சித்திரவதைக்கூடம். இந்திய அரசு ஒரு கண்ணில் வெண்ணெயும், ஒரு கண்ணில் சுண்ணாம்பையும் வைத்து பார்ப்பதை விட்டுவிட்டு திபெத்திய ஏதிலிகளைப் போல் தமிழர்களை பார்க்கவில்லையென்றாலும், குறைந்தபட்சம் ஏதிலிகளாக வரும் தமிழர்களை மனிதர்களாகவாவது பாவித்து, வாழ்வுரிமையை பாதிக்காத அளவு வாழ்வதற்கான உத்தரவாததினை அளிக்க வேண்டும்.
மேற்கண்டவைகள் அனைத்தும் நாம் தமிழகத்தில் காணலாம்.

இதில் திபெத்தியர்களை விட ஈழத்தமிழர்கள்தான் அந்தியசெலவாணி வரவினை அரசுக்கு ஈட்டிக்கொடுக்கின்றனர். திருட்டு VCD காரணமாக திரைப்படத்தொழில் மூழ்கும் அபாயம் இருந்த பொழுது அதை தூக்கி நிறுத்தியவர்கள் ஈழத்தமிழர்கள்தான். இந்தியாவைத்தவிர்த்து மற்ற நாடுகளுக்கு ஏதிலியாக சென்ற ஈழத்தமிழர்களை மற்ற நாடுகள் தன் நாட்டு குடிமகன் போல் மதித்து தனது அரசு பொறுப்புகளிலும் அமர்த்தியுள்ளார்கள். ஆனால் இந்திய அரசு ஈழத்தமிழர்களை மனிதர்களாகக்கூட நினைக்கமறுக்கிறார்கள்.

சிங்களவர்களின் பூர்வீகம் இந்தியா என்பதாலா? ஒரிசா மற்றும் வங்காள தேசத்தை தாயகமாக கொண்டவர்கள்தான் சிங்களவர்கள் என்பதால்தானா இந்திய அரசு தமிழர்களை மனிதர்களாக பார்க்க மறுப்பது. இலங்கை என்பது தமிழர்களின் தாயகம்சிங்களவர்கள் இந்தியாவைச்சேர்ந்த வந்தேறிகள் என்பதால்தானா?

உண்மை வெல்லும் ஒரு நாள் தமிழினம் தலைநிமிர்ந்து நிற்கும் விரைவில்.

நன்றி:-தமிழ்விண் இணையம்
http://www.tamilwin.com/view.php?20IWnp20e1j0A2ebiG7X3bdF9EY4dc82h2cc41pO2d43oQH3b02PLI3e

இதற்குத்தானா ஆசைப்பட்டாய் கருணா!!!

2008-10-08T19:56:00.004+05:30

அன்பின் கருணா,

என்ன சாதித்தாய்... ஒரு மாபெரும் விடுதலை போராட்டத்தை காட்டி கொடுத்து என்ன சாதித்தாய்..

தமிழிழ புதிய விடுதலை புலிகள் என்று ஒரு அமைப்பினை தொடங்கினாய..இலங்கை இராணுவத்துடன் சேர்ந்துகொண்டு விடுதலை புலிகளை எதிர்த்து போராடினாய்..உன்னால் கிழக்கு பகுதியில் சிங்கள குடியேற்றம் பெருமளவில் நடந்தது.

லண்டனுக்கு போலி கடவுச்சீட்டில் பயணம் செய்தாய்...ஆறு மாதம் லண்டன் சிறை வாசம்..

நீ செய்த எட்டப்பன் வேலை உனக்கு கிடைத்தது என்ன ஒரு எம்.பி பதவி...கேவலம் இந்த பதவிக்காக ஒரு மாபெரும் விடுதலை போராட்டத்தை பின்ண்டைய செய்ய உனக்கு எப்படி மனசு வந்தது..உன்னையே நம்பி வந்த இளைஞர்கள் இன்று அரபு நாடுகளில் கூலி வேலை செய்ய நீ மட்டும் கொழம்பு நகரில் ஆடம்பரமாக வாழ்கிறாய்..

எத்துனையோ எட்டப்பன்களை தமிழீழ விடுதலை போராட்டம் பார்த்துவிட்டது.

அதில் நீயும் ஒன்று....

”அந்த ஐந்து நிமிடங்கள்” குறும்படம்!

2008-08-25T14:07:00.003+05:30

சமீபத்தில் 1993 வருடம் எடுக்கப்பட்ட குறும்படம்.

சில முறை சென்னை தூர்தர்ஷன் தொலைக்காட்சியில் ஒளிபரப்பாகியது.

”ஸ்நேகா” என்ற தொண்டு அமைப்பின் பாராட்டைப்பெற்ற குறும்படம்.

சில வருடங்களுக்கும் முன் தனியார் தமிழ் தொலைக்காட்சியில் ஓளிபரப்ப முயற்சி செய்தேன்.வாய்ப்பு கிடைக்கவில்லை.

படம் பார்த்து உங்கள் கருத்தினை சொல்லவும்.

அன்புடன்
அரவிந்தன்

பெங்களூர் சில துக்கடாக்கள்!!!

2008-07-30T00:02:00.002+05:30

பெங்களூரில் தமிழ் பட சிடிக்கள் கொள்ளை மலிவு விலையில் கிடைக்கின்றன.

பெங்களூரில் பூங்காக்களில் காதலர்கள் சுதந்திரமாக காதலிக்கமுடிகின்றது

நியாயமான கட்டணத்தில் பெங்களூரில் ஆட்டோவில் பயணிக்கமுடிகிறது.

சென்னைப்போல் அல்லாமல் ரூ100க்கு கட்டணசேனல் மற்றும் அனைத்து இலவச சேனல்களும் பார்க்கமுடிகீன்றது.
பெங்களூரில் இன்னும் கீத்து கொட்டாய் திரையரங்கு செயல்படுகிறது.

பெங்களூரில் 5500 மாத வாடகையில் தனி வீடு கிடைக்கிறது

பெங்களூரில் இன்னும் 18ரூபாய்க்கு நல்ல அளவு சாப்பாடு கிடைக்கிறது

ஆகமதாமாத் நகரில் தொடர் குண்டு வெடிப்பு

2008-07-26T20:27:00.002+05:30

ஆகமதாபாத் நகரில் தொடர் குண்டு வெடிப்பு..

13 இடங்களில் குண்டு வெடிப்பு..நால்வர் மரணம்..
ஆகமதாபாத் நகரில் தமிழ்ர்கள் பெரு வாரியாக வசிக்கும் "மணி நகர்" பகுதியில் இரண்டு இடத்தில் குண்டு வெடித்தது,

மிதிவண்டியிலும், டிப்பின் பெட்டியிலும் வெடிகுண்டுகள் வைத்து வெடிக்கச்செய்துள்ளனர்

அரவிந்தன்

நம்பிக்கை வாக்கெடுப்பில் ஐக்கிய முற்போக்கு கூட்டணி வெற்றி!!!

2008-07-22T19:28:00.003+05:30

நம்பிக்கை வாக்கெடுப்பில் ஐக்கிய முற்போக்கு கூட்டணி வெற்றி!!!

ஆதரவு--275

எதிர்ப்பு-256

அன்புடன்
அரவிந்தன்

யாரிடம் சொல்லி அழ

2008-06-23T20:22:00.000+05:30

அன்பு நண்பர்களே,

எனது மனைவி கடுமையான மஞ்சள் காமாலையால் பாதிக்கப்பட்டு உடல் நலக்குறைவு காரணமாக சென்ற வாரம் மருத்துவமனையில் அனுமதிக்கப்பட்டிருந்தார்.

இந்த பதினோரு வருட திருமண வாழ்க்கையில் முதன்முறையாக மருத்துவமனை வாசம்.

தற்பொழுது மருத்துவமனை சிகிச்சை முடிந்து ,வீட்டிலிருந்தே சிகிச்சை எடுத்துக்கொள்கிறார்.

மஞ்சள் காமாலையின் வீரியம் சிறிதே குறைந்துள்ளது.கடுமையான பத்திய சாப்பாடும்,நல்ல ஒய்வும்தான் விரைவில் நோயின் கடுமை குறைய எதுவாகவுள்ளது.

மஞ்சள் காமாலையின் தாக்கத்தால் எடை குறைந்து மிகவும் உடல் மெலிந்து காணப்படுகிறார்.

பல வருடங்களுக்கு பிறகு வீட்டில் வெறுமை..தனிமை மிகவும் வாட்டி வதைக்கிறது.(மனைவி தற்சமயம் அவங்க அம்மா வீட்டில் ஒய்வு எடுக்கிறார்).

வீட்டின் ஒவ்வொரு இடத்திலும் நீக்கமற நிறைந்திருந்த அவளை ,தற்சமயம் பார்க்க முடியாமல் நான் படும் வேதனையை யாரிடம் சொல்லி அழ

நாற்பது வயதினை நெருங்கும் ஒரு ஆண் மகன் தன்னுடைய இந்த வேதனைய யாரிடம் பகிர்ந்துகொள்ள முடியும்.?

அரவிந்தன்

வழக்கொழிந்துபோன தமிழ் பதிவுலக வார்த்தைகள் சில!!!

2008-05-30T19:13:00.004+05:30

1.கும்மி/கும்மியடித்தல்
2.மொக்கை பதிவு
3.போலி
4.மூத்த பதிவர்
5.திராவிட திம்மி
6.பாக்டீரியா குஞ்சு
7.மூர்த்தி
8.கொண்டை

வேறு ஏதாவது விடுப்பட்டிருந்தால் பின்னூட்டத்தில் தெரிவியுங்கள்

அன்புடன்
அரவிந்தன்

அய்யா கலைஞர் அவர்களுக்கு ஒரு கேள்வி..???

2008-04-06T17:42:00.005+05:30

அய்யா கலைஞர் அவர்களே!!!

இந்த ஒகனேக்கல் குடிநீர் திட்டத்திற்க்கு சென்ற மாதம் நீங்கள் அடிக்கல் நாட்டும் போது கர்நாடகாவில் என்ன ஜனநாயக ஆட்சியா நடந்து கொண்டிருந்து.

இப்போது மட்டும் என்ன மாற்றம் .மக்களால் தேர்தெடுக்கப்பட்ட ஆட்சி வரட்டும் பேசி தீர்த்து கொள்ளலாம் என்று திடீர் பல்டி..?

எதன் அடிப்படையில் "நீங்கள் பேச்சு வார்த்தை" நடத்த போறிங்க சொல்லுங்க

முதன் முறையாக தமிழக மக்கள் ஒருமித்த முறையில் கன்னட வெறியர்களுக்கு எதிரிப்பு தெரிவித்தனர்.

இடையில் எட்டப்பராக நீங்கள் திட்டத்தை கிடப்பில் போட வேண்டிய அவசியமென்ன.?

அன்று காவேரி பிரச்சினையில் தமிழகத்தில் எதிர்ப்பு கூர்மைப்பட்டு வரும்வேளையில் ரஜினி தனித்து உண்ணாவிரதமிருந்து போராட்டத்தின் கூர்மையை மழங்கடித்தார்.

இன்று நீங்களும் அதைத்தான் செய்திருக்கிறீர்கள்.

அந்த ரஜினி கூட இந்த விஷயத்தில் தமிழகத்தின் பக்கமுள்ள நியாயத்தை உணர்ந்து கொண்டார்.

ஆனால் ஆறுகோடி மக்களின் பிரதிநிதியான நீங்கள் "பேசிப்ப்பார்க்கலாம்" என்று சொல்லி ஜகா வாங்கிவிட்டீர்கள்.

இப்பிரச்சினையின் ஆரம்பித்தில் வாய்மூடி மெளனம் காத்த செயலலிதா கூட தங்களை தாக்கி பேச வாய்பளித்துள்ளீர்கள்.

என்ன சப்பைகட்டு கட்டப்போகிறீர்கள்.? கர்நாடகத்தமிழர்களின் பாதுகாப்பு கருதி கிடப்பில் போட்டேன் என்று நீலிகண்ணீர் வடிக்காதீர்கள்

எங்கள் நலன் என்ற பெயரில் உங்கள் மக்களை தவிக்க வைக்காதீர்கள்.

வேண்டாம் எங்களை நாங்களே பார்த்துகொள்கிறோம்.எங்களின் தவித்த வாய்க்கு இந்த கர்னாடக அரசு தராளமாகவே தண்ணீர் தருகிறது.

அரவிந்தன்
கர்னாடக தமிழன்

பிரபல நடிகர் சோபன் பாபு மரணம்!!!

2008-03-21T16:09:00.003+05:30

பிரபல தெலுங்க நடிகர் சோபன் பாபு நேற்று காலை சென்னையில் மாராடைப்பால் மரணமடைந்தார்.

இவருக்கு வயது 73. எராளமான தெலுங்கு மற்றும் தமிழ் படங்களில் கதாநாயகனாக நடித்துள்ளார்.

கடந்த பல ஆண்டுகளாக நடிப்புத்துறையிலிருந்து ஓய்வு பெற்று சென்னையில் வசித்து வந்தார்.

அன்னாரது உடல் தகனம் இன்று சென்னையில் நடக்கிறது.

அன்னாரின் குடும்பத்தினருக்கு எனது கண்ணீர் அஞ்சலி

இவர் பிரபல தமிழக அரசியல் புள்ளியுடன் ஒருகாலத்தில் இணைத்து பேசப்பட்டவர்.

விவாகரத்து பெற்ற பின்னரும் நடிகர் இரகுவரன் மரணத்திற்க்கு முன்னாள் மனனவி ரோகினி வந்திருந்தார்.

அதுப்போல் சோபன் பாபுவின் மரணத்திற்கும் அந்த அரசியல் புள்ளி வருவாரா

அரவிந்தன்

எழுத்தாளர் ஸ்டெல்லா பூருஸ் அவர்களுக்கு எனது கண்ணீர் அஞ்சலி

2008-03-01T19:29:00.005+05:30

பிரபல தமிழ் எழுத்தாளர் ஸ்டெல்லா பூருஸ் அவர்கள் இன்று சென்னையில் அவரது வீட்டில் தற்கொலை செய்து கொண்டார்.

சில மாதங்களுக்கு முன் இறந்துபோன மனைவியின் பிரிவு தாங்க முடியாமல் அவர் தற்கொலை செய்து கொண்டதாக தெரிகிறது.

அவர் எழுதிய " அது ஒரு நிலா காலம்" என்ற தொடரின் மூலம் அவர் எழுத்து எனக்கு அறிமுகமாகியது.

நான் வெகுவாக விரும்பி படித்த தொடரது.

எனது கண்ணீர் அஞ்சலி

அரவிந்தன்

எழுத்தாளர் சுஜாதா அவர்களுக்கு எனது கண்ணீர் அஞ்சலி!!!

2008-02-28T00:04:00.000+05:30

பல முறை உங்களை கடுஞ்சொல்லால் வசை பாடியிருக்கிறேன் அம்பலம் விவாதகளங்களில்.

ஒரு முறையேனும் சினம் கொள்ளாது பதில் அளித்த உங்கள் பெருந்தன்மை யாருக்கும் வரும்.

உங்களை கடுமையாக குற்றம்சாட்டி எழுதி வந்த எங்கள் கண்களிலும் கண்ணீர் துளிகள்.

உங்கள் எழுத்துகள் எங்களை விட்டு என்றும் பிரியாது.

ஆழ்ந்த கண்ணீர் அஞ்சலி!!!

சகரத்தை மீட்போம்

2007-11-26T13:01:00.000+05:30

காவிரிக்குத் தெற்கேயுள்ளவர்கள் பொதுவாக சகரத்தை "ச" (cha) என்று சரியாகவே ஒலிப்பர்.

காவிரிக்கு வடக்கே அச் சகரம் ஸகரம்மகிச் சோறு (choru) என்பது ஸோறு என்றும், செல்வம்(Chelvam) என்பது ஸெல்வம்(selvam) ஏன்றும் திரிந்து ஒலிக்கும். சகரம் அவ்வாறு ஸகரமாவது தமிழ் எதிர்ப்பை தானறிந்த தன்வினையாகக்கொண்ட பார்பபானருக்கு எடுத்த கையாகியது.. அந்த ஸகரத்தை அவர்கள் வேண்டுமென்றே ஷகரமாக (sha)ஒலிக்கத் தலைப்பட்டுள்ளனர்.

நேற்று வரை அவாள் இவாள் எனப் பேசுவதன் வாயிலாகப் தாங்கள் இன்னாரெனக் காட்டிக்கொண்டனர். அந்த அவாள்,இவாள் சாதிநடை இன்று நகைப்பிற்குரியதாகப் போய்விட்டமையால்,இன்று சகரத்தை ஷகரமாக ஒலிப்பதன் வாயிலாக அவர்கள் தங்களின் சாதி அடையாளத்தைக் காட்டிக்கொள்கின்றனர்.

க-------ங
ச-------ஞ
ட-------ண
த--------ந
ப--------ம

ஆகிய தமிழ் உயிர்ர்மெய்யெழுத்துக்களீல்,க,ச,ட,த,ப முதலான வல்லின் உயிர்மெய் எழுத்துக்களை விரிவாக்கியதாலேயே வட மொழிகளில் ka,kha,ga,gha போன்ற வருக்க ஒலியன்கள் தோன்றின. அவற்றில் "ச" வரிசையில் சகரமே (cha)முதல் எழுத்தாகும்.இதுவே தமிழில் ஸகரம் முதல் எழுத்தாக வரமுடியாது என்பதைக் காட்டும்.தமிழில்,அச்சகரமே ஒரு சொல்லுக்கு இடையில் ஸகரமாக ஒலிக்குமேயின்றி,ஸகரம் முதல் எழுத்தாக வரவே வராது. சகரம் (cha) மட்டுமே முதல் எழுத்தாக வரும்.அதனாலேயே ஸகரம் முதலான வடவொலி எழுத்துக்கள் வடிக்கப்பட்டன.

சரியாக ஒலிப்பதன் வாயிலாகச் சகரத்தை மீட்பது தமிழைக் கண்ணெனப் பேணும் தமிழ்காப்பு வினையேயின்றி வேறில்லை.

கருத்து உதவி:பெங்களூர் அறிஞர் குணா அவர்கள்

அன்புடன்
அரவிந்தன்

சைக்கிள்-ல் டீ விற்க்கும் பெங்களூர் தமிழர்-ஆர்குட்-ல் ஹீரோ

2007-11-17T01:04:00.000+05:30

பெங்களூர் மையப்பகுதியில் இருக்கும் எம்.ஜி சாலை,பிரிகேடு சாலை சந்திப்பில் இவரை இரவு நேரங்களில் பார்க்கலாம். தனது சைக்கிளில் நடமாடும் டீக்கடையை வெற்றிகரமாக 10 வருடங்களாக நடத்தி வருகிறார்.

ஆர்குட்-ல இவருக்காக மூன்று குழுமங்கள் செயல்படுகின்றன.அதில் முக்கியமானது முனிசாமி எம்.ஜி ரோடு என்ற பெயரில் செயல்படும் குழுமம்

இதில் 500-க்கும் மேற்ப்பட்டவர்கள் அங்கத்தினராக உள்ளனர். இந்த சைக்கிள் கடை டீக்கடைக்காரைப்பற்றி சுவையான விவதாங்கள்.முனிசாமி-யின் சொத்து மதிப்பு என்ன ,முனிசாமியின் கடையில் பிடித்தது என்ன,போலிஸ் தொல்லையில் இருந்து இவர் எப்படி தப்பிக்கிறார்.முனிசாமியின் காணமல் போன் உதவியாளர் போன்ற சுவையான விவாதங்கள்.

சாலையில் இரவுநேரத்தில் சைக்கிள்-ல் டீ விற்று பிழைப்பு நடத்தும் இந்த தமிழரை ஆர்குட்-ல் ஒரு ஹீரோ அளவிற்க்கு பெருமைபடுத்தியிருக்கும் பெங்களூர் இளைஞர்களூக்கு என் மனமார்ந்த பாராட்டுதல்கள்

அன்புடன்
அரவிந்தன்

அழகான ரோடுதான் அதுமேல அழகான பொண்ணுங்கதான்

2007-11-14T22:50:00.000+05:30

சென்ற வருடம் அலுவலக நண்பர்களோடு வாரயிறுதியில் சுற்றுலா சென்ற போது பெங்களூர்-ஹாசன் நெடுஞ்சாலையில் எடுத்த புகைப்படங்கள். எல்லோரும் புகைப்பட போட்டிக்கு ஆளிலில்லாத சாலைகளை படம்பிடித்து போட்டார்கள், நாம கொஞ்சம் வித்தியாசமாக இருக்கட்டுமே என்று பொண்ணுங்களையும் படம் பிடித்து போட்டு இருக்கேன்.

அன்புடன்
அரவிந்தன்

சுடிதார் போட்ட பொண்னுங்களை குருவாயூர் கிருஷ்ணனுக்கு பிடிக்காதாம்.

2007-11-07T14:08:00.000+05:30

சென்ற வாரம் குருவாயூர் கிருஷ்ணன் கோவில் தலைமை குருமார்கள் பிரசன்னம் பார்த்தார்களாம்( பிரசன்ன பார்ப்பதென்பது கடவுளிடம் நேரிடையாக பேசி அவரின் மனநிலையை அறிவது)

சென்ற வாரம் பிரசன்னம் பார்த்துவிட்டு வெளியே வந்த குருமார்கள் சொன்னார்களாம் பகவான் கிருஷ்ணன் மிகவும் கோபமாக இருக்கிறார்.எப்படி சாந்தம் செய்வதென்று தெரியவில்லை.

உடனே அங்கிருந்த மற்றவர்கள் எதற்க்காக கிருஷ்ண பகவான் கோபமாக இருக்கிறார் என்று கேட்டார்களாம்

முன்பெல்லாம் பெண்கள், கேரள முறைப்படி முண்டு சேலை கட்டிக்கொண்டு கோவிலினுள் வந்தார்கள்.ஆனால் சில பெண் அமைப்புகளின் போராட்டத்தால் சுடிதார் அணிந்து வர அனுமதி கொடுத்தோம்.அது பகவானுக்கு பிடிக்கவில்லை.அதனால்தான் கோபமாக இருக்கிறார் என்று தலைமை குருமார் சொன்னார்.அதனால் சுடிதார் அணிந்து வர தடைவிதிப்பது பற்றி தீவிரமாக யோசித்துவருவதாக தலைமை குருமார் தெரிவித்துள்ளார்.

முண்டு சேலை கட்டி வந்த பெண்களை இரசித்த பகவான் கிருஷ்ணன் அவர்களுக்கு சுடிதார் மூலம் முழுவதும் மூடிக்கொண்டு வந்தால் கோபம் வராதா என்ன

பெண்யியம் பேசுபர்களே உங்கள் கருத்தென்ன

அன்புடன்
அரவிந்தன்

தமிழ்ச்செல்வன் வீரச்சாவு.தமிழ் பதிவர்களுக்கு ஒரு வேண்டுகோள்

2007-11-02T19:16:00.000+05:30

தமிழீழ விடுதலைப்புலிகள் அரசியல் பிரிவு தலைவர் திரு.தமிழ்ச்செல்வன் இன்று காலை ஸ்ரீலங்கா அரசின் விமானப்படைப்தாக்குதலால் வீர மரணமடைந்துள்ளார்.

அன்னாருக்கு கண்ணீர் அஞ்சலி செலுத்துவகையில் ஈழ மக்களின் இனப்போராட்டத்தில் அக்கரை கொண்டுள்ள ஒவ்வொரு தமிழ் பதிவரும் இன்று ஒரு நாள் புதிய பதிவு எது இடாமல்(தமிழ்செல்வன் தொடர்பான பதிவுகள் மட்டும் விதிவிலக்கு) அவருக்கு அஞ்சலி செலுத்துமாறு தாழ்மையுடன் கேட்டுக்கொள்கின்றேன்

வருத்ததுடன்
அரவிந்தன்

என் மகளும் அவளின் தோழிகளும் சேர்ந்து எடுத்த குறும்படம்

2007-10-19T19:11:00.000+05:30

படம் பார்த்து உங்கள் கருத்தினை சொல்லுங்கள்.இந்த தசாரா விடுமுறையின் போது எடுத்த படமிது.சாதாரன சோனி டிஜிட்டல் கேமராவில் எடுக்கப்பட்ட நகைச்சுவை படம்

அன்புடன்
அரவிந்தன்

நட்சத்திர பதிவர் வள்ளி-க்கு சில "நச்" கேள்விகள்

2007-10-12T19:21:00.000+05:30

நட்சத்திர பதிவர் இ.கா.வள்ளி எழுதிய பெங்களுரில் தமிழர்களின் அலும்பு என்ற பதிவினை படித்தவுடன் பதிவர் வள்ளி-க்கு என்னுடைய கேள்விகளை பின்னூட்டமாக இட்டேன்.இதுவரை அதுப வெளியிடப்படததால் அவற்றை இங்கே வெளியிடுகிறேன்.

//சும்மாவா, இங்க கேள்ளுங்க இவர்களின்

அட்டகாசத்தை. பெங்களூரில் முக்கியமான சாலைகளில்

ஒன்று "ரெசிடென்சி ரோட்" அந்த சாலையில் எழுதப்

பட்டிருப்பது "தனித் தமிழ் சேனை"...//

இதனை யார் எழுதியது என்றும் எனக்கு

தெரியும்.இதிலென்ன தவறு கண்டீர்கள். பெங்களுர்

என்பதால தமிழ் என்ன உலகின் கடைசி மொழியாக

மாறிவிடுமா..உலகின் எந்த விடத்திலும் தமிழே முதன்

மொழி.

//அது மட்டுமா, ஏதாவது விசேஷம் வந்து விடக்

கூடாது, சத்தமாக தமிழ் பாடல்களை வைத்துவிட

வேண்டியது, (ஏதாவது கன்னட பாடல் தமிழில்

ரீ-மிக்சாயிருந்தால் போதும் உடனே காப்பி என்று

கிண்டல் வேறு) அல்லது ஜோகி(பரட்டை தமிழில்) பாட்டை

விட்டால் இவனுங்களுக்கு வேறு பாட்டே கிடைக்காது

என்று நக்கல் விட வேண்டியது.//

தமிழ் வீட்டு விஷேங்களில் தமிழ் பாட்டு போடாமல்

வங்காள,ஒரியா பாட்டா போடுவார்கள்.?

//
கர்நாடகாவில் நல்ல பிரபலமான ஒரு திரைப்பட

நடிகரைக்கூட நம் மக்களுக்குத் தெரியாது,

அவர்களுக்கோ நம்ம ராம்கி வரை எல்லோரையும் தெரியும்.

நம்ம ஆளுங்களா ராஜ்குமாரையே(நடிகர்) யாருன்னு

கேட்பார்கள்., அவர்களுக்கு வரும் பாருங்க கோபம்//

சும்மாயிருங்க வள்ளி,உங்களை மாதிரி இப்ப

வந்தவங்களுக்கு வேண்டுமான ராஜ்குமார் தெரியாமா

இருக்கலாம்.இங்கேயெ இருக்கிற தமிழர்கள்

எல்லோருக்கும் ராஜ்குமார் நல்லா தெரியும்.

//அதுமட்டுமில்லாமல் கன்னடமெல்லாம் தமிழிலிருந்து

தான் வந்தது என்று வேறு கூறிக்கொண்டு

அலையவேண்டியது//

இப்படி சொல்றதுல உங்களுக்கென்ன

கஷ்டம்.உண்மைதானே உங்களுக்கென்ன கசக்குது.

தமிழ் நாட்டில் கூட தமிழ் படிக்காமல் பட்டம் பெற்றுவிடலாம்.இங்கே அப்படி முடியாது.யாரயிருந்தாலும் கன்னடம் படித்தே தீரவேண்டும்.

பெங்களூர் தமிழ்சங்கம் இதுவரை 50,000(ஐம்பாதயிரம்) மேற்ப்பட்டோருக்கு கன்னடம் கற்று தந்திருக்கிறது அது தெரியுமா உங்களுக்கு..

கூந்தல் இருக்கிறவ அள்ளி முடிச்சிக்கிறா இதுல உங்களுகென்ன சலிப்போ தெரியல

அன்புடன்
அரவிந்தன்
பெங்களுர்

எனக்கு தாலி பிச்சை போடுங்க,முன்னாள் பிரதமரின் மனைவி கதறல்.

2007-10-09T23:51:00.000+05:30

நேற்று பெங்களூரில் நடந்த மதசார்பற்ற ஜனதாதள கட்சி கூட்டத்தில் நடைப்பெற்ற ஒரு சம்பவம்.

திரு.தேவே கவுடா அவர்கள்,குமாரசாமி, ஆட்சியியை பா.ஜ.க விடம் ஒப்படைத்தால் தான் தற்கொலை செய்துகொள்வேன் என்று மிரட்டியதாக தெரிகிறது.

இதனால் கலக்கமடைந்த தேவே கவுடா அவர்களின் மனைவி அக்கட்சியின் எம்.எல்.ஏ க்களிடம் தயுவு செய்து பா.ஜ.கா விற்க்கு ஆதரவு தெரிவிக்காதீர்கள்.

அப்படி செய்தால் என் கணவர் தற்கொலை செய்துகொள்வார்.ஆகவே எனக்கு தாலி பிச்சை அளியுங்கள் என்று கதறியதாக தெரிகிறது.

குமாரசாமி அவர்களின் மூத்த சகோதர் ரேவண்ணா,தம்பி நமக்கு நம்ம அப்பாவின் உயிர்தான் முக்கியம் ஆட்சி அல்ல.தயவு செய்து பா.ஜ.கா வுடன் சேராதே என்று குமாராசாமியின் காலில் விழுந்து கெஞ்சியதாக சொல்லப்படுகிறது.

இதன்பிறகு,குமாரசாமி மனம் மாறியதாக சொல்லப்படுகிறது.

அன்புடன்
அரவிந்தன்

தமிழ்.நெட் பாலா பிள்ளை அழைக்கிறார்.சென்னையிலிருந்து!!!

2007-10-08T19:11:00.000+05:30

நண்பர்களே,

தமிழியிணையத்தின் முன்னோடி,மடலாற்குழக்களின் முன்னோடி நம் அன்பு பாலா பிள்ளை தற்சமயம் சென்னை வந்துள்ளார்.

வலைப்பதிவர்களை அவர் சந்திக்க ஆவலாக உள்ளார்.

பாலா பிள்ளையை சந்திக்க விரும்பும் பதிவர்கள் அலைப்பேசி மூலம் அவரை தொடர்பு கொள்ளலாம்.

அலைப்பேசி எண்
9940645140

அன்புடன்
அரவிந்தன்

கால்நடைகளை திருடும் சிங்கள இராணுவம்

2007-10-05T17:55:00.000+05:30

தமிழீழத்தின் கிழக்குபகுதியில் உள்ள பட்டிகோலா மாவட்டத்தில் சமீபத்தில் நடந்த சிங்கள இராணுவத்தின் தாக்குதலால் எழை மக்கள் தங்கள் வீடுகளை விட்டு பாரிய அளவில் இடம் பெயர்ந்துள்ளனர்.

வீடுகளை விட்டு வெளியேறும் போது தங்களுக்கு சொந்தமான கால்நடைகளை அப்படியே விட்டுவிட்டு சென்றுள்ளனர்.

அந்த கால்நடைகளை சிங்கள காவல்துறையினர்,இராணுத்துறையினர்,மற்றும் சிங்கள ரவுடிகள் கூட்டம் தமிழர்களின் வீட்டிலிருந்து திருட்டுத்தனமாக ஓட்டிச்சென்று சிங்கள மக்கள் பெரும்பான்மையாக வசிக்கும் பகுதியில் விற்பனை செய்கிறார்கள்.

திருந்துமா இந்த திருட்டுக்கூட்டம்.?

அரவிந்தன்

"சேது சமுத்திரம்"உருப்படாதது நாரயணுக்கு சில"நச்"கேள்விகள்!!!

2007-10-02T17:04:00.000+05:30

//இப்போது சென்னையில் பந்த் [திமுகவின் பாஷையில் ஸ்ட்ரெக்] ஒரு வேலையும் நடக்காமல், வீட்டில் உட்கார்ந்துக் கொண்டு என்.டி.டி.வி ப்ராபிட் பார்த்துக் கொண்டிருக்கிறேன்//

போராட்டத்திற்க்கு தார்மீக அதரவு கொடுத்து வீட்டில் இருந்த உங்களுக்கு நன்றி

//இது போக, அம்பிகா சோனிக்கு கீழ் வரும் தொல்பொருள் ஆராய்ச்சி துறை, எடுத்தேன் கவிழ்தேன் என்று, ராமர் இருந்ததை நிரூபிக்க முடியாது என்று சொல்லப் போக, பழம் நழுவி,பால்,வாய்//

இல்லாத கற்பனை கதாபாத்திரத்தை இல்லை என்று சொல்ல ஏன் தயங்க வேண்டும்.?//ஜல்லி No.1: பி.ஜே.பி நாக்கை வெட்டுவேன், கழுத்தை அறுப்பேன் என்று பேசிய வேந்தாந்தியினை கண்டித்திருக்கிறது. உங்களால், அதைப் போல, தமிழகத்தில் கருணாநிதியினை கண்டிக்க முடியுமா ?//

கண்டிக்க வேண்டிய அளவிற்க்கு அவர் என்ன சொன்னார்.தர்க்க ரீதியாக கேள்வி கேட்டார் அது தவறா..தர்க்க ரீதியாக கேள்வி கேட்பதும்,தலையை கொய்து வர சொல்வது ஒன்றா எந்த ஊர் நியாயம் நாரயண் இது..?1

950- முதலியார் குழு கொடுத்த அறிக்கையில் இது 9 கோடியில் முடிக்ககூடிய லாபம் தரும் திட்டம் என்று சொல்லபட்டுள்ளேதே அது தெரியுமா.இந்திய அரசாங்கத்தின் NEERI என்ற சுற்றுப்புற சுழல் அமைப்பு இத்திட்டத்திற்க்கு பச்சை கொடி காட்டியுள்ளேதே பார்க்கவில்லையா அல்லது பார்க்க மனமில்லையா

//சேது சமுத்திர திட்ட வரைவின் படி, 30000 டன்னிற்கு மேலான கப்பல்கள் இக்கால்வாயில் பயணிக்க முடியாது.//

ஏன் 30 ஆயிரம் டன் சுமக்கும் கப்பல்களே இவ்வுலகில் இல்லையா எராளமான உள்ளூர் கப்பல்கள் 30 ஆயிரம் டன் மட்டுமே சுமக்கும் திறன் கொண்டவை.

//ஜல்லி No.2: இதற்கு முன் சுற்றுச்சூழல் பாதிப்புகளே இல்லாமல்திட்டங்கள் இந்தியாவில் நிறைவேறி இருக்கிறதா ? தமிழினம், கலைஞர் என்று வந்தால் மட்டும் எதற்கு பாரபட்சம் பார்க்கிறீர்கள். நர்மதா சரோவர் திட்டத்தில் ஆகாதபாதிப்பா, சேது சமுத்திரத்தில் வரப் போகிறது ?//

எந்தவித வளர்ச்சி திட்டத்திலும் சில சுற்றுபுற சீர்கேடுகள் இருக்கத்தான் செய்யும்.அது எந்த அளவிற்க்கு நம்மை பாதிக்கச்செய்யும் என்று பார்க்கவேண்டும்.மீன் கிடைக்கவில்லையென்று இலங்கை கடற்பகுதிக்கு சென்று மீன் பிடித்துவிட்டு குண்டடிப்பட்டு சாவுறான் தமிழன் இந்த லட்சனத்தில மீன் இனம் பாதிக்குதுன்னு நீங்க சொல்றிங்க.

ஒரு வளர்ச்சி திட்டத்தை இல்லாத கடவுளின் பெயரால் முட்டுக்கட்டை போடும் போது அந்த கடவுளை கேலி செய்வதில் என்ன தவறு.

பரதேசி கட்சியினர் சுற்றுப்புறசுழல் பாதிப்பு பற்றி மட்டும் பேசியிருந்தால் கலைஞர் ஏன் ராமனைப்பற்றி பேசியிருக்கபோகிறார்.

ராமன் பெயரால் முட்டுக்கட்டைபோட நினனைக்கும் போது அந்த ராமனை முச்சந்தியில் நிறுத்தி விமர்சனம் செய்வதில் என்ன தவறு.

பரதேசி கட்சியினரை "சேது சமுத்திரம் " திட்டத்தில் உள்ள பொருளாதார,சுற்றுப்புற சூழல் பற்றி மட்டும் பேச சொல்லுங்கள். அதன்பிறகு நாங்கள் ஏன் ராமரைப்பற்றி பேச போகிறோம்.?

கலைஞர் புட்டபர்த்தியை பாராட்டினார் ஆம் உண்மைதான் அதே பாபா எதாவது மக்கள் நல திட்டங்களுக்கு விரோதமாக செயல்பட்டால் அவரை முதலில் கலாய்ப்பது நாங்கள்தான்.

//நாராயணன் இந்துக்களைப் பற்றி பேசி, தன்னுடைய அடிப்படை நிறத்தினை நிறுபிக்கிறான் என்று இந்த பதிவினை நீங்கள் மொத்தமாக திசை திருப்பலாம்//

இது வரை நாங்கள் அப்படி நினைக்கவில்லை. இப்படியும் திசை திருப்பலாம் என்று நீங்கள் சொன்னதற்க்கு நன்றி.

தொடக்கத்திலிருந்தே திசை திருப்பல் பற்றி நீங்கள்தான் பேசிவருகிறீர்கள்.ஆக உங்கள் உள் மனது திசை திருப்பலை விரும்புகிறது.

மெல்ல பூனை பையிலிருந்து வெளி வரத் ஆரம்பித்திருக்கீறது.

அன்புடன்
அரவிந்தன்

எப்பத்தான் மாறுவீங்க நீங்க எல்லாம்.?

2007-10-01T18:11:00.000+05:30

மக்களின் உணர்வுகளை புரிந்துகொள்ளாத உச்ச நீதிமன்றம்.

.மக்கள் தங்களின் உணர்வுகளை அறவழியில் வெளிபடுத்தியும் அதனை கிண்டல் செய்யும் இட்லி வடைகள்.(ஒரு இடத்திலாவது தி,மு.க தொண்டர்கள் வலுக்கட்டாயமாக கடைகளை மூடச்சொன்னதாக சொல்லமுடியுமா)

பொருளாதார வளம் தரும் திட்டங்களை இல்லாத ராமன் பெயரில் தடைப்போட நினைக்கும் பரதேசி கட்சிகள்..

வருடகனக்கில் காவேரி,முல்லை பெரியாறு பிரச்சினைக்கு நிரந்த முடிவு சொல்லாத ---நீதிமன்றம்., சொன்ன தீர்ப்பை அமல்படுத்தாத கர்நாடக அரசினை கலைக்க சொல்ல தைரியம் இல்லாத ....நீதிமன்றம்

12 வருடங்களாக இழத்தடிக்கும் ஜெயலலிதான மீதான அன்னிய செலவாணி வழக்கை இன்னும் முடிக்காம இருக்கும் ....நீதிமன்றம்.

எப்பத்தான் மாறுவீங்க நீங்க எல்லாம்

அன்புடன்
அரவிந்தன்

டோண்டு ராகவா!!!..என்ன செய்தால் நீங்கள் திருந்துவீங்க!!!

2007-09-03T15:05:00.000+05:30

டோண்டு ராகவன் அவர்களே!!!,

ஏனிந்த மெளனம்.பல இணைய முன்னோடிகளின் வேண்டுகோளினை ஏற்று நீங்கள் ஏன் மாறக்கூடாது.?

இறை நேசன் முன்பொருமுறை சொன்ன மாதிரி உங்களூக்கு ரொம்பவே தடித்த தோல்தான். எதையும் துடைத்துப்போட்டு போக உங்களால் எப்படி முடிகிறது.

பல புதிய பதிவர்கள் எழுத துவங்கியிருக்கும் இந்நேரத்தினில், உங்களால் ஒரு பிரச்ச்சினை என்று வரும்பொழுது அதை நாங்கள் எப்படி பொறுத்துக்கொண்டு இருக்க முடியும்.

மாறு,மாற மாட்டேன் என்றால் உன் முகவரியை மாற்றிக்கொள்..

விரைவில் உன் புதிய முகவரி
மனநல காப்பகம்
மேடவாக்கம் நெடுஞ்சாலை.
கீழ்பாக்கம்
சென்னை-600010

அன்புடன்
அரவிந்தன்

பெங்களூர் நகரை நிறுவியவன் தமிழனே!!!

2007-08-28T14:56:00.000+05:30

பெங்களூர் மாவட்ட்த்தில் அகரம்,ஐகண்டபுரம்,ஆவதி,பைச்சபுரம்,பேகூர்,பிண்ணமங்கலா,தொம்மளூர்,கங்காவரம்,அலசூர்,அசிகலா,எக்குண்டா,ஒசக்கோட்டை,கொண்டரள்ளி,கூடலூர்,மாகடி,நெலமங்கலா,திருமலை,ஒகட்டா, போன்ற ஊர்களில் விரவியுள்ள தமிழ்க்கல்வெட்டுகளை எல்லாம் சேர்த்தால் அவை நூற்றுக்கணக்கிலாகும்.

பெங்களுர் மாவட்டத்தில் கண்டெடுக்கப்பட்டுள்ள கல்வெட்டுக்களில் பெரும்பான்மையானவை தமிழ்கல்வெட்டுக்களே.

இவ்வுர்களூக்கு இன்றுள்ள தெலுங்கு,கன்னட பெயர்களை இடுவதற்க்கு முன்னர்,பெங்களூர் மாவட்டத்திலுள்ள ஊர்கள் பலவற்றிக்கு தமிழ் பெயர்களே வழங்கிவந்ததை இக்கல்வெட்டுகள் காட்டுகின்றன.

பழைய தமிழ் பெயர் தற்போதைய பெயர்
இருவுளியூர் இப்பலூர்
ஐவர்கண்டபுரம் ஐகண்டபுரம்
ஆகுதி ஆவதி
மடவளாகம் மடிவாளா
தும்பளூர் தொம்மளூர்
பேட்டை சிட்டி
விண்ணமங்கலம் பிண்ணமங்கலா
மண்ணை நாடு மண்ணே
நொந்தகுழி நந்தகுடி
ஒவட்டம் ஒகட்டா
நிகரிலிசோழபுரம் மாலூர்.

வரலாற்றைக்காட்டும் தமிழ் கல்வெட்டுக்களைக் கண்டு கன்னடர்கள் அஞ்சுவதற்க்கு காரணம் என்ன.?

கல்லூரிகளில் கருநாடகத்தின் வரலாற்றைக் கற்பிக்கையில் பொதுவாக கி.பி. ஏழாம் நூற்றாண்டில் இருந்தே அவர்கள் தொடங்குவதன் காரணம் என்ன.?

பெங்களூரில் உள்ள பழங்கோயில்களில் பெரும்பாலனவை பல்லவர்களாலும் சோழர்களாலும் தமிழ் கங்கர்களாலும் கட்டப்பட்டவை.பேகூர்-ல் உள்ள சிவன் கோயில் 1000 வருடங்கள் முன்பு சோழர்களால் கட்டப்பட்டுள்ளது.

பெங்களூர் நகரை நிறுவியவன் தமிழனே!!!

1537-ம் ஆண்டில் பெங்களூர் நகரை நிறுவிய கெம்பே கவுடா சாதியால் பள்ளிக்கவுண்டர்(வன்னிய கவுண்டர்) என்பதால் அவர் ஒரு தமிழரேயாவார்.
தமிழரில் இன்று பலர் ஆங்கிலம் பேசி பழகுவது ஒரு பெருமையென மயங்கி கெடுவதைப்போன்று,விசய நகர அரசிற்க்கு அடங்கி ஆண்டுவந்தமையால்,இக் கெம்பே கவுடாவின் பெயரிலும் கூடக் கன்னட தெலுங்கு சாயல் தொற்றிகொண்டது.

பெங்களூரின் மண்ணின் மைந்தரான பழைய தமிழ்ர்களை கன்னடர்கள் திகிளர் என்றுதான் அழைப்பர்.தமிழரை,”தமிழர்” எனச் சொல்ல வராத கன்னடர்கள்,தமிழரை திகளர் என்று அழைக்கலாயினர்.இந்தத் திகள்ர்கள்,திகள பள்ளிகள் என்றும் திகள பறையர் என்றும் சாதியால் வேறுபடுவர்.கெம்பே கவுடா வும் ஒரு திகளராவர்.இவரது முன்னோர்கள் தமிழகத்தின் காஞ்சியிலிருந்து வந்த”முரசு ஓக்கல்” குடியினரின் வழிவந்தராவர்.

தொடரும்.

அன்புடன்
அரவிந்தன்
பெங்களூர்

பெங்களூர் எங்களூர்! (தமிழர்கள்மண்) பகுதி-1

2007-08-23T15:17:00.000+05:30

பெங்களுர் வாழ் தமிழ் மக்களுகெல்லாம் தாம் இம் மண்ணின் மைந்தர் அல்ல பிழைக்க வந்த மக்கள் என்ற தவறான என்ணம் இருக்கின்றது.

அந்த கருத்தாக்கம் தவறு தமிழரே இம் மண்ணின் பூர்வ குடிகள் என்பதை ஆதாரத்துடன் நிறுவதே இக்கட்டுரையின் நோக்கம்.

2001-வருட மக்கள் தொகை கணக்குப்படி கருநாடகத் தமிழரின் எண்ணிக்கை 95 இலக்கம்.

அவர்கள் எல்லாம் வந்தேறிகளாய் இங்கு வந்தவர்களா? தொன்று தொட்டு இங்கேயே வாழ்ந்து வந்தவர்களா.? இதற்க்கு விடை காண,வரலாற்றை விவரிக்க வேண்டும்.

1956-ம் ஆண்டில் மொழி வாரி மாநிலங்கள் அமைக்கப்பட்டன, அதன் பிறகு,பழைய சென்னை மாகாண்த்திலிருந்த எல்லையோரப பகுதிகளான பெங்களூர்,கோலார் தங்கவயல்,குடகு,பெல்லாரி,சித்திரதுருகம்,கொள்ளேகாளம் போன்ற இடங்களில்தான் கரு நாடகத் தமிழர்கள் பெருமளவில் வாழ்ந்து வருகின்றனர். அங்கு வாழ்ந்துவரும் தமிழர்கெல்லாம் அப்பகுதிகளூடனான தனி வரலாறு உண்டு.

பத்திராவதி,சிக்கமக்ளூர்,சிவமுகா போன்ற பகுதிகளில் உள்ள இரும்பாலைகள்,கரும்பு தோட்டங்களில் வேலை செய்ய கண்கானி முறையில் ஆசைக்காட்டியும் வலியவும் தமிழர்கள் ஆங்கிலேயர்கள் ஆட்சிக்காலத்தில் பணிக்கமர்த்தப்பட்டனர்.
கருநாடகத்தின் உட்பகுதியில் தனி பண்பாட்டு தீவுகளாக வாழ்வமைத்துகொண்டவர்கள் இவர்கள்.

ஆனால் பெங்களூர் மற்றும் தங்க வயல் தமிழர்களின் நிலையோ,இவற்றிலிருந்து முற்றிலும் மாறுப்பட்டவை.

பெங்களூர் தமிழர்கள் நகரின் மக்கள் தொகையில் தற்போது 35% விழுக்காடுகள் உள்ளனர்.முசுலிம்களோ,பெங்களூரில் குறிப்பிட்ட அளவில் உள்ளனர்.கன்னடரோ,க்ருநாடக்கத்தின் தலைநகரில் 25% விழுக்காடுதான் உள்ளனர்.தெலுங்கரில் சிலரும் மராட்டியரில் சிலரும் தங்களை கன்னடர் என்றே சொல்லிகொள்கின்றனர்.

பழைய சென்னை மாகாணத்தில் இருந்து சில பகுதிகளையும்,ஐதராபாத் நிசாமிடமிருந்து சில பகுதிகளையும்,பம்பாய் மாகாணத்திருந்து சில பகுதிக்ளையும்,மைசூர் மாகாணத்தின் சில பகுதிகளையுன் இணைத்து கருநாடகம் மாநிலம் அமைக்கப்பெற்ற பின்னரே கன்னடர்கள் பெங்களூர் நகருக்கு பெரிய அளவில் வந்து குடியேறியத் தொடங்கினார்கள் என்பதே வரலாற்று உண்மை.

பெங்களூரிலும்,கோலார் தங்க வயலிலும் காணப்படும் தமிழர்-கன்னடர் இனப்பூசல் தமிழர்கள் கருநாடகத்திற்க்கு பிழைப்பு தேடி வந்தேறியதால் வந்த ஒரு பூசல் அன்று.

தமிழர்கள் பெரும்பான்மையாக இருந்த தமிழகத்தின் எல்லைப்புறத் தமிழ்ப்பகுதிகளை 1956-ம் ஆண்டில் “மொழிவழியில்” கன்னடருக்கு அரிந்து கொடுத்தமையால் வந்த வினையே அப்பூசலாகும்.

அண்மையில் பெங்களுருக்கு வந்து குடியேறிய கன்னட வெறியர்கள்,இப் பெங்களுரின் வரலாற்றைத் தெரிந்துகொள்ளாமல்,இப்பகுதியில் தொன்று தொட்டு வாழ்ந்து வரும் தமிழர்கள் இங்கு அண்டி பிழைக்க வந்தவரே என்று சொல்லி தமிழரை விரட்டவும் அழிக்கவும் பார்க்கின்றனர்.

இந்நிலையில்,பெங்களுரின் வரலாற்றை சுருங்கப் பார்க்கலாம்.

பத்தாம் நூற்றாண்டிலேயே பெங்களுர் மாவட்டத்தின் பல பகுதிகள் காஞ்சியைத் தலை நகராகக் கொண்டிருந்த பல்லவர்களின் ஆட்சிக்கு உட்பட்டிருந்தன.

கி.பி.997-ம் ஆண்டில் ஓசக்கோட்டை முதலான இம் மாவட்டத்தின் பல பகுதிகள் சோழ அரசன் இராச ராசதேவனால் வெல்லப்பட்டன.

மாகடி பட்டணத்தை 1139-ம் ஆண்டில் நிறுவியவர்கள் சோழர்கள்தான்.
இன்று எலவங்கா என்றழைக்கப்படும்,பெங்களுர் பகுதி சோழ வள நாட்டின் ஒரு பகுதியாக இருந்தது.அதற்கு “இலைப்பாக்கநாடு” என்று பெயர்.
இந்த இலைப்பாக்கநாடு ஹொய்சோள்ர்கள் ஆட்சியில் “எலவக்கா” என்றாகி பிறகு “எலவங்கா” என்று திரிந்தது.

சோழ கங்கர்கள் அல்லது நுளம்பர்கள் என்னும் சிற்றரச மரபினர் ஆயிரம் ஆண்டுகளுக்கு முன்பு முதலி சோழர்க்கு அடங்கிய சிற்றரசாக ஆண்டு வந்ததைக் கல்வெட்டுகள் காட்டுகின்றன.மைசூர் மாவட்டத்திலுள்ள தலைக்காட்டை தலை நகராக் கொண்டு ஆண்டு வந்த கங்கர்கள் தமிழையே பேசி வந்ததால்,தமிழ் கங்கர் எனப்பட்டனர்.

தொடரும்

அன்புடன்
அரவிந்தன்
பெங்களூர்

பொது இடங்களில் காதலிக்கலாமா...கூடாதா..?

2007-08-19T16:41:00.000+05:30

இன்றிரவு 9.00 மணிக்கு விஜய் தொலைக்காட்சியில் நீயா. நானா நிகழ்ச்சியில் பொது இடங்களில் காதலிக்கலாமா கூடாதா என்ற தலைப்பில் விவாதம் நடைபெறவுள்ளது.

இந்நிகழ்ச்சியில் "பொது இடங்களில் காதலிக்கலாம்" அதில் தவறில்லை என்ற அணியில் நான் பேசியிருக்கிறேன்

சர்ச்சைக்குள்ளான விஷயங்கள் விவாதிக்கப்பட்டன..எந்த அளவிற்க்கு தணிக்கை செய்யப்பட்டு ஒளிப்பரப்பாகும் என்று தெரியவில்லை..

நாமும் ஆரோக்கியமான முறையில் விவாதிக்கலாம்.

அன்புடன்
அரவிந்தன்
பெங்களூர்.

ரம்மியமான மாலை பொழுதினிலே--தோழியோடு

2007-08-15T23:02:00.000+05:30

நேற்று ஆம்பூர் சென்றுவிட்டு, என் அண்ணன் வாங்கிய நிலம் பதிவுசெய்துவிட்டு பேருந்தில் பெங்களூர் வழியில் அலைப்பேசியில் நண்பர்களுடன் பேசிக்கொண்டு வரும்பொழுது,

நீண்ட நாட்களாக சந்திக்க நினைத்த தோழியை சந்தித்தால் என்ன என்று தோன்றியது. உடனே தோழியை அலைப்பேசியில் அழைத்தேன். மாலை உங்களை சந்திக்க ஆவலாக உள்ளேன்..பார்க்க முடியுமா என்று கேட்டேன்..அதனாலென்ன பார்க்கலாமே என்றார் …

பெங்களூர் நகரத்திற்க்கு சற்று முன்னர் தோழியின் இல்லம் இருப்பதால் முக்கிய அங்காடியோ ,திரையரங்கோ அல்லது பூங்காவோ இல்லாததால் தோழியின் இல்லம் அருகே உள்ள ஆலமரத்தின் அருகே சந்திப்பது என்று முடிவு செயதோம்.

பேருந்தினிலிருந்து இறங்கி அலைப்பேசியில் மீண்டும் சந்திப்பினை உறுதிசெய்தபின்னர் ஆல மரம் நோக்கி நடக்க தொடங்கினேன்..

அந்த இடம் மற்ற ஊர்களிலிருந்து பெங்களுருக்கு பிழைப்பு தேடி வரும் தொழிலாளர்கள் வாழும் பகுதியாக இருக்கிறது …ஆலமரத்தின் அருகே குடிநீர்க்குழாய் நீண்ட வரிசையில் பிளாஸ்டிக் குடங்களும் பெண்களூம்.

நமக்கு முன்பின் அறிமுகம் இல்லாத இடத்தில்,நடுத்தெருவில் காத்திருப்பதென்பது என்பது மிகவும் அவஸ்தையான விஷயம்.

கொஞ்ச நேரத்தில் தோழியும் வந்து சேர்ந்தார்.பேசிக்கொண்டே நடக்கத்தொடங்கினோம்.குழாயடியில் உள்ளவர்களின் பார்வைகளை அலட்சியம் செய்தவாரே-

தோழி விளிம்பு நிலையில் வாழ்ந்தாலும் நல்ல இரசனை கொண்டவர்.தனித்துவமான சிந்தனைகள் கொண்டவர்…

பேசிக்கொண்டே நடந்து வந்தோம்..நல்ல உணவகம் எதும் இல்லாத்தால் பேசிக்கொண்டே நடந்து வந்தோம். தோழி ஆயத்த ஆடை நிறுவனமொன்றில் பணிபுரிவதால்,பணிச்சுழலில் உள்ள பிரச்சனைகள்,அனுபவங்கள்,எதிர்பார்ப்பு என்று பேசிக்கொண்டே வந்தார்.

ஆள் அரவற்ற சாலையில்(இரு மங்கிலும் உயர்ந்த மரங்கள்) மாலை பொழுதில் தோழியுடன் நடந்து சென்றது ஒரு இனிமையான மற்றும் புதுமையான அனுபவமாக அமைந்தது …

அன்புடன்
அரவிந்தன்

ஜெயலலிதா வழியில் கூகுள் நிறுவனர்கள்!!!

2007-08-15T20:01:00.000+05:30

செல்வி.ஜெயலலிதா அவர்கள் தனது ஆட்சி காலத்தில் 1ரூபாய் சம்பளத்தில் எளிமையாக(?) வாழ்ந்தது நீங்கள் அனைவரும் அறிந்ததே..

அவரின் அற(?) வழியை பின்பற்றி கூகுள் நிறுவனர்களான லாரி பேஜ் மற்றும் செர்ஜி பேரின் வருடம் $1 மற்றுமே சம்பளமாக பெற்றுக்கொண்டு பணிபுரிகின்றனர்..

படத்தை கிளிக் செய்து பெரிதாக்கி பாருங்கள்.அவர்களின் சம்பள விவரம் தெரியும்.

அம்மாவின் எளிமையை உலகமே இப்பொழுது பின்பற்றதொடங்கியுள்ளது.

அன்புடன்

அரவிந்தன்

பதிவர் பட்டறை-இதுவரை வெளிவராத புகைப்படங்கள்!!!

2007-08-09T19:02:00.000+05:30

லக்கிலுக் எப்படி லுக் விடறார் பாருங்க

ஒருக்கா இவர்தான் "இட்லி வடையோ...சபை-ல பேசிக்கிட்டாங்க

முகம் காட்ட மறுத்த வ.வா.சங்க உறுப்பினர்

தரையில் அமர்ந்து படிக்கும் மாண்வர்கள்

கிளம்பிட்டாங்கய்யா..கிளம்பிட்டாங்கய்யா..

செந்தழல் ரவி வகுப்பெடுக்கிறார்.

இந்த வேலையெல்லாம் எங்களுக்கு ஜுஜுபி என்கிறாரா மா.சி..?

பொன்ஸ் வகுப்பு எடுக்கும் காட்சி

பதிவர் பட்டறைக்கு எட்டிப்பார்க்காத எட்டப்பன்கள்-பகுதி-2

2007-08-08T01:35:00.000+05:30

இப்பொழுது தலைப்பிற்க்கு வருகிறேன்..

பதிவர் பட்டறைக்கு எட்டிப்பார்க்காத எட்டப்பன்கள் ..யாரிந்த எட்டப்பன்கள்..?

தமிழ் மென்பொருட்களை கொள்ளைவிலைக்கு தமிழர்கள் தலையில் இத்துனை வருடங்களாக மிளகாய் அரைத்த தமிழ் வியாபாரிகளைத்தான் சொல்கிறேன்

இவர்களுக்கு கணித்தமிழ் சங்கம் என்றொரு அமைப்பும் உண்டு..அரசாங்க அங்கீராம் பெற்று தங்களது மென்பொருட்களை விற்றதை தவிர இவர்கள் வேறு எதையும் புடுங்கவில்லை..

இதுப்போன்ற தன்னார்வ முயற்சிகளுக்கு இவர்கள் இதுவரை ஒரு துரும்பை கூட கிள்ளிபோடாதவர்கள்..

அட ஆதரவுதான் கொடுக்கவேண்டாம்..குறைந்தபட்சம் பார்வையாளராகவாது இவர்க்ள் வந்து இருக்கவேண்டாமா..

இலவசம்,தன்னார்வம்,கட்டற்ற மென்பொருட்கள் இதுப்போன்ற வார்த்தைகளை கேட்டாலே இவர்களுக்கு அலர்ஜி வந்துவிடும்.

தமிழ் மென்பொருட்களை விற்பது ஒன்றும் தவறில்லை..ஆனால் வியாபாரிகள் மட்டுமே வாழவேண்டும், தமிழ்ர்களுக்கு இலவசமாக எதையும் கற்றுக்கொள்ளகூடாது என்பதில் இவர்கள் மிகவும் குறிப்பாக இருப்பது மிகவும் கண்டிக்கத்தக்கது.

அரசாங்க மானியம் தருகிறது என்றால் அடித்துபிடித்து வருவார்கள்.அரசாங்கம் நடத்தும் கணினி விழா என்றால் முதல் நாளே வந்து துண்டு போட்டு இடம் பிடிப்பார்கள்.

அரசாங்கத்திடம் மானியம் பெற்று உருவாக்கிய மெண்பொருட்களை மக்களிடையே காசுக்கு விற்பதில் இவர்கள் ஜித்தர்கள்.

இனியாவது தமிழ்ர்கள் இந்த எட்டபர்களை அடையாளம் கண்டுகொள்ளட்டும்

அன்புடன்
அரவிந்தன்.
பெங்களூர்

பதிவர் பட்டறை.. எட்டிப்பார்க்காத எட்டப்பன்கள்!!! பகுதி-1

2007-08-08T00:53:00.000+05:30

பதிவர் பட்டறை.. எட்டிப்பார்க்காத எட்டப்பன்கள்!!!

சென்னை பதிவர் பட்டறை.

நானும் ஈ-கலப்பபை படைப்பாளியமான முகுந்த-ம் சனி இரவு ரயிலேறி ஞாயிறு காலை சென்னை வந்துசேர்ந்தோம்.

தானி பிடித்து அரங்கு வந்துசேர்ந்தபொழுது மணி 9.20. பெயர் பதிந்துவிட்டு சாப்பாடு சீட்டு மறக்காமல் கேட்டு வாங்கி அரங்கினுள் சென்று அமர்ந்தோம்..

எதிர்ப்பட்ட வலைப்பதிவர்களுக்கு முகமன் தெரிவித்து கொண்டு என்னை அறிமுகத்திகொண்டேன்..

அரவிந்தன் என்று என் பெயரை சொன்னவுடன் அரவிந்தன் நீலகண்டனா என்று அதிர்ச்சியுடன் பலர் கேட்டனர். அந்த கேள்வியின் தொனியில் இருந்து அவருக்கு வலைப்பதிவர் மத்தியில் ரொம்ப நல்ல(?) பெயர் இருப்பதை தெரிந்துகொண்டேன்.

பின்னிருக்கையில் அமர்ந்திருந்த காசி ஆறுமகத்திடம் என்னை அறிமுகபடுத்திகொண்டவுடன்,என்ன அரவிந்தன் உங்க கால் செண்டர் வாழ்க்கை எப்படியிருக்கிறது என்று மிகவும் அக்கரையுடன் விசாரித்த பாங்கு என்னை மிகவும் கவர்ந்தது. பெங்களுரின் பெயர் வெங்காலூர் என்று என்று சில வருடங்கள் முன் நான் போட்ட மொக்கை பதிவினை நினைவுகூர்ந்தார்.மகிழ்ச்சியாக இருந்தது.

சரியாக 10.30 மணிக்கு தாமதமாக வந்த உருப்படாதது நார்யணன் “ நான் அப்பவே வந்துட்டேன் தல”சும்மா கடற்கரையில் காத்து வாங்கிட்டுருந்தேன் என்று தான் ஜொல்லு விட்டு கொண்டிருந்ததை பாலிஷ்-ஆக சொன்னார்..

தல பாலாபாரதி யாருன்னு கேட்டு கடைசியாக கண்டுபிடித்தேன்..ஒரு பாசமான தம்பியை அவர் உருவில் பார்க்க முடிந்தது..கழுத்து சூட்டு தற்பொழுது குறைந்து நலமாக இருப்பதாக சொன்னார்.

டோண்டு ராகவன் பட்டறை பற்றி தன்கருத்தினை சொன்னபொழுது சென்னைபதிவர்கள் சிலர் தமுக்குள்ளே குசுகுசு என்று பேசிக்கொண்டனர் அப்படியே சற்று நமட்டு சிரிப்புடன்.

இராம்கி அய்யா சாலமன் பாப்பையா மீது அதீத கோவத்தில் இருந்தார்(சிவாஜி பட அங்கவை சங்கவை விஷயத்தில்).

சிலர் சாப்பாடு பொட்டலங்களை மீச்சம் மீதியுடன் அங்காங்கே அதற்க்கென் உள்ள தொட்டியில் போடாமல் சென்றதது கொஞ்சம் வருத்தமாக இருந்தது.

காலை தேனீர் இடைவேளையின்போது ஜெய்சங்கர் அவர்கள் கல்யாண வீட்டில் மாப்பிள்ளை வீட்டாரை எப்படி சிறப்பாக கவனிப்பார்களோ அதுப்போல கவனித்தார்..

தமிழி தேர்ந்த கல்லூரி பேராசிரியர் போல் வகுப்பெடுத்தார்.கூட்டம் முழுவதையும் தன் பேச்சால் கவர்ந்தார்.பார்ப்பதற்க்கு கொஞ்சம் சினிமா நடிகர் போல இருந்தார்.

கிருபா ஷங்கர் பேச்சு மிகவும் எமாற்றமளித்தது.முழுமையாக தயார்செய்து வரவில்லை என்று தெரிகிறது..

லக்கிலுக்..

தேனியைப்போல் சுறுசுறுப்பான இளைஞன்..இவனது உருவத்திற்க்கும், பேச்சிற்க்கும் சிறுதும் தொடர்பில்லை..
என்னடா மச்சி என்று தோழமையுடன் தோளில் கைப்போட்டு பேச தோன்றுகிறது அவரைப்பார்த்தவுடன்.

ஆபாசபின்னூட்டங்கள் போடுபவர்கள் மீது எதாவது சட்டரீதியான நடவடிக்கை எடுக்க முடியுமா என்ற என் கேள்விக்கு இகாரள் பிராகஷ் சொன்ன பதில்

சென்னை சைபர் கிரைம் பிரிவினர் இணையம் மூலம் நடைபெறும் பொருளாதர குற்றசாட்டுகள் மீததான புகார்க்ளுக்கு மட்டுமே உடனடி நடவடிக்கைகள் எடுப்பார்கள் என்று சொன்னார்.

தொடரும்..

அன்புடன்
அரவிந்தன்
பெங்களுர்

பன்ச் டையலாக்!..ஆராய கூடாது அனுபவிக்கனும்.!!!

2007-08-03T13:19:00.000+05:30

சமீபத்தில் என் அலுவலகத்தில் உடன் பணிபுரியும் நண்பரிடம் பேசிக்கொண்டிருக்கும்போது அவரிடம் கேட்டேன் சிங்கம் சிங்களாக வேட்டைக்குச் செல்லாதே லாஜிக் உதைக்குதே என்றேன்.

.அதற்க்கு அவர் ரஜினி சொல்ற பன்ச் டையாலாக்-ஐ கேட்டு அனுபவியுங்க ஆராயதிங்க.. அன்று பாட்சா வில் ரஜினி சொன்ன "நான் ஒரு தடவை சொன்னா நூறு தடவை சொன்னா மாதிரி" அதில்கூட லாஜிக் கிடையாது(1 என்றும் 100 ஆகாது என்ற லாஜிக்)..

ஆனால் அன்று தமிழ்நாடே அந்த வசனத்தை பேசி மகிழ்ந்தது..

ஆகவே பன்ச் டையலாக்!..ஆராய கூடாது அனுபவிக்கனும்.!!!

அன்புடன்
அரவிந்தன்

"ஐ மிஸ் யூ" -க்கு தமிழில் என்ன

2007-07-31T12:15:00.000+05:30

நேற்று இரவு 2.30 மணி இருக்கும்..கைப்பேசியில் ஒரு அழைப்பு.அலுவலகத்தில் வேறொரு துறையில் இருக்கும் ஒரு இளைஞனிடமிருந்து..

எதோ அவரசம் போலிருக்கிறது அதான் இந்த நேரத்தில் அழைப்பு என்ற நினைத்த படியே என்ன விஷயம் என்று கேட்டேன்..

அண்ணே! எனக்கொரு அவரசமா ஒரு உதவி என்றான் என்ன சொல்லுப்பா என்றேன்.என் கேர்ள் பிரண்ட்-க்கு ஒரு ஐ மிஸ் யூ என்பதை தமிழில் எஸ்.எம்.எம் அனுப்ப வேண்டும்.ஐ.மிஸ்.யூ என்பதை எப்படி தமிழில் சொல்வது என்று கேட்டான்..இதுபோன்ற விடயங்களுக்கு நீங்கதான் சரியா ஆளு என்று கம்பெனி-ல பேசிக்கிறாங்க என்று பில்டப் கொடுத்தான்..

"உன்னை பார்க்காம தவியா தவிக்கிறேன்",

"என் தவிப்பு உனக்கு புரியுதா"

நீ இல்லாத தனிமை ரொம்ப வெறுமை"

என் மூன்று சொற்றொடரை சொன்னேன்..

நீங்க என்ன நினைக்கிறீங்க வேறு எதாவது பொருத்தமான வாக்கியம் இருக்கா..?

அன்புடன்
அரவிந்தன்

சன் டிவியில்-இப்பொழுது-உல்லாசப்பறவைகள்-திரைப்படம்

2007-07-30T14:31:00.000+05:30

இப்பொழுது சன் டிவியில் உல்லாசப்பறவைகள் திரைப்படம் ஒளிப்பரப்பாகிகொண்டு இருக்கிறது.

கமல்,தீபா,ரதி நடித்தப்படம்.இனிய பாடல்கள்,கண்ணுக்கினிய காட்சிகள் இடம்பெற்ற படம்.முதன் முறையாக பிரான்ஸ் நாட்டில் படம்பிடிக்கப்பட்ட தமிழ் படம் என்று நினைக்கிறேன்...

பார்த்து மகிழுங்கள் நேரமிருப்பின்

அன்புடன்
அரவிந்தன்

சில்லறை வணிகத்திலும் நவீன தொழிற்நுட்பம்!!!

2007-07-30T13:32:00.000+05:30

இன்று காலை அருகிலுள்ள மருந்து கடைக்கு சில மருந்துகள் வாங்கச்சென்றேன்.

அபுபொழுது அந்த மருந்து கடையில் ஒரு விற்பனை பிரதிநிதி (மருந்து தயாரிக்கும் நிறுவனத்தைச் சார்ந்தவர்) அந்த கடைக்கு தேவையான மருந்துகள் பற்றிய தேவைகளை தன்னுடைய் PDA-IPAQ- பதிந்து கொண்டிருந்தார். அலுவலகம் சென்றவுடன் அந்த handheld decice-ல் இருந்து அலுவலக க்ணினியில் தரவிறக்கம் செய்துவிடுவதாக சொன்னார்..

தொழில்நுட்பத்தின் தாக்கம் அனைத்து துறைகளிலும் நீக்கமற நிறைந்துள்ளது..

அன்புடன்
அரவிந்தன்

அபூர்வமாக பூத்த பிரம்ம கமலம்

2007-07-25T20:01:00.000+05:30

நண்பர்களே!!!

மிக ஆபூர்வமாக பூக்கும் பிரம்ம கமலம். வருடத்தில் சில நாட்கள் நடு இரவினில் பூத்து ஒரு மணி நேரத்திலே வாடி விடும் இந்த பிரம்ம கமலம். சென்ற வாரம் விழித்திருந்து பூக்கும் போது எடுத்த படம்.

அன்புடன்
அரவிந்தன்

விஜய் டிவி-நீயா-நானா-சில விளக்கங்கள்

2007-07-24T02:03:00.000+05:30

வீ.எம் அவர்கள் எழுதிய நீயா-நானா நிகழ்ச்சிப்பற்றிய பதிவிற்க்கு நான் இட்ட பின்னூட்டம் இங்கே ஒரு பதிவாக

அன்புள்ள வீ.எம்.

14-7-2007 நடந்த நீயா நானா படப்பிடிற்க்கு நானும் சென்றிருந்தேன் பங்கேற்ப்தற்க்காக..

முதலில் அவர்கள் சொன்ன தலைப்புதமிழகத்தில் வசிக்கும் தமிழ்ர்கள் மற்றும் வேற்று மொழி பேசும் மக்கள்..

கடைசி நேரத்தில் என்ன நின்னைத்தார்களோ அந்த தலைப்பு சற்றே பிரச்சினைக்குரிய தலைப்பு அதனால் அந்த தலைப்பில் விவாதம் நடத்துவது இயலாது என்று சொல்லிவிட்டனர்

.பிறகு "பொது இடங்களில் காதலிக்கலாமா கூடாதா என்ற தலைப்பில் நிகழ்ச்சி நடைப்பெற்றது.

நாண் பங்குபெற்ற இந்த நிகழ்ச்சியில் ஓலி வாங்கி பெற எந்த வித பிரச்சினை இல்லை.அதுபோல பணம் கொடுத்து யாரும் பேச அழைக்கப்பட்டதாக எனக்கு ரியவில்லை..

நல்ல மரியாதையுடன் நடத்தினார்கள்.இரவு நிகழ்ச்சி முடிந்த போது எல்லோருக்கும் இரவு உணவு,போக்குவரத்து வசதி செய்து கொடுத்தனர்.நிகழ்ச்சியில் இறுதியில் ஒரு பெண் பங்கேற்ப்பாளர் திடீரென மயங்கிவிழுந்த போது கோபி ஓடி வந்து முதலுதவி செய்தது மறக்க முடியாதது..

சில கல்லூரி மாணவ மாணவிகளை அவர்கள் தொடர்ந்து அழைக்கிறார்கள் கூட்டம் சேராததபோது என்று கேள்விப்பட்டேன்..
மற்றபடி விவாதம் மிகவும் நேர்மையாக நடத்தப்பட்டு நியாயமான தீர்ப்பு வழங்கப்பட்டது..

அன்புடன்
அரவிந்தன்.
பெங்களுர்

இயற்க்கை புகைப்பட போட்டிக்கு என்னுடைய புகைப்படங்கள்

2007-07-20T15:19:00.000+05:30

இந்த புகைப்படங்கள் கர்நாடக மாநிலம் சிக்மகளூர் அருகில் உள்ள கல்லாத்திகிரி என்ற அருவியில் எடுக்கப்பட்டுள்ளது..

மலையிலிருந்து வேகமாக வந்த காற்றாற்று வெள்ளத்தை அங்குள்ள யாணைகள் தடுத்து நிறுத்தி கல்லாக சமைந்ததாக உள்ளூர் மக்கள் நம்புகிறார்கள்.

கெம்ங்கண்டி என்ற இடத்தில் எடுத்த மற்றொரு புகைப்படம்

அன்புடன்

அரவிந்தன்

பெங்களூர் பதிவர்களே!!!.சென்னைக்கு சேர்ந்துபோய் கும்மியடிப்போம் வாரீகளா

2007-07-18T12:12:00.000+05:30

பெங்களூர் பதிவர்களே!!!.

சென்னைக்கு சேர்ந்துபோய் கும்மியடிப்போம் வாரீகளா பெங்களூர் பதிவர்களே!!!,அடுத்த மாதம் சென்னையில் நடக்கவிருக்கும் தமிழ் வலைப்பதிவு பட்டறைக்கு ஓன்றாக ரயிலில் சென்று கும்மியடித்துவிட்டு வரலாம்.

ஒன்றாக செல்ல விருப்பம் உள்ளவர்கள் தொடர்பு கொண்டால் ரயிலில் முன்பதிவு செய்ய வசதியாக இருக்கும்.

அன்புடன்
அரவிந்தன்

ஜெயா டி.வி.ரூ 375 கோடி நட்டத்தில்.

2007-07-17T15:14:00.000+05:30

நம்பதகுந்த வட்டாரத்திலிருந்து கிடைத்த தகவல்.

1999-2007 வரை ஜெயா தொலைக்காட்சி தொடர்ச்சியாக நட்டத்தில் இயங்கி இது வரை ரூ375 கோடி இழப்பினை சந்தித்துள்ளது...

ஆனால் அம்மா இதைப்பற்றியெல்லாம் கவலைப்பட்டதாக தெரியவில்லை.

தற்போதைய நிலவரப்படி அம்மாவிடம் ரொக்கமாக ரூ 5000 கோடி இருப்பதாக தகவல்.

அன்புடன்
அரவிந்தன்

நான் போட்ட எட்டு..அழைத்மைக்கு நன்றி வணக்கம்..

2007-07-16T23:27:00.000+05:30

ஏற்கனவே போட்ட எட்டுதான்..அப்பொழுது தமிழ் மணத்தில் எனது வலைப்பதிவிலிருந்து இடுக்கைகள் திரட்டததாது இப்பொழுதுதான் தெரியவந்தது.அதனால் மீண்டும் பதிப்பிக்கிறேன்.

எற்கனவே படித்தவர்கள் மன்னிக்க.

நான் போட்ட எட்டு..அழைத்மைக்கு நன்றி வணக்கம்..

என்னை எட்டு போட அழைத்த நானானி அவர்களூக்கு முதற்க்கண் நன்றி…என்னடா ஒன்பது வருடங்களாக தமிழியிணையத்தில் இருக்கிறோம்.தொடர்ந்து எழதாவிட்டாலும் அவ்வபோது எழுதிகொண்டுத்தானிருக்க்கிறோமே ஒருத்தரும் நம்மை அழைக்கவில்லையே,வேறு வழியில்லை அழையாவிட்டில் நுழைந்த விருந்தாளி போல நாமே எழுதிவிடலாம் என்றெண்ணியிருந்த சமயத்தில் ஆபத்பாந்தவனாக வந்து என்னை எட்டு போட அழைத்த நானானி அம்மாவுக்கு மிக்க நன்றி..

1.தமிழ் படிக்க ஆரம்பித்திலிருந்து தமிழ் புத்தகங்கள்(பாட புத்தகங்கள் அல்ல) படிக்கத்துவங்கினேன்..வாசிக்கும் பழக்கம் அப்பாவிடமிருந்து அவ்ந்தது.குறிஞ்சி மலர் புத்தகத்தில் வரும் அரவிந்தன் என்ற கதாபாத்திரம் நினைவாக எனக்கு அரவிந்தன் என்ற பெயர் வைத்ததாக அப்பா சொன்னதால் குறிஞ்சி மலர் புத்தகத்தை இரவெல்லாம் கண் விழித்து படித்தேன்.

2.அரசியல் செய்திகளில் அதீத ஆர்வம் அப்பொழுது..எமர்ஜென்சி அறிவிக்கப்பட்ட நாள் மிக நன்றாக நினைவிருக்கிறது..வானொலியில் செய்திகேட்டவுடன் இந்திரா காந்தி கிழவி ஒழிக என்று வீட்டிற்க்குள் கோஷமிட்டு என் அம்மாவிடம் பூசை வாங்கியது இன்னும் மறக்கவில்லை.

3.எட்டாம் வகுப்பு வரை படிப்பில் மிகவும் சுமார் ரகம்..ஆங்கிலம் என்றால் கசப்பு மருந்துதான் நினைவுக்குவரும்.. ஓன்பதாம் வகுப்பு படிக்குபோதுதான் ஆங்கிலபாடத்தில் முதன்முறையாக 35 மதிப்பென் எடுத்தேன்..அதன்பிறகு ஆங்கிலம் பாடம் மீது தனிக்காதல் வந்து பத்தாம் வகுப்பில் ஆங்கிலத்தில் 75 மதிப்பென் எடுத்துபோது எங்கள் வீட்டில் பலர் முதலில் நம்ப மறுத்து மதிப்பென் பட்டியல் பார்க்கவேண்டும் கேட்டது வேறு கதை..

4.ஒன்பதாம் வகுப்பு படிக்கும்போது என் அக்கா பேச்சுப்போட்டிக்காக தந்தை பெரியார் அவர்கள் பற்றிய புத்தகங்களை வாங்கிவந்தார்..பெரியார் பற்றி படிக்க ஆரம்பித்தபின்னர் என்னுள் பல மாற்றங்கள்.கடவுள் மறுப்புகொள்கையை உறுதியாக கடைபிடிக்கத்துவங்கினேன்..எந்த அரசியல் பின்னனி இல்லாத குடும்பமாக இருந்த்தால் என்னுடைய இந்த முடிவு பலருக்கு அதிர்ச்சி அளித்தது..ஆனால் என் அப்பா மட்டும் என் முடிவுகளுக்கு என்றும் குறுக்கே நின்றது கிடையாது..இதனிடையில் என் அம்மாவுடன் எற்ப்பட்ட கருத்து வேறுப்பாட்டால்(ஒன்பதாவது படிக்கும் போது) வீட்டில் இருந்து ரூ 100 எடுத்துக்கொண்டு “டில்லி”நகரத்திற்க்கு ரயிலேறிவிட்டேன்.வீட்டில் எழுதிவைத்த கடிதம் மூலம் நான் டில்லிக்குத்தான் சென்றிருக்கவேண்டும் என்று முடிவுசெய்து என் அப்பா உடனடியாக டில்லிக்கு விமானம் மூலம் சென்று டில்லி ரயில் நிலையத்தில் சென்னையிலிருந்து வரும் ஓவ்வொரு வண்டியாக தேடி கடைசியில் நான் டில்லி ரயில் நிலையத்தில் இறங்குப்போதே என்னை கண்டு பிடித்து பத்திரமாக சென்னை கொண்டு வந்து சேர்த்தார்..

5.பிறகு பள்ளி படிப்பு,பொறியியல் படிப்பு என்று வாழ்க்கை எக்ஸ்பிரஸ் வேகத்தில் ஓடத்துவங்கியது..

6.95 வருடம் என் அலுவலகத்தில் கணினி வந்தாலும் 97 வருடம் இணைய தொடர்பு வந்தவுடன் கணினியுடனான என் காதல் தொடங்கியது.என் நண்பர் அருண் என்பவரிடம் சாதரணமாக, இணையத்தில் தமிழை பயன்படுத்தமுடியுமா என்று 98 வருடம் ஆரம்பத்தில் கேட்டேன்.அவர் அப்பொழுது முரசு.காம் என்ற இணையதளத்தினைப்பற்றி சொன்னார்.உடனடியாக முரசு.காம் தளத்திற்க்கு சென்று தமிழ் எழுத்துக்களை இறக்குமதி செய்தேன்.ஆனால் நாங்கள் “ஷெல்” என்ற இணையத்தொடர்பு வைத்திருந்தோம்.அதில் படங்களையோ அல்லது தமிழ் செயலிகளையோ பயன் படுத்தமுடியவில்லை..உடனடியாக அப்பொழுது சென்னை இராதகிருட்டிண் சாலையிலிருந்த நெட் கபேவுக்கு சென்று தமிழை பயன் படுத்தி எழத முயற்ச்சிசெய்தேன்..(அப்பொழுது ஒரு மணி நேர சேவை கட்டணம் ரூ160,இன்று மாத கட்டணம் ரூ250 :)- கணினிதுறையில் இல்லாமல் அனேகமாக சென்னையிலிருந்து தமிழை இணையத்தில் பயன்படுத்திய முதல் நபர் நானகாத்தனிருக்கும்.

7.அப்பொழுதுதான் http://www.tamil.net/ என்ற இணையத்தளமும் அதன் தலைவர் பாலா பிள்ளை அவர்களின் தொடர்பு கிடைத்தது. Tamil.net நடத்திய mailing list மூலம் உலகளாவிய தொடர்பு கிடைத்தது. நான் அனுப்பும் மின்னஞ்சலுக்கு உலகம் மூழுவதிருந்து உடனடியாக பதில் வருவது என்க்கு மிகவும் ஆச்சர்யமாக இருந்தது.99-வருடம் என் மகள் பிறந்த செய்தியை தமிழ் இணையத்தில் அறிவித்தபொழுது 50 க்கும் மேற்ப்பட்ட வாழ்த்து செய்திகள் 20 நாட்டிலிருந்து வந்தது..என்னே இணையத்தின் வலிமை..என் மகளிடம் இன்றும் சொல்வேன்..பிறந்த மூன்று மணி நேரத்திலேயே உலகம் மூழுவதிலிருந்து வாழ்த்து செய்தியினை பெற்றவள் நீ என்று..கணினி,இணையம்,மற்றும் தமிழ் மீதிருந்த ஆர்வத்தினாலும் நம்பிக்கையினாலும் நல்ல பங்குதாரர்கள் கிடைத்ததாலும் சொந்தமாக விண்ணூஞ்சல் இண்டிராக்டிவ் என்ற multimedia நிறுவனத்தை தொடங்கினோம் 99 வருட இறுதியில்.

8.என் தனிப்பட்ட வாழ்க்கையில் எற்ப்பட்ட சில பிரச்சினைகளால் என்னால் வியாபாரத்தில் சரிவர கவனம் செலுத்தமுடியவில்லை.மிகத்திறமையான பங்குதாரர்கள் இருப்பினும் என் தவறுகளால் அவர்கள் பாதிக்ககூடாது என்று முடிவு செய்து நிறுவனத்திலிருந்து நாண் விலகிகொள்ள முடிவுசெய்தேன். பிறகு பங்குதாரர்கள் நிறுவத்தை வேறு பெயரில் நல்லப்படியாக வெற்றிகரமாக இன்று நடத்திவருகிறார்கள் என்பது வேறு கதை..உங்களுக்கெல்லாம் நன்கு தெரிந்த “உருப்படதாது” புகழ் நாரயணன் தான் என்னுடை முன்னாள் பங்குதாரர்.

2003 வருடத்தில் மனைவியின் விருப்பத்திற்கேற்ப பெங்களுர் வந்து கால் செண்டர் துறையில் வேலைக்கு சேர்ந்து வாழ்க்கை இன்பமாகவும் அமைதியாகவும் சென்றுகொண்டிருக்கிறது..

அன்புடன்
அரவிந்தன்